مفردات مرتب المتعاقدين بالتربيه والتعليم ضرورى

[بدر البدور وائل]

كنت اشاهد برنامج 48 ساعه منذ قليل وتحدث مع وزير التنميه الاقتصاديه / عثمان احمد
عن الحد الادنى للأجور للقطاع الخاص
واثناء الحديث تداخل المشاهدون واتصلوا بالبرنامج وهم عاملين بالحكومه مثلنا
فالوزير قال ان مرتب العامل بالحكومه على الدرجه 6 الى بيقبضه فى ايده 407 جنيه بعد الخصومات وكده زينا يعنى
اما الدرجه الثالثه 620 جنيه نهايه المربوط
فاذا بالمتصلين مهندس وموظف بالنقل العام ودكتورة طبيبه واخرى صيدله واخر موظف ومفتش صحه
مفتش الصحه قال بقبض 378 جنيه وموظف بقالى 20 سنة
الطبيبه قالت 340 وهى درجه تالته متعينه من شهرين اساسيها 198
وكذبوا الوزير وجدول الاجور الذى كان معه
لهذا طلب سيد على من الموظفين ارسال صور من مفردات مرتباتهم للبرنامج ومواجهه احمد درويش وصفوت النحاس والماليه بهم
لان ميزانيه الاجور 97 مليار جنيه مقسمه على جدول اجور العاملين بالدوله الذى تسير الحكومه عليه
اذا يوجد نهب وسرقه فى مرتبات موظفى الدوله والمتعاقدين فكيف موظف عامل بدون شهاده 407 واحنا مؤهلات عليا 350 واخرين 360 واخرين 380 كيف هذا يبقى الخلل جاى من كده
يلا نبعت للبرنامج صور مفردات مرتباتنا نواجهم بها ونكشف الحكومه امام الرئيس مبارك لانه جدول الاجور مبنى على برنامج الرئيس
فوقوا وابعتوا للبرنامج واتكلموا يا ريت الى عارف اميل البرنامج يبعت عليه وندق على الحديد وهو سخن
وياريت حد يضيفه على المنتدى
دى فرصتنا نكشفهم وناخد فلوسنا المنهوبه
اتفرجوا على اعاده الحلقه غدا صباحا