#1
|
||||
|
||||
حالو يا حالو
رمضان جانا او لسه هيجي يا سلام
حالو يا حالو وحوي يا وحوي كلنا في رمضان ما شا الله علي التدين كلنا بنلبس الحجاب ونشيل الميكب ونصلي ونختم القراءن ست ميه مره دا اذا مكنش سبعميه ونروح الجامع ونعتكف كمان واحلي حاجه صلاه الفجر والله عليك يا رمضان ومسلسلاتك ما شا الله ولا الفانوس والخشاف شهر غير عادي انا عن نفسي اشتريت الفانوس بس ايه رايك سيبك من رمضان تعالي كدا بعد رمضان اول يوم العيد يا ما شا الله ايه الحلاوه دي ولا اكن حاجه حصلت المصحف بيرجع في الدرج الايشارب في الدولاب ونطلع علبه الميكب والبنطلون وارمي الجيبه وهيييييييييييييييصه ممكن اسالك سوال وتجاوبني عليه انتا ليه بتعمل كدا في رمضان رغم انك مبتعملش كدا في العادي؟ سوال تاني ممكن تقولي عندك اراده او علي الاقل رغبه في انك تستمر في اللي انتا بتعمله حتي بعد رمضان ؟ اخر حاجه هو طلب ممكن محدش يسال السوال الغبي المعتاد في رمضان صايم ولا زي كل سنه |
#2
|
||||
|
||||
موضوعك جميل جدا يا فنكوشة ومهم اوى وللاسف ده الى ماشى دلوقتى
ممكن اسالك سوال وتجاوبني عليه انتا ليه بتعمل كدا في رمضان رغم انك مبتعملش كدا في العادي؟ انا الحمد لله مش بعمل الحاجات دى او بمعنى اصح مش للدرجة دى كل الحكايه انى باهتم كتير شوية بالعبادة فى رمضان عن غيره لكن مش بارجع 180 درجة وبتمنى الاحسن سوال تاني ممكن تقولي عندك اراده او علي الاقل رغبه في انك تستمر في اللي انتا بتعمله حتي بعد رمضان ؟ ان شاء الله فيه نيه كويسه السنادى وان شاء الله تتحقق وتبقى السنه كلها رمضاناخر حاجه هو طلب ممكن محدش يسال السوال الغبي المعتاد في رمضان صايم ولا زي كل سنه عيب عليا يعنى لو قلت حاجة غير كده وشكرا على موضوعك اللذيذ |
#3
|
||||
|
||||
اقتباس:
|
#4
|
||||
|
||||
وانتى يا فنكوشة بخضوص ان الموضوع للبنات
جاوبى على الاسئلة دى ايضا احراج ههه يلا منتظرين رد فنكوووووووووووووووووووووشة
__________________
قالوا سكتُّ وقد خوصمتُ قلتُ لهم
إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ |
#5
|
||||
|
||||
اكيد هرد عليك ياادمان
بصراحه انا معنديش سبب محدد لاني ممكن اقراء قران او اصلي غير كا لاني محجبه ومبحطش ميكب اصللا ولكن برضه في مثلا زي اني اروح اصلي التراويح او غير كدا بس بيكون انه بلاقي تشجيع من اللي حواليا وبيني وبينك مش هقول اني بصلي حاليا انا ماشيه علي سطر وسايبه اسطر يمكن انا معنديش اجابه محدده اوي غير اني بحس بالايمان وبخاف من ربنا وبحس ان في اوكازيون حسنات وبجري زي ما كل الناس بتجري وبفضل شويه بعد رمضان لكن برجع حبه بحبه وبجد نفسي استمر علي اللي بعمله في رمضان بعد رمضان كمان انا مش جايه اتفلسف علي فكره انا مجرد اني فكرت في حاجه في بالي وملقيتش جواب محدد فقولت جايز الجواب عندكم انتمولا انا غلطانه وعموما انتا مجاوبتش علي السؤال انا عارفه انكم حاسين ان السوال صعب دا لانك نفسك تطلع باجابه تكون مش غلط ادام نفسك وادام اللي حواليك بس مش عارف وعشان كدا مش لاقي اجابه محدده لكن هقولكم علي حاجه حلوه الاعتراف بالغلط هيريح وانا مش بطلب منكم تردوا عالموضوع كل اللي بطلبه انك تدور علي الاجابه بينك وبين نفسك مش اكتر ومرسي يا ادمان ومفيش احراج ولا حاجه يلا سلام |
#6
|
||||
|
||||
فنكووووووشة ازيك انتي قولتيها قبل رمضان لابسين من غير هدوم لدرجة انك تقولي ان القماش بقا عملة نادرة والجلد موضة :D
لكن بيبئا في رمضان بئا حاجة تانية يعني في غير رمضان مينفعش ناخود حسنات برضو ؟ ! لأ ينفع بس دي نظرة سطحية ان انا اشتغل بئا قران وصلاة وقيام و و و وانام بيهم لرمضان الجاي نيس توبيك
__________________
آخر تعديل بواسطة FrDeT sHraB ، 11-09-2007 الساعة 03:16 AM |
#7
|
||||
|
||||
hi guten tag
how are you >? thanks fankash it s a great plasure to write this award to you iam very happy and thank you
__________________
سأجوب مع رفاقي شوارع العاصمه لاحتفالي بمئويه الزمالك ومن المستحيل ايقافي[/COLOR][/SIZE] |
#8
|
|||
|
|||
حلوة البرقية اللي كتبها قمر ههههههههه
انتا ليه بتعمل كدا في رمضان رغم انك مبتعملش كدا في العادي؟ سؤال صعب شوية بس بعمل كده في رمضان لأنه بتبقى حسانات كتيير اوي واللي عايز ياخد وفي العادي والله بعمل بس اقل من رمضان سوال تاني ممكن تقولي عندك اراده او علي الاقل رغبه في انك تستمر في اللي انتا بتعمله حتي بعد رمضان ؟
اكيد كلنا عندنا رغبة وامل بس الإرادة والعزيمة بتقل واحدة واحدة موضوعك جميل جدا يا سارة زي الباقي :D:D
__________________
عشنا و شوفنا
ماليش تصريح ههههههه وعجبي |
#9
|
||||
|
||||
متشكرين يا استاذ جمبوا
بس انا مش هجاوب لان صاحب الموضوع مش بيخش اصلا |
#10
|
||||
|
||||
موضع مهم وأكثر من رائع
بس بيتهيألى احنا بنعمل كده علشان رمضان غير كل الشهور (تُفتح فية ابواب الجنة وتُغلق فية أبواب النار) وفيه لبلة القدر وهى خيرُ من ألف شهر بيتهيألى دى من الأسباب اللى بتخلى الناس متدينة قوى فى الشهر ده وتهمل باقى الشهور شكرا جزيلا مرة اخرى على هذا الموضوع الرنان
__________________
أشوفكم فى الجنة ان شاء الله
|
#11
|
||||
|
||||
استاذ فرده
والاستاذ جامبو والاستاذ محمد قمر والاستاذ احمد بصراحه بصراحه انا مش مسدئاكوا ومش مقتنعه برايكم ابداااااااااااااا عارفين ليه لانكم زيي ملقتوش اجابه للسؤال بس انا بقي هقولكم علي اجابه السؤال دي غريزه ربنا بيحطها جوانا وبتروح بمجرد ما بيخلص رمضان بدليل انك بتغلط برضه في رمضان ومش بتعرف تتحكم في نفسك امال ازاي بئا زيما بتقول عاوز حسنات ربنا بيحط الغريزه بس مش للدرجه اللي تخليك متغلطش ابدا في رمضان هو عاوزك تتحرك وبيغرز جواك حب التدين اي بيزودك بطاقه تشجيع ليس الا وهذا كل مافي الامر انتا باديك اللي تاخد من الطاقه دي علي قد ما تقدر وتزود نفسك عشان تقدر تكمل لبعد رمضان بالنسبه لمحمد قمر وحكايه ان صاحب الموضوع مش موجود دي بيسموها حجه البليد لامواخذه يعني سوري يا جماعه مشكلتي اني تعمقت في دراسه علم النفس اللي شكله هيودييني في دهيه باذن الله لامواخذه |
#12
|
||||
|
||||
فلسفة بفلسفة بقى
معنى كلمة غريزة انها موجودة عند كل البنى ادمين ذكور واناث وانها موجودة منذ ان فطر الله الارض زى غريزة الجوع غريزة الجنس....لكن اللى بتقولى عليه اول مرة اسمعها السلف الصالح (على اعتبار انها غريزة )....زى ما انتى عارفة كانوا بيصوموا ويتضرعوا ست اشهر قبل رمضان....اللهم بلغنا رمضان... تعبد وصوم ايضا بعديها بست اشهر...يارب تقبل منا اعمالنا وده مش صحابى واحد مثلا....ده كل الصحابة كده اذن ما يسمى بالغريزة ده شئ باطل من اساسه دى نقطة (وانا عارف قصدك ايه) دى اسمها سعادتك نفسك الامارة بالسوء اللى بتخليكى تنحدرى تدريجيا فى العبادة. كمان فى اكتر من سبب انك تعبدى (ودى تقريبا مش فى لموضوع ..بقولها لنفسى)فى رمضان اولا بمنظور غبى...الناس كلها بتتعبد وبتصوم وبتعمل الللى عليها ثانيا:لو معملتيش حاجة خالص مثلا هتلاقى ان فى ناس بتبدا تقومك وتقوللك: ما تروحى تصلى........طب ما تقريلك صفجتين فى المصحف....الخ.. ثالثا: ربنا امرنا بكده!!!! الرسول امرنا بكده!!! رابعا: فرصة زى ما انت قولتى ينتشل الواحد نفسه من البلاوى اللى هو فيها واللى بجد ملهاش غير رمضان عشان يظبطها لكن زى ما بقوللك بعد رمضان بترجع فردية العبادة وده يقللها... وده سبب مهم اوى اوى اوى يعنى مش فتور ولا كسل بدليل ان الناس كلها بتصلى و صف اول انا صليت الفجر امبارح ما كنتش عارف اقف فى مكانى من الزحمة يعنى من العك اللى انا قولته ده طلعنا بنقطتين وخلاص قاعد انا الف وادور حواليهم 1-نفسك الامارة بالسوء 2- فردية العبادة بحيتث انك مثلا ممكن تفترى فى العبادة بالتدريج 3- شوشو بيرجع تانى على فكرة الحل: ويارب اعمل باللى بقوله عشان فعلا ربنا قال(((كبر مقتا عند الله ان تقولوا ما لا تفعلون)) ذكر ربنا ....وبس...هو اللى هيثبتك وترك الشهوات قراءة القران.. اتصلى باصحابك تصحيهم على الفجر مثلا وهم يصحوكى وعلى كل الصلوات.... كأنك بتقوليلها انا هسبقك فى الحسنات بس كده اللى فى دماغى دلوقتى... لما تيجى حاجات كمان هبقى اقول
__________________
آخر تعديل بواسطة The_Relativistic200 ، 13-09-2007 الساعة 09:49 AM |
#13
|
||||
|
||||
الحمد لله اديك قولت بنفسك يا شعره
نفسك الاماره بالسؤ هي دي اللي عماله عاوزه اوصلها من اول الموضوع بس مستنيه حد ينطق ويجيب سيرتها فعلا للاسف كلنا معلقين نفسنا بالشيطان ولما بتحس انه اتسلسل عقلك الباطن بيخيلك انه هعو اللي مسيطر عليك بس غصب عنك برضه واحده واحده بترجع وتغلط تاني وكما قلت سابقا النفس الاماره بالسؤ اما حكايه الغريزه فانا اقتنعت باللي انتا فولته فعلا الغريزه بتكون متاصله من الاول سوري يا باشا وادينا بنتعلم برضه ولا ايه |
#14
|
||||
|
||||
كل سمة وانتم طيبين .... احنا كده ولو تغيرنا يبقى معجزة وده مش هيحصل يعنى صاحب الموضوع بيتكلم
فى حاجة واحنا بنتكلم فى حاجة تانية اه احنا عملنا رمضان بمزاجنا موسم للافلام والمسلسلات والفوازير وغيرة .... ونسينا حاجة ان رمضان ده شهر التوبة وشهر تجديد النية يعنى ممكن يكون بداية حلوا لشاب فاشل او بنت فاشلة ممكن يكون اول نقطة للدخول فى العباده والله تواب رحيم سلامى
__________________
كلما ضاقت عليك الحياة وكلما كثرة مشاكلها .... تذكر يوم جميل عشتة فى حياتك :::::::::::: رمضان كريم :::::::::::::: |
#15
|
||||
|
||||
اقتباس:
__________________
|
العلامات المرجعية |
|
|