|
||||||
| الجامعات الخاصة والمعاهد جميع الجامعات والمعاهد الخاصة |
 |
|
|
أدوات الموضوع | انواع عرض الموضوع |
|
#1
28-09-2007, 08:15 PM
|
|||
|
|||
كُل ما يحتاجه طالب الكُليات العملية من نصائح !!
بسم الله الرحمن الرحيم
سلام عليكم ورحمة الله وبركاته أهلاً يا طلبة الكُليات والجامعات منورين والله موضوعي للكُل في كلية في معهد في الهوا برضو الموضوع ان شاء الله هيكون مُفيد وفيه ناس ان شاء الله هتستفيد جداً كلامنا موجه للأخص لمن عندهم امتحانات ميد تيرم كمان شهر أولاً : انا أحب اعرفكم بنفسي عشان ناس كتيرة متعرفنيش بالنكـ نيم الجديد انا محمد البري الفرقة الأولى ــ صيدلة طنطا يعني ليا خبرة سنة في الكُلية والجامعة ـ طبعاً مش ياما ـ في ظنكم بس التجارب اللي عشتها في السنة دي كانت ياما ــ متفكروش اني دحيح وبزاكر ليل نهار ــ انا معدي السنة بمواد وناجح بالعافية ـ فعشان كدا هذكرلكم الأخطاء اللي لازم تتجنبوها وتبتعدوا عنها ـ وإيه المفروض يتعمل عشان متلومش نفسك في الأخر وتقول ياريت اللي ما جرى ما كان هبدأ بالكُليات العملية كاملة وفقط حديثي عنها ـ كلية عملية يعني سكشن ومُحاضرات ـ أولاً : المُحاضرات طبعاً الغالبية العُظمى بتحضر المُحاضرات وبتطلع منها صفر اليدين ـ او زي ما بنقول في الأمثال العربية ـ عاد بخُفي حُنين ـ اهو دا المقصود بالضبط بتدخل تقعد يا ترغي ويا صحابك ومتفهمش يا تركز وتفهم لبعض الوقت وبعد كدا نسبة الفهم بتبأى مُنعدمة كُله يصحصح معايا ويركز محدش ينام مني انا عارف ان العرض طويل ومُمل بس استحمل الفرد عشان يوصل لهدف واحد عليه التضحية بالكتير وعليه انه يستحمل ـ محدش بيتولد ومعلقة دهب في بؤه زي ما بنقول ـ ومحدش ربنا بيخذله لما بيتعب ناس تقول المُحاضرات زحمة والجو حر ــ أوف بأى ــ مش حاضر تاني يكش تولع المُحاضرة ــ الحجة المعهودة : يعم دا دكتور مُتخلف محدش بيفهم منه !! تسأل افشل اتنين في الدفعة ـ ولا الدكتور فُلان دا مش خنيق وحمار ومتخلف ــ اه يا عم وربنا اللي خلاه دكتور ظلمه ــ وللأسف بنكدب على نفسنا يمكن التقصير والتنفيض وتزاكر وتسقط في المادة ــ ليه ؟؟!! لأنك معملتش ولا اديت كُل اللي عليك فبالنسبة للمُحاضرات مش هتفهم فيها اي حاجا فياريت تاخد قرار سريع يا تضيع وقتك وتحضرها وتتخنق وتتعقد وتكره ام المادة اللي الدكتور بيشرحها ــ يا متحضرهاش وتكبر دماغك ـ بس يبأى معاكـ مصدر كويس عشان تزاكر منه اللي أتاخد في المُحاضرة او ممكن تعملوا جروب كل يوم يحضر اتنين تلاتة م الجروب ــ يحاولوا يكتبوا اي اضافات من الدكتر اللي بيشرح وتوزعوا على بعض بالتناوب عشان محدش يتخنق طبعاً اي محاضرة كبيرها يبأى ليها مرتين في الإسبوع للمادة الواحدة ـ وانتا في المحاضرة بأى يا باشا قدامك اختيار من اتنين فقط لا غير ــ يا تفهم ــ يا تكتب متقوليش انا بفهم وبكتب الا والله هتكون هجاص وبتفشر وبتشتغل نفسكـ ـ اه ممكن تكتب وتفهم في حالة واحدة بس ــ لو انتا نايم وبتشخر يمكن احم احم نرجع تاني للكلام بُص يا عمي انتا مش معاك كتاب المادة ــ ايون يا بيه ــ خلاص براءة انتا يعمي هتفتح الكتاب وتشوف الدكتر او الدكتورة بتشرح فين وتمشي وراه ــ زود حاجا اكتبها ـ نقص حاجا اشطب عليها ــ وكان الله بالسر عليم يكفي لكدا احسنلك والله ــ كدا بالنسبة للمُحاضرات ثانياً : السكاشن فيه سكاشن ليها القيمة وسكاشن معفنة ملهاش قيمة !! زي ايه قولي يا عم الناصح ياللي بتتكلم وبتفتي وبتهجص !! هقولك يا عمي صحصح معايا وبص  بصيت اهواتي شوف انهو سكشن انتا بتحضره وبتفهمه وخلاص دا مُسلم بيه اها يعني ايه يعني السكاشن او أغلبها عليه غياب ــ غصبن عن عينك هتحضر هتحضر ــ بعد كدا بأى فيه سكاشن ملهاش غياب زيي انا في كلية صيدلة ليا سكاشن في طب ملهاش غياب لو بفهم بروح احضر ــ مبفهمش مبحضرهاش أختصاراً للوقت والجهد ووجع الدماغ دا للسكاشن طيب والمطلوب ايوه المطلوب كُل سكشن هتاخده لازم تفهمه كويس عشان العملي لأن العملي سكاشن وبس في أغلب الكُليات منهج السكاشن غير منهج المُحاضرات وأكيد دا ظهر ليكم او هيظهر ليكم بالتدريج ـ طبعاً في طب وصيدلة واسنان وعلوم السكاشن بتبأى تبادُل يعني ايه تبدال يعني الدُفعة بتبأى متقسمة لأكتر من مجموعة مثلا 6 مجموعات وبتبدأ السكاشن يقول مثلا يوم الاتنين : سكشن مادة كزا ـ مجموعة " 1 & 2 " بالتبادل ـ يعني فيه إسبوع سكشن للمادة وإسبوع راحة ــ دا في الغالبية العُظمى للكُليات العملية ــ طيب وبعدين يا عم وبعدين اه انتا عندك اسبوعين بحالهم لسكشن واحد يعني ضروري تفهمه وتعرف هو بيتكلم عن ايه ولو ليه رسومات في كراسة عملي او نتايج لازم تتحل او مسائل انتا تخلصها مع نفسك دول إسبوعين بحالهم لو تعبت 13 يوم فيه يوم 14 تقدر تخلص فيه كل حاجا يا باشا ـــ نيجي بأى بعد ما خلصنا كُل دا نقول إزاي انا كطالب كُلية أزاكر ؟؟!! طبعاً كُلنا طلع عينه في الثانوية العامة وفرغ أغلب طاقته في المزاكرة في الثانوية ــ ناس ربنا وفقهم ودخلوا كُليات قمة زي ما كانوا بيحلموا ــ وناس ربنا قدر لها انها تدخل كُليات أقل من مستواها بمراحل بس انا بقول والله العبرة والمقياس ما بالكُليات العبرة بانتا هتحقق ايه جوه الكُلية اللي انتا فيها بُص تعالى على نفسك راجل بتخش نت وبتنزل تخرج وانتي كمان تعالي على نفسك سيبي النت والتلفزيون والرغي مع صحباتك في التليفون زاكر محاضرة بمحاضرة كل يوم ساعتين مش هتخس يعمي بس هتقضي يومك صح هتهيس وتضحك وتستمتع بوقتك وتزاكر وتعبد ربك وتذكره وتعمل كل اللي نفسك فيه وهتبأى مرتاح لما تيجي تنام عملت كُل اللي عليكـ !! لكن شغل الزنقة والتكويم والله ما هينفع لو حاجا مش فاهمة زاكرها مرة واتنين وتلاتة خلاص المادة ضربت جاز وياك روح خُد كورس فيها وزاكر ورا الكورس المزاكرة للمُحاضرات نقي بأى للمُحاضرات مصدر واحد يا اما المُحاضرات اللي بتكتبها ورا الدكتور ــ يا إما الكتاب يا اما ورق كورس انتا لو قريته هتفهم منه ــ لو مفهمتش منه روح خُد كورس وريح دماغك ــــ الإمتحانات بأى هتكلم أول حاجا ع الميد تيرم لكل شخص عليه امتحان ميد تيرم يعني " شيت " أعرفكم الأول يعني ايه كلمة ميد تيرم الميد تيرم او الشيت عبارة عن إمتحان بياخد جزء من نسبة التقدير العام للتيرم كامل في كُل المواد !! يعني ايه ؟ !! برضو مش فاهم ولا انا فاهمة بصوا يا جماعة زي الثانوية العامة زي الإعدادي امتحان الشهور وكان بيدخل في مجموعك اخر السنة بنسبة ؟؟!! صح ولا انا غلطان اهي كدا بالتمام والكمال انتا تقديرك من 100 في المية فيه حاجا اسمها مواد اساسية ومواد فرعية المواد الأساسية النجاح فيها من 60 في المية الجيد من 65 في المية حتى 75 في المية الجيد جداً من 75 في المية لغاية الـ 85 في المية الإمتياز فوق الـ 85 في المية اما المواد الفرعية النجاح فيها من 50 في المية وملهاش تقدير الأغلب ولو ليها تقدير بيبأى بنفس الكيف والنسبة اوكـ اوكـ الميد تيرم بأى في بعض الكليات ليه نسب مُعينة يعني احنا في صيدلة عندنا الميد تيرم 10 في المية العملي 20 في المية ــ أحياناَ 10 في المية الشفوي 10 في المية ــ وأحياناً 20 في المية على حسب الكُلية هتيجي ـــ بأى الناس يقولك يعم نفض !! دول 10 في المية ؟؟؟ يبني نفض فاضل 90 في المية ههههههههه كبر كبر ايوه يبأى خلاص يعمي الــ 10 في المية ورا 10 في المية ورا 10 يبأوا خلاص ضاعت المادة ولزمتك ياريت يا جماعة تقدروا كلامي دا كويس والله العظيم عن تجربة الميد تيرم بيجي الإمتحان في جزء مُعين من المنهج فقط يعني اول شابتر في كل مادة او اتنين فهيبأى سهل عليك تاخد في الـ 10 في المية دول ع الأقل 8 في المية هينفعوك والله انا كدا وفيت معاكم قوي ولله الحمد ممكن أيمن اليماني يديكم اي معلومات اكتر بس انا في نظزي محدش نصحني كدا والله وانا بنصحكم لأننا اخوات وبس ومش مُنتظر مقابل غير انكم تشدوا حيلكم وتشرفونا ان شاء الله سلام الله عليكم
__________________
من سجد لكي الفؤاد وسلم ـ بأن الحُب إليه لا محالة آتي ـ يا من لجمالك فرح النهار تبسم ـ يا مُهجتي ـ يا لوعتي ـ يا كُل حياتي ـ يا صاحبة الخد الخمري ـ وبريق العين ـ وشعاعاً يسكُن طُرقاتي ـ سأقول كم بت أحبك ـ كم أعشقُ قلبك ـ يا جزءاً أصبح من ذاتي
|
|
#2
28-09-2007, 08:43 PM
|
||||
|
||||
جارى التجربة .. وانتظر النتيجة بعد الميدتيرم
شكرا
__________________
لا اله إلا الله *** محمد رسول الله[/
|
|
#3
28-09-2007, 09:00 PM
|
|||
|
|||
|
ان شاء الله خير متخافش
__________________
من سجد لكي الفؤاد وسلم ـ بأن الحُب إليه لا محالة آتي ـ يا من لجمالك فرح النهار تبسم ـ يا مُهجتي ـ يا لوعتي ـ يا كُل حياتي ـ يا صاحبة الخد الخمري ـ وبريق العين ـ وشعاعاً يسكُن طُرقاتي ـ سأقول كم بت أحبك ـ كم أعشقُ قلبك ـ يا جزءاً أصبح من ذاتي
|
|
#4
28-09-2007, 10:06 PM
|
||||
|
||||
|
حلوه اوى النصايح يا محمد بجد
كفيت و وفيت بصو زى ما محمد قال يا جماعه طيب بالنسبه انك متراكمش عليك مواد و كده مش شرط تبدأ مذاكره طحن من اولها عشان متتعقدش يعنى لمد اسبوعين تلاته بالكتير ممكن تبقى شغال متابع بتحضر محاضرات عارف تكتب ورا الدكتور يبقى احلى حاجه مش عارف تشوف واحد صاحبك بيعرف يكتب و تاخد منه او لو فى مواد معينه ممكن تتابع مع الدكتور من الكتاب فى المحاضره او فى ورق درس كويس يعنى تبقى عارف انت خدت ايه محاضره محضرتهاش او حضرتها و مش فاهمها تشوف اى حد من صحابك يشرحهالك طيب لا عارف تفهم و لا لاقى ورق تذاكر منه و الكتاب رخم مش عارف تعمل ايه لو عايز تنجز خد فيها كورس و متقعدش تفكر كتير بدل ما تشيلها انا عملت السنه اللى فاتت الترم الاول كده فى الاورجانيك و لو مكنتش عملت كده كانت الماده صاحبتنى السنه دى بالنسبه للعملى تركز اوى فى السكاشن و تشتغل متنفضش طيب معرفتش تشتغل فى سكشن معين تشوف مجموعه تانيه فى اسبوعك لو سكشنك كل اسبوع او لو كل اسبوع تحضر تانى الاسبوع الجاى عشان مفيش حاجه هتفيدك فى الامتحان غير شغلك طيب لو زى ما استاذنا محمد قال سكاشن مش بتستفيد منها و كان ليها غياب كنت بعمل انا و صحابى فكره حلوه:D كنا بنحضر بعض فى السكاشن هوا يحضر الاسبوع ده و يحضرنى معاه و الاسبوع الجاى العكس:D لو مش عارف تكتب و تفهم ورا الدكتور خالص ممكن تعمل ايه تكتب بس ورا الدكتور كله هتقولى طيب هفهم ازاى اما تروح و تقرا اللى انت كاتبه هتفهمه او ممكن تكتب key words صغيره ورا الدكتور و تشوفها فى الكتاب او فى ورق اما تروح لو بتعرف تكتب و تفهم زى حالاتى يبقى تمام اوى:D بالنسبه طبعا للكليات اللى فيها ميد تيرم ده من دلوقتى تبدأ تظبطله طيب هتقولى انا فات اسبوعين و لسه مبدأتش هقولك زى حالاتى يلا نقف جنب الحيط و نعيط:D لا انتا تسيبك من الاسبوعين دول و خصوصا الطلبه الجدد كانو لسه بيتعودو على الكليه و تبدا تذاكر مع المحاضرات الجديده و تيجى بقى على الميد تيرم تذاكر المحاضرات القديمه معاك بالنسبه للناس اللى عايزه تجيب امتياز متعديش كلمه مش فاهمها يعنى حته فاتتك فى المحاضره متقولش مش مهم نفض مجتش عليها و متستهترش باى حاجه اهتم باى حاجه شيت كويز كله اهم حاجه فى الكليه ان يكون صحابك كويسين خلى بالك من الصحبه بجد هما اللى هيعلوك و هما اللى هينزلوك و شكرا يا محمد على النصايح الجامده دى و يا رب اكون افدتكو بشىء
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟ 
|
|
#5
28-09-2007, 10:38 PM
|
||||
|
||||
|
جزاكم الله كل خير يا دكاترة ع النصايح الجامدة دي...والله بجد مش مجاملة
 انا في اعدادي هندسة...و طبعا زي اي حد داخل الكلية جديد ...لسة بتعود على نظام الكلية ..و تقريبا مش بذاكر حاجة  و بجد هحاول اجرب النصايح دي ...و ربنا يكرمنا بإذن الله
__________________
قال تعالي:{قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ} (سورة التوبة 51) 
|
|
#6
29-09-2007, 04:55 PM
|
|||
|
|||
|
ربنا يوفقكم إن شاء الله
شدوا حيلكم انا عملت اللي عليا ونصحت اللي محدش نصحه ليا وربنا يوفقكم ويوفقنا جميعاً 
__________________
من سجد لكي الفؤاد وسلم ـ بأن الحُب إليه لا محالة آتي ـ يا من لجمالك فرح النهار تبسم ـ يا مُهجتي ـ يا لوعتي ـ يا كُل حياتي ـ يا صاحبة الخد الخمري ـ وبريق العين ـ وشعاعاً يسكُن طُرقاتي ـ سأقول كم بت أحبك ـ كم أعشقُ قلبك ـ يا جزءاً أصبح من ذاتي
|
|
#9
29-09-2007, 07:27 PM
|
||||
|
||||
|
ههههههههههه
ايمو طب بالنسبه للي عايز يجيب جيد يعمل ايه بقي  ميرسي يا محمد ع النصايح الحلوه دي
__________________
 Not everything that can be counted counts, and not everything that counts can be counted
|
|
#10
29-09-2007, 07:45 PM
|
|||
|
|||
|
يعمل حواجبه
__________________
من سجد لكي الفؤاد وسلم ـ بأن الحُب إليه لا محالة آتي ـ يا من لجمالك فرح النهار تبسم ـ يا مُهجتي ـ يا لوعتي ـ يا كُل حياتي ـ يا صاحبة الخد الخمري ـ وبريق العين ـ وشعاعاً يسكُن طُرقاتي ـ سأقول كم بت أحبك ـ كم أعشقُ قلبك ـ يا جزءاً أصبح من ذاتي
|
|
#11
29-09-2007, 08:10 PM
|
||||
|
||||
|
الله عليك يا برى
ايه يا عم النصايح الجامدة والله انت حاسس اوى ببتوع سنة اولى الغلابة اللى تايهين ومش عارفين يعملوا ايه ربنا يخليك لينا يا دكتور مستنيين منك بقى حاجات كمان عن كلية صيدلة يلا احنا اخوات بقى استحملنا صحيح يا دكتور انت ايه اكتر مادة شاطر فيها عشان استغلك واخليك تشرحالى:D
__________________
 نور حسنى كلية الصيدلة- جامعة القاهرة
|
|
#12
29-09-2007, 09:20 PM
|
||||
|
||||
|
ايه يا محمد ده
الناس دول هيستغلونا ولا ايه بيتك بيتك انت و هوا و هيا بقولك ايه ابقى اشرحلها زوولوجى عشان هيا نيو سيستم و مش بتتدرس زوولوجى اهو عشان تعرفها و تبقى مثقفه ايه رايك يا نور؟ ايه يا بسام اللى عايز يجيب جيد يعمل ايه؟ هبقى اقولك يعمل ايه على فكره انا ايمن اليمانى اللى محمد قال عليه فى اخر الموضوع:D
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟
|
|
#13
29-09-2007, 09:44 PM
|
||||
|
||||
|
نفض تعش تنتعش تبتسم لك الكلية
خلاصة التجربة : ذاكر آخر أسبوع تجيب جيد جدا ، آخر شهر امتياز ، آخر يوم جيد ، ليلة الإمتحان مقبول أمال مين اللي بيشيل؟؟ اللي مبيذاكرش خالص
__________________
Nobody gets too much heaven no more, itz much harder to come by Nobody gets too much love no more, But I ..:: ^^ Youri <33's Jaleesz ^^ ::.. * quote from Dusty * Like jaleesz is a lovely dovey stuffs, isnt she 
|
|
#14
29-09-2007, 09:47 PM
|
||||
|
||||
|
طيب و الله العظيم هوا ده الكلام
و من الاخر بس انتو لسه عضمكو طرى لكن و الله يا جدعان هوا ده الكلام
__________________
نفسى دنيتى تبقى واحده..نفسى مبقاش عايش فى دنيتين..انتو شايفين ايه الدنيا اللى تستاهل اكمل فيها؟؟
|
|
#15
29-09-2007, 10:35 PM
|
|||
|
|||
|
لا يا يوري برضو
الحاجا لما بتتزاكر مرة غير لما بتتزاكر مرتين غير لما بتتزاكر تلاتة ــــــ بس كلام يوري فعلاً صح بس للعالم اللي دماغها اتبرمجت على سيستم الكُلية ويا نور عنيا ليكي يا جميل قوي عايزة ايه في ايه وانا هفتيلك شوية بس وحياتك بلاش الفارماسيوتكس
__________________
من سجد لكي الفؤاد وسلم ـ بأن الحُب إليه لا محالة آتي ـ يا من لجمالك فرح النهار تبسم ـ يا مُهجتي ـ يا لوعتي ـ يا كُل حياتي ـ يا صاحبة الخد الخمري ـ وبريق العين ـ وشعاعاً يسكُن طُرقاتي ـ سأقول كم بت أحبك ـ كم أعشقُ قلبك ـ يا جزءاً أصبح من ذاتي
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:55 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
