|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-10-2010, 07:36 PM
|
||||
|
||||
لا وجود للعلماء فى مصر ......فمصر بلد الفن
السلام عليكم ورحة الله وبركاته
فاز عالمان بريطانيان بجائزة نوبل فى الفيزيا لتجاربهما المتعلقة بمادة كربونية قد تحدث انقلابا فى مجال الالكترونيات العالمان هما الهولندى أندرية جيم (51 سنة) والبريطانى قسطنطين نوفوسيلوف (36 سنة) ونتائج تجاربهما لا تعنينى بشكل مباشر لاننى لست من المهتمين بالفيزيا ولكن لفت انتباهى ان احدهما عمره 36 سنة فقط ... ورغم صغر سنه فأن نوفوسيلوف يدخل التاريخ من اوسع ابوابه باعتباره عالما استحق الفوز بجائزة نوبل انجاز نوفوسيلوف استدعى هذا السؤال؟؟؟ متى يظهر فى مصر علماء تتاح لهم فرصة البحث واجراء التجارب داخل المؤسسات العلمية فى بلدهم ثم يقدمون للعالم اختراعا او دواءا او نظرية علمية جديدة يستحقون عليها جائزة نوبل وهم فى سن السادسة والثلاثين قد يرد احدهم قائلا هناك احمد زويل الذى فاز بالجائزة بالفعل وهناك فاروق الباز ومجدى يعقوب ومئات غيرهم قدموا اسهامات جليلة فى جميع مجالات العلوم ويحظون بكل التقدير حيث يعيشون هناك فى دول الغرب نعم هذا صحيح ولكن هؤلاء لم يحققوا انجازا علميا الا بعد ان خرجوا من مصر ونفدوا بجلودهم من بيئة تعليمية وعلمية فاسدة وبيروقراطية ممقوتة لا تعترف بالنبوغ وجامعات لا ترى ان هناك ضرورة للانفاق ببذخ على البحث العلمى هؤلاء العلماء اذا لم يدفعهم حماسهم الشخصى الى الاصرار على تنمية نبوغهم العلمى خارج مصر لكانوا الآن تأهين وسط 85 مليون مصرى زويل مدرس لغة عربية وفاروق الباز ناظر مدرسة ثانوية زراعية ومجدى يعقوب مدير احد مستشفيات وزارة الصحة هل هذا فى احسن الاحوال.........؟ وهكذا يكونوا فى مصر.............. مصرى اخر نفد بجلده مثل هؤلاء النوابغ ففى السبوع الماضى قرأت تصريحا لعالم مصرى جاء مبعوثا الى الوطن من وكالة الفضاء الامريكية ناسا لبحث اسباب نضوب المياه فى الصحراء الغربية وبحر الرمال ومنطقة العوينات وذلك فى اطار الابحاث التى تجريها الوكالة للتوصل الى اسباب نضوب المياه على كوكب المريخ اسعدنى ظهور هذا النجم المصرى وسط صفوة علماء ناسا وسعيت الى معرفة المزيد عنه خاصة انه يرأس اتنين من اهم مراكز الوكالة وهما مركز التصوير الردارى ومركز تدريب رواد الفضاء ..... ومايزال عمره 36 سنة فقط عصام حجى تخرج من قسم الفلك بكلية علوم الاسكندرية ثم تقدم لخطبة الفتاة التى احبها ولكن والدها رفضه قائلا انه لن يجازف بتزويج ابنته لمسحراتى..... وظل عصام يبحث عن عمل دون جدوى واخيرا استقر فى محل لبيع البراويز ثم انتقل الى محل بيع الورود وكاد الاحباط يقتله لان فى رأسه افكارا علمية تريد الخروج الى الواقع علم عصام بالصدفة ان المركز الثقافى الفرنسى يقدم منحة لدراسة الكمبيوتر بباريس فتقدم بأورقه واجتاز دورة التأهل وسافر........ وهناك تفجر نبوغه المغمور وحصل على الماجستير ثم الدكتوراة فى ( اسباب نضوب المياه على سطح المريخ) واشمعنى المريخ؟؟؟ لانه اقرب فى طبيعة تكوينه الى كوكب الارض وبذلك يمكن التوصل يوما الى تجنب نضوب المياه على الارض باريس منحته الجنسية ومنصبا رفيعا فى وكالة الفضاء الفرنسية ثم عرضت عليه ناسا الانتقال اليها فوافق مشكورا ومنحوه الجنسية الامريكية وهو ينتقل الآن بين فرنسا والولايات المتحدة ... وكلتاهما تستفيد من علمه الغزير كأحد ابرز العلماء فى مجال تخصصه والسؤال الآن .......... هل كان يمكن للشاب المصرى عصام حجى ان يقطع هذا الطريق المهم من ابحاثه العلمية فى سن36 سنة....... وهو داخل مصر.......... طبعا لا.............ولاحتى فى سن 136  بقلم الصمت الحزين
__________________
رمضان كريم |
|
#2
22-10-2010, 07:53 PM
|
||||
|
||||
أنا وقفت علي النقطه دي وفضلت ابصلها كتير
زويل مدرس لغة عربية وفاروق الباز ناظر مدرسة ثانوية زراعية ومجدى يعقوب مدير احد مستشفيات وزارة الصحة هل هذا فى احسن الاحوال.........؟ وهكذا يكونوا فى مصر.............. بصي علي فكره في مصر كلهم علماء بس المشكله عندنا مفيش الاهتمام لو انتوا بتابعوا التليفزيون برنامج الاستاذ ابراهيم حجازي والبيت بيتك فيه طفل عالم مسمينه أذكي طفل في العالم وبيدرس في الجامعه الامريكيه وقرب ياخد دكتراه وهوا لسه في 14 سنه او حدود ذلك مصر مليانه بالمواهب بس المشكله في الحكومه شكرا لكي علي الموضوع الرائع
__________________
واجمل منك لم تراه قط عينا ... واطيب منك لم تلدا النساء
خلقت مبرءا من كل عيبا ... كأنك قد خلقت كما تشاء اللهم صلي وسلم وبارك عليك ياحبيبي يارسول الله <span class="emoji-outer emoji-sizer"><span class="emoji-inner" style="background: url(chrome-extension://immhpnclomdloikkpcefncmfgjbkojmh/emoji-data/sheet_apple_32.png);background-position:95.94594594594594% 48.00235017626322%;background-size:5418.75% 5418.75%" data-codepoints="2665-fe0f"></span></span> |
|
#3
22-10-2010, 08:34 PM
|
|||
|
|||
|
اقتباس:
علم ايه وكلام فاضي ايه اللي مصر حتصرف عليه وتنميه ؟!! يعني انتي عايزة المليارات المهدرة سنوياً والتي تنفق علي الفن الأصيل واقامة المهرجانات الفنية والثقافية ومكافأت لاعبي المنتخب ومصاريف السادة الوزراء والمسئولين وعلاج كبار مسئولي الدولة علي نفقة الشعب المسكين والقروض التي لا تعود والاكراميات والبدلات وحسن الضيافة والاستقبال والاستهبال وخلافه , عايزة كل ده يتصرف علي البحث العلمي !!!!!!!! طيب والغلابة دول يعملوا ايه ؟؟ يعني عايزة البلد تتقدم وتبقي كويسة ؟؟ وانتي ترضي كده ؟؟ إذا كنتي راضية , فهما مش راضيين .... والبلد بلدهم والشعب شعبهم . وعلي رأي المثل " شعبي وأنا حر فيه أفرده وأكويه " !!!!  واالي مش عاجبه , يروح يشوفله بلد تانية !! |
|
#4
22-10-2010, 08:35 PM
|
||||
|
||||
|
اولا موضوع اكثر من رائع
ثانيا مصر مقبره العلماء مره قرأت خبر ان دكتور فى كليه الهندسه بجامعه القاهره حصل على جائزه من امريكا لانه واحد من افضل علماء الرياضيات على مستوى العالم فقد اسس نظريه هامه فى الرياضيات وهنا فى مصر يعمل فى جامعه القاهره بمرتب لا يتعدى 600 جنيه هل هذا هو تكريم مصر له !!!!!!! هل هو يستحق ان يحظى بهذه المنزله فى بلده
__________________
 |
|
#5
22-10-2010, 08:56 PM
|
||||
|
||||
|
اقتباس:
نورت التوبيك
__________________
رمضان كريم |
|
#6
22-10-2010, 09:15 PM
|
||||
|
||||
|
اقتباس:
مصر ممكن تكون احسن بلد بس احنا نمشيها صح وبما يرضى الله شكرا جدا على مرور حضرتك نورت الموضوع
__________________
رمضان كريم |
|
#7
22-10-2010, 09:28 PM
|
|||
|
|||
|
اقتباس:
ايه اللي يفرح في البلد عشان الواحد يكون متفائل ؟!! بتقولي " بس احنا نمشيها صح " احنا مين ؟!! هي البلد بقت بلدنا !!! بقولك دي بلدهم واحنا شعبهم , يبقي حنمشيها ازاي ؟!! اوعي تقولي كل واحد يعمل اللي عليه , ده كلام نظريات فقط وعمره ما حل مشكلة أي بلد في العالم طالما النظام مش شايف غير اللي هوه عايزه وبس !! كل دول العالم اللي تقدمت ونهضت بالعلم والعلماء , كان هذا نابع من الدولة والنظام نفسه , مش من الشعب !! |
|
#8
22-10-2010, 10:08 PM
|
||||
|
||||
|
اقتباس:
ايوه كل واحد يعمل اللى عليه ده مش كلام نظريات ابدأ بنفسك احنا اصلا شعب مش منظم فى اى حاجه اتحداك انك تلاقى واحد ماشى على النظام صح حتى انت واكبر دليل على كده مترو الانفاق تجنبا للحوادث عملوا اماكن نزول واماكن صعود اكيد كلنا ركبنا المترو وشفناها عمرى ماشفت حد ملتزم بيها اى حد ينزل من اى حته واى حد يطلع واسلوب همجى حاجه تانيه ازدحام الشوراع الطريق الدائرى مثلا ولا طريق المحور واقفين 24 ساعه ليه ؟؟ تلاقى عربيه داخله يمين والتانيه داخله قصادها قفلوا السكه ومحدش عارف يعدى ومعاك بقى للصبح على كده فين النظام فين الالتزام بقواعد المرور انت عمرك مشيت على النظام بالظبط بتتبع كل القواعد والقوانين لا يمكن وانا متأكد ان الاجابه لا مش معنى كده ان الحكومه مش غلطان لا طبعا انا قولت فى ردى مصر مقبره العلماء وفعلا حكومتنا بتحارب العلم بس بردو مش هى لوحدها اللى مسئوله الحكومه والشعب منظومه متكامله لازم الاتنين يتعاونوا علشان نوصل للدول المتقدمه دى ونرتقى بالعلم احنا عندنا بعض من النظام لكن مش بنظبقه فكر مع نفسك كده لو كلنا مشينا على النظام وطبقناه صح سياسه الحكومه هتتغير ولا لا
__________________
|
|
#9
22-10-2010, 10:57 PM
|
|||
|
|||
|
اقتباس:
انت قريت الموضوع كويس وعرفت الموضوع بيتكلم عن ايه ؟!! الموضوع بيتكلم عن العلم والعلماء في مصر , مش سلوكيات الشعب!!! وبعدين يا ريت تقولي ايه هو النظام عشان الشعب يمشي عليه؟!! |
|
#10
22-10-2010, 11:01 PM
|
||||
|
||||
|
اقتباس:
انا رديت على الموضوع مره واتكلمت عن الموضوع وردى التانى ده ماكنش على الموضوع كان على رد حضرتك حضرتك بتتكلم فى الشعب انا برد عليك
__________________
|
|
#11
22-10-2010, 11:06 PM
|
||||
|
||||
|
اقتباس:
نورت الموضوع
__________________
رمضان كريم |
|
#12
22-10-2010, 11:19 PM
|
|||
|
|||
|
اقتباس:
واضح انك لسه طالب سواء في المدرسة أو الجامعة . لما تتخرج ان شاء الله حتعرف ان فيه حاجات كتير اوي مش في ايد الشعب وانما في يد النظام فقط . وكما يفسد النظام وسياسته شعوباً , فكذلك يمكنه اصلاحها . حكاية ان الشعب حيجبر النظام انه يبقي كويس , ده مجرد وهم في مصر وبكرة حتشوف وتجرب بنفسك . الكلام بالنسبة للطلبة بيكون سهل وانا بعذركوا , لكن يا ريت تسألوا كتير ومش واحد بس , لا اسألوا أكبر عدد ممكن من كبار السن عشان تقدروا تشوفوا أوضح صورة ممكنة لكم . ليس هدفي هو بعث اليأس في نفوسكم أو أن تروا الحياة سوداء وانما أخشي عليكم من صدمة التفاعل مع الحياة العملية في مصر يا ريت كمان تشوفوا برامج مثل الـ 10 مساء , 90 دقيقة , الحقيقة , واحد من الناس , الطبعة الأخيرة شوفوها يمكن تتضح لكم الصورة كثيراً . علي فكرة يا بيبو أنا اتكلمت عن المصريين وسلوكياتنا في موضوعات أخري وقلت أكتر مما قلته أنت . ولكن هذا الموضوع يختلف عن المواضيع الأخري , فوجب علي أن أعلق في حدود الموضوع المطروح فقط . |
|
#13
22-10-2010, 11:35 PM
|
||||
|
||||
|
من ناحية ان مفيش اهتمام فى مصر بالتعليم فى ديى عندك حق زى الطفل دة محدش اهتم بية فى مصر وسافر عشان محدش اهتم بىةاذكى طفل في العالم
__________________
[CENTERأثقَ بكَ ربيْ! آثقَ بأن كلَ مآ (أتمنآهَ) سيكونَ برحمتكْ ليَ. . وأن كلَ مآ آدعوَ به ستحققهَ لي يومـآَ. .| وستجزينيٌ خيرآ لآننّي آمنتَ بكَ وآنآ موقنهَ برحمتكَ ! ][/CENTER]  |
|
#14
23-10-2010, 01:56 PM
|
|||
|
|||
|
اقتباس:
رغم شموخ ماذكرت من قمم وعلماء الا أنهم يعشقون تراب مصر --- فلماذا نكرهها ونحن لازلنا طلبه -- ماالمبرر ؟؟؟؟؟ ألا نتخذ منهم القدوه أبويا فقير أذبحه ؟؟؟؟ بتمثلونا بأمريكا وانجلترا اللى معظم بحوثهم من المهجرين والأموال من المستعمرات التى لازالت تحت أيديهم ؟؟؟ شكرا يا أخ محمد وياريت اللى وصفوا مصر بأنها بلد الفن يتقى الله فى كل الشعب الحريص على دينه وعلمه إنه كلمه نرددها دون أن نشعر أنها إساءه لنا جميعا ولمن قالها قبل الجميع فهل كاتب الموضوع من الوسط الفنى ؟؟؟؟؟؟؟؟؟؟؟؟؟؟؟؟؟؟؟ إلى هذا الحد هنا على أنفسنا !!!!!!!!!!!!!!!!!!!!!!!!!!!!!!!! |
|
#15
23-10-2010, 02:01 PM
|
|||
|
|||
|
اقتباس:
طول ماحضرتك لابس النضاره السوده وبتحاول تفرضها علينا عمر حضرتك ماهتشوف حاجة تفرح شكرا لحضرتك |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:05 AM.
