زعلانة وخايفة اوى اوى عليها وبردو منها آآآه يا مصر

[مصرية وبحب بلدي]

بسم الله الرحمن الرحيم
السلام عليكم اعضاء منتدى
بوابة الثانوية العامة
فى حاجة كده فى قلبى خانقانى ومش لاقية حد افضفض معاه ملكتش غيركم انتم بس ياريت تفهمونى
زلانة عليها اوى
زعلانة على كل حاجة فيها
على اهلها اللى ما بقوش اهلها
واولادها اللى هما مش اولادها
فين ناسها اللى معروفين بكلمة
المصرى دايما يفتخر بمصريته
زعلتك فى حاجة معلش ياعم دى بردوا امك سامحها مرة وعشرة ومليون
وقبل ما تتهمها هى شوف نفسك الاول
وفين جنودها اللى معروفين ببسالتهم وتضحيتهم
و فين قوادها اللى بيحبو شعبها وبيعملو على راحتهم وأمنهم
فين ايام ناصر والسادات رحمهم الله
وخايفة يجى وقت اقول فيه
لله يرحمك يا مصر
ليه بقينا كدة ولامتى
انا زهقت واتخنقت كل يوم بيعدى عليا بازداد ياس
لما الاقى اولادها مش طايقين يقعدو فيها
زمان قبل اما ادخل عالم الكمبيوتر والنت كنت بشوف مصر فى ماتش الكورة
ناس متجمعة بيشجعو ويفرحوا ويحزنوا ليها وعليها
كنت فاكرة كل الناس بيحبوها
بس لما دخلت هنا احبطت ويأست واتخنقت من الحال اللى عليه اولادها
كل واحد بيفكر فى نفسه وخلاص
كل اللى يهمه يجيب فلوس اكتر منين
ان شاء الله يشتغل حتى خدام
زمان كان الواحد مستعد يضحى بنفسه وولاده وعمره علشانها
مش بس فلوسه!!!
انا مهما كتبت وقولت مش هاخلص
انا عارفة ان فى ناس كتير هاتنتقضنى وترفض كلامى
بس انا موافقة لانى ممكن استحمل اى حاجة عشان مصر
فى انتظار ارائكم وتعليقاتكم
مصرية