الوقت

[فنكوشه المنكوشه]

الوقت

من اخطر ما يهدر في حياه الانسان
تخيل السنه فيها 365 يوم باين واليوم ب24 ساعه والساعه ب60 دقيقه وهلم جرا

ياه انا عن نفسي بقالي عايشه 15 سنه وكام شهر يعني مر عليا اد ايه من الوقت

بلاش بلاش

خلينا في يومنا العادي يا تري بيضيع ازاي

تقدر تقول 12 ساعه نوم وكام ساعه درس والباقي خروج وتليفونات ونت

وتعابين الساعه ماشيه واحنا ماشيين وللاسف مش مقدرين قيمه الوقت


تفتكر ممكن في يوم من الايام تعيش بنظام وقتي او جدول وقتي
يعني الساعه كذا افطر هنام 8 ساعات

بس المشكله الاكبر هي تضييع الوقت
مش في الدراسه في الاجازه
احنا بنتحاسب علي الوقت دا

يعني المفروض نستغله في شي مفيد

هحكيلكم تجربتي الغريبه مع الوقت طبعا قبل ما اسافر كنت اجدع واحده تضيع الوقت وبشراهه كمان نوم وتليفونات ونت وهلم جرا .......
بس لما سافرت وكدا بدا ابويا بئا يفهمني ويقولي مينفعش لازم تستغلي الوقت مش كله تليفززيون وكلام فاضي ومع الوقت بدات انزل مع اصحاب هناك اشتري كتب وكدا وانشغلت بالموضوع دا اوي وللاسف

جيت اكحلها عميتها وبقت حياتي كلها قراءه في قراءه ومكنتش بعمل حاجه اني اعد اقراء في كتب والخصها في دفاتر واطلع بالنتيجه وهكذا

المهم طبعا برضه للاسف دا غلط يعني لا كدا نافع ولا كدا نافع

ومن هنا المشكله وهي عدم ادراك قيمه الوقت وعدم ادراك كيفيه استغلال الوقت


وعاوزه مناقشه دمويه :D