ايه رايكو فى الجواز من جنسيات مختلفة ..

[ياسمينايا]

السلام عليكم ورحمة الله وبركاته ..كل سنة وانتو بخير وصحة وسلامة ..ان شاء الله ..

عايزة اسأل سؤال..
ايه رايكو لما اتنين يتجوزو بس من جنسيات مختلفة ..
من دوله عربيه ..او من دولة غير عربيه ..
اردني مع مصريه ..المانى مع خليجيه ..ايطالى مع مصريه ..او العكس ..
مشكلة الديانة هتبقى اكتر مع المن دول غير عربية ..
غير كده انامش مقتنعة ان واحد يبقى من ديانة تانية ..ويروح يحب واحده مصرية ويسلم عشانها ((بسم الله ماشاء الله ))اكيد طبعا مش حبا فى الاسلام ..لا حبا فى البنت طبعا..وانا مش مع كده ابدا ..
ده نموذج لسة حاصل ..قريب ..
بنت مصريه عاديه جدا ..بتشتغل مع اسبان فى احدى المراكز ..المهم واحد اسبانى اسلم ..وحبها واتقرت فاتحتهم بس اسلم الاول وصام رمضان كله وبعدين اتقدملها ..((ايه رايكم فى النموذج ده ))
ناس قالت انو كويس ..ماهو اسلم الاول ..وناس تانية قالت مفيش توافق ما بينهم ..وناس قالو ماهو ممكن تتجوز واحد مصري ومبيبقاش فى توافق ابدا ..وممكن تتجوز واحد اسبانى ويبقى فى توافق ..
حاجه تانيه ..لو واحد اجنبي مسلم من اول ما اتولد وكل عيلته مسلمة جدا عن اب (مش زى الاولاني)) ..ايه رايكم ..
انا شايفه انو ممكن يبقى فى اختلاف فى العادات والتقاليد ..حتى لو مسلم من اول ما اتولد ..لانو اصلا عايش فى دولته الاجنبية ..وومكن يبقى مسلم اسما فقط ..وانتو طبعا عارفين مدى الحريه هناك ..ومدى عدم الاهتمام بالديانة ..وطبعا مش كل الاجانب المسلمين كده ..ممكن الغالبية ..
معرفش بقى ايه رايكم ..فى انو حد مصري يتجوز اردنيه او من اى دوله عربية ..او العكس ..
ياريت تقولو ارائكو فى النقطتين ..من دول عربيه ومن دوله غير عربيه ..