اعتقال 13 شخص عقب اشتباكات عنيفة بين الأمن ومنتمين للإخوان بالمحلة

[mrweb]

شهدت قرية كفر حجازي -احدى قرى مركز المحلة بمحافظة الغربية- اشتباكات حادة بين مجموعة من المنتمين لجماعة الإخوان المسلمين و الأمن، عقب صلاة الجمعة أثناء مسيرة لأحد مرشحي الجماعة.

فأثناء قيام سعد الحسيني النائب الحالي ومرشح الإخوان بمجلس الشعب وعضو مكتب الإرشاد بعمل مسيرة انتخابية داخل القرية عقب صلاة الجمعة، وحدثت اشتباكات عنيفة بين الأمن وأنصار المرشح، فقام أفراد الأمن بإطلاق قنابل مسيلة للدموع لتفريق أنصار المرشح.

فقام الحسيني وأنصاره بالاحتماء داخل مسجد القرية، وفرضت قوات الأمن طوق أمني كثيف بمدخل القرية، وانتشرت قوات الأمن المركزي داخل القرية، وقامت باعتقال 13 شخص من أنصار الحسيني والمنتمين لجماعة الإخوان المسلمين.

http://www.masrawy.com/News/Egypt/Po...t_clashes.aspx

أديها كمان حرية

[روووووز]

ولسه احنا لسه شوفنا حاجة

[abo shahd]

لا حول ولا قوة الا بالله العلى العظيم الشعب ذنبه ايه بس

[mrweb]

لا حول ولا قوة الا بالله العلى العظيم الشعب ذنبه ايه بس

ذنبه انه ساكت على حقه

[حـHoSaMـسام]

هما دايما بتوع الإخوان دول سبب مصايب البلد دي
طول منا ماشي فالشارع الاقي الدعايا بتاعتهم دايما واخده قوة وتعصب
بالنسه للحرية فدي مش هتشوفوها حتى لو النظام اتغير
امبارح كنت ماشي لقيت مظاهرة لعمال شركة بتروتريد
سبو فيها الحكومة والريس والامن بس فضل محاوطهم وبعديها كل واحد راح لحاله
تعالو شوفو ده لو كان ايام السادات كان حصل ايه
كانو اتعلقو
اسالو حد اكبر منكو قولوله ايام السادات كانو بيدخلو الحرس الجامعي ازاي

[mrweb]

بمناسبة ذكر الاعتصامات و حنية رجال الشرطة عليهم, دي صورة لاعتصام موظفى مركز معلومات التنمية المحلية 26/10/2010 عشان لقمة العيش لا غير. وياريت ناخد بالنا من صورة الظابط وهو ضاغط على اسنانه وبيرمي الموظف الادامه بكل حنية وطيبة و ذوق و رقة و أخوة . والست البتجري و بتعيط من الفرحة .

[ابو اسامة]

الظابط بيقول ليهم روحوا انتم وانا حجيب ليكو حقكم

[هانى الشرقاوى]

تحيا الحريات

[روووووز]

من الاخر الحكومة مش عايزة اخوان دى مكشوفة على الاخر ومش عايزة تفكير

[حـHoSaMـسام]

مفيش حاجة اسمها حرية مطلقة لانها هتتحول لارهاب (ياتنفذلي اللي انا عايزه يا هكسر وأدغدغ براحتي)
والحكومة مش عايزة اخوان لان المفروض فعلا ميكنش في اخوان

[mrweb]

مفيش حاجة اسمها حرية مطلقة

صح كلامك ومافيش حاجة اسمها تزوير مطلق .

لانها هتتحول لارهاب (ياتنفذلي اللي انا عايزه يا هكسر وأدغدغ براحتي)

ايه علاقة مسيرة انتخابية للدعاية لمرشح بالارهاب؟

والحكومة مش عايزة اخوان لان المفروض فعلا ميكنش في اخوان

يعني ايه الحكومة مش عاوزة اخوان؟ هما الاخوان مش مصريين ولا جايين من المريخ مثلا؟ ثم اليقرر في اخوان ولا لا هو الناس مش الحكومة. الحكومة موجودة عشان تعمل الناس عاوزاه ومحتاجة له مش الناس هي التعمل العاوزاه الحكومة. وليه المفروض مايكونش فيه اخوان؟ ممكن السبب

[كمال عبد الفتاح]

الاخوان لهم الحف في الدعاية زي اي مرشح ولكن دايما هم اللي يتقبض عليهم بس
ولكن الشعب المخلص معهم وربنا ينصرهم

[روووووز]

المشاركة الأصلية كتبت بواسطة mrweb

يعني ايه الحكومة مش عاوزة اخوان؟ هما الاخوان مش مصريين ولا جايين من المريخ مثلا؟ ثم اليقرر في اخوان ولا لا هو الناس مش الحكومة. الحكومة موجودة عشان تعمل الناس عاوزاه ومحتاجة له مش الناس هي التعمل العاوزاه الحكومة. وليه المفروض مايكونش فيه اخوان؟ ممكن السبب

هههههههههههه الحكومة موجودة عشان كده سبحان الله

حضرتك عايش فى مصر وانا متأكدة انها مش عايزة اخوان لان الادلة كلها واضحة من خلال الانتخابات السابقة والحكومة ماشية على نفس المنوال

[mrweb]

حضرتك عايش فى مصر وانا متأكدة انها مش عايزة اخوان

الحكومة مش عاوزة حد خالص عاوزين ارجوزات يمثلوا المعارضة لكن حد يعارضهم بجد او يحاول يرجع الحكم للشعب مرة تانية لازم ينتهي.
مش لازم نستسلم كمصريين لهم لانه ده حقنا ان يحكمنا من ننتخبه بكامل حريتنا

[روووووز]

المشاركة الأصلية كتبت بواسطة mrweb

الحكومة مش عاوزة حد خالص عاوزين ارجوزات يمثلوا المعارضة لكن حد يعارضهم بجد او يحاول يرجع الحكم للشعب مرة تانية لازم ينتهي.
مش لازم نستسلم كمصريين لهم لانه ده حقنا ان يحكمنا من ننتخبه بكامل حريتنا

وحضرتك معتقد ان اللى هيطال بحقه مصيرة فين كل الانتخابات دى مجرد مسرحية وكل واحد عارف دورة ومين البطل