ارجو المساعده من مدرسى الرياضيات

[المهندسه ام ليلى]

السلام عليكم انا مهندسه اعيش فى السعوديه ...وعرض عليا عرض عمل من احدى المدارس كمدرسه رياضيات باللغه الانجليزيه للفصل الاول والثانى الابتدائى
ارجو من اصحاب الخبره من سيادتكم مساعدتى فى شرح مبسط لاسلوب الشرح وتوصيل المعلومه للاطفال وفن التعامل معهم فى هذا السن الصغير...وايضا هل اسلوب توصيل الشرح يكون افضل باللغه العربيه او بالانجليزيه؟؟
اكون شاكره لكم حسن التعاون و جزاكم الله خيرا.

[mr_ehab4m]

السلام عليكم
اولا انا شايف ان الموضوع صعب شوية الا اذا كنتي كويسه في الانجليزي لأن لو المرحلة صغيرة مش هتحتاجي قدرات رياضية كبيرة قوي ولن كنت ما زلت شيفه صعب شوية
بس الافضل انك تخلطي بين الاثنين من وجهة نظري وخاصتا ان السن الصغير لسه ما عندهوش خلفية كبيرة عن الانجليزي
والاهم مع احترامي هو نوع المدرسه لأني اعرف ان كتير من مدارس السعودية ما بتعلمش قوي فلازم طبعا هتتكلمي عربي
وعشان تستفادي اكتر ادخلي علي الجزء الخاص بالمرحلة الابتدائية لغات وهي علي
http://www.thanwya.com/vb/forumdisplay.php?f=73

[المهندسه ام ليلى]

mr ehab اشكر حضرتك جدا سرعه الاجابه والتعاون
اما عن المدرسه ...هنا فى السعوديه تنقسم المدارس الى جزءين
حكومى تابع لوزاره التربيه و التعليم السعوديه و ده طبعا المدارس الحكوميه فى مصر فى اوحش منطقه عشوائيه بالنسبه لها كنز معرفه و جنه بمعنى ان مستواها وحش جداااا
انترناشيونال تابع للاداره التعليم الاجنبى فى السعوديه ودى نظام امريكى او بريطانى زى المدارس اللغات المحترمه جدا فى مصر
ده توضيح يمكن يفيد حضرتك
و اشكرك مره اخرى على التعاون و جعله الله فى ميزان حسناتك
وتابعت اللينك ال وضعته واشكرك
لو فى اسئله هتقل عليك واسأل تانى

[محمدعلام1]

السلام عليكم رحمة الله وبركاته يوجد موصع لشرح المواد لغت بالفيديو ويسمى sckoool
حاولى تدخلى عليه وان شاء الله هيكون كويس

[المعلم المساعد الحزين]

والله انا مش شايف انك تتعبي نفسك بالبحث بمجرد دخولك الفصل هتشتغلي وبعدين انتي مهندسة يعني تعرفي رياضيات كتير