مشكلتي !!!

[سارة الدمياطية]

بسم الله الرحمن الرحيم
السلام عليكم ورحمة الله وبركاته
ازي حضرتك يا استاذة رانيا ان شااء الله تكوني بخيير ياارب
كان عندي مشكلة وحبيت اقولهالك ان شااء الله تساعديني وربنا يوفقك
هي مشكلة عندي بيتهيقلي من اول ما اتولدت يعني ...
او يمكن حصلتلي وانا صغيرة .
المشكلة ببساطة اني مش بعرف اتكلم بطلاقة اوي !
يعني ساعات بفافا بتاتا بتلجلج في الكلام وخصووصا لو بكلم استاذ او استاذه او بكلم حد اول مرة اشوفه
وسالت دكاترة ايه سبب المسكلة دي !!
فقالوا مشكلتها عدم الثقة في النفس !!
والموضوع ده انا بعاني منه جدااااااا جدااا وده اكتسبته غصبا عني من البيئة اللي حواليه انا بيقولوا يعني ولا ازكي نفسي طبعا ...
وهذا من فضل ربي اولا واخيرا
بيقولوا اني طيبة ...
او بمعنى اصح انا عبيطة وخصوصا وانا صغيرة
فده بردوا من اسباب عدم الثقة بيتيهقلي
الموضوع ده مكنش هامني زمان وكنت عايشة وخلاص يقولوا اللي يقولوه ..
لكن دلوقتي نفسي بجد يكون عندي ثقة في نقسي !!
لاني انا حاليا في ثانوية عامة وانا دخلت علمي وكل اللي يعرف من اهلي وكده يقولوا دخلتي علمي ليه !!
دمرتي نفسك و و ,,,, الخ
عشان جاية من السعودية يعني ومستوايا مش قد كده ..
لكن دي رغبة عندي من زمان جداااا
انا كان نفسي بجدددددد كانت امنية حياتي اني ادخل طب او علاج طبيعي
وكانوا بيقعدوا يضحكوا عليه !!
ويتريقوا !!!
كنت بكتب دكتورة سارة في كل حته عشان اقنع نفسي انه ممكن !!
بس الحمد لله على كل حاجة ..
لانه التعليم هنا غير تعليم السعودية خالص
وصعب جدااااا
وكان لازم تاسيس في كل المواد لكن ده محصلش غصبا عني ..
حاليا والله كرهت الطب جدااااا جدااااا
المشكلة بقى اني مش عارفة اذاكر خااااااااااااااااااااااالص !!!
نهاااائيا ..
وكل اللي يجي عندنا سارة بتذاكر!!
سارة بتذاكر
!!
كرهت السيرة دي اساسا

بس الحمد لله طبعا على كل حاجة
ومعلش لو طولت عليكي
ربنا يوفقك
السلام عليكم ورحمة الله وبركاته