دى اكبر مغالطة مش غلطة

[medoboy30]

الناس اللى بيروجوا لفكرة ان توقيت الاعتصام اللى اتفقنا عليه غلط دول ناس مغالطين و من السهل جدا انك تحسبها بعقلك من غير اى مساعدة من حد :
حكومة فيه ضغط كبير واقع عليها + مظاهرات غضب فى اكتر من مكان = حكومة ضعيفة من السهل جدا تستجيب لمطلبنا العادل ( التثبيت)
وانا شخصيا شايف ان الجماعة اللى بيروجوا حاليا لفكرة الغاء الاعتصام بعد ما كانو بينادو بشده بيه دول مضغوط عليهم من جانب الامن دا بنسبة 80 % اما ال 20 % اللى فاضلين فهو انهم اتخضو وخافو بعد ما شافو اللى حصل امبارح فى ميدان التحرير لانى اعرف ان المدرسين المساعدين رجالة مش بتخاف

[المعلم الحزين]

ربي اني لا اسئلك رد القضاء بل الطف فيه لا تعليق بكرة الايام تثبتلك

[medoboy30]

المشاركة الأصلية كتبت بواسطة معلم مساعد حزين2

ربي اني لا اسئلك رد القضاء بل الطف فيه لا تعليق بكرة الايام تثبتلك

تثبتلى ايه بس يا حزين ؟ مهى بانت من اولها .

[علي عضاضلي]

هههههههههه

[أبوووووعبدالرحمن]

إحنا بإذن الله رايحين ويا ريت اللي عنده كلمة يخليها لنفسه

لا تراجع عن الإعتصام موعدنا 30/01/2011

[أبوووووعبدالرحمن]

المشاركة الأصلية كتبت بواسطة medoboy30

الناس اللى بيروجوا لفكرة ان توقيت الاعتصام اللى اتفقنا عليه غلط دول ناس مغالطين و من السهل جدا انك تحسبها بعقلك من غير اى مساعدة من حد :
حكومة فيه ضغط كبير واقع عليها + مظاهرات غضب فى اكتر من مكان = حكومة ضعيفة من السهل جدا تستجيب لمطلبنا العادل ( التثبيت)
وانا شخصيا شايف ان الجماعة اللى بيروجوا حاليا لفكرة الغاء الاعتصام بعد ما كانو بينادو بشده بيه دول مضغوط عليهم من جانب الامن دا بنسبة 80 % اما ال 20 % اللى فاضلين فهو انهم اتخضو وخافو بعد ما شافو اللى حصل امبارح فى ميدان التحرير لانى اعرف ان المدرسين المساعدين رجالة مش بتخاف

يا عم اللي بيقولوا كده ثلاته بس انقلبوا من أقصى اليمين لأقصى الشمال وأظن إنهم في الأول كانوا بيقولوا تصريحات شجاعة علشان الناس تعجب بيهم ويسمعوا كلامهم وفاكرين بعد ده كله إنهم لما يقولوا إرجعوا الناس هتسمع كلامهم ده تخطيط الامن
لا تراجع موعدنا الأحد القادم بإذن الله 30/01

[احمدالفطاطرى]

لا تعلييييييق

[medoboy30]

تسلم يا ابو عبد الرحمن انت فعلا تحليلك دقيق
الله المستعان على ما يصفون
30 / 1 هوه يوم الكرامة

[داود احمد]

مع إحترامى لكل وجهات النظر مش بس توقيت الاعتصام غلط دا توقيت المظاهرات اللى بتحصل دلوقت دى غلط .........................................اللى الناس مش عايزه تفهمه إن الدولة المصرية والحكومة المصرية مستقرة جدا وأقوى من أن تحركها ثورة غضب تتكون من 500الف شخص من 80مليون 3 مليون منهم بيتحكموا فى مواقع حساسة فى البلد هل كلهم عملاء للنظام هل مفيش واحد منهم يعرف ربنا هو انتم تحسبوا مصر دى زى تونس وعائلة الطرابلس هي اللى بتحكمها لأ لألألألألألألألأ ياجماعة أحنا فى عصر الامبريالية سيطرة رأس المال على السلطة ومش كل الناس فقراء فى مصر وإلا مكناش نلاقى العربيات دى كلها والعمارات دى كلها ولا كلها ملك 1000واحد أوحتى 10000 واحد فى مصر لما نقوم ضدهم بثورة هيهربوا بره البلد

وانا كمان عايز أقول حاجة مهمة مش بس للمعلمين المساعدين لأ للشعب والحكومة كمان اللى بيحصل فى مصر ده ظاهره صحية جدا وبتحصل فى كل دول العالم المتقدمة وأوربا بالتحديد والحاجات دى عادية جدا وعلى فكرة معظم الناس اللى خرجت فى المظاهرات بتحب الرئيس مبارك بشكل شخصى ومحدش ينكر هذا ولكن النظام الرأسمالى فى مصر حاد عن دربه الصحيح فأصبح إمبريالية ...........كل اللى محتاجينه تصحيح أوضاع فقط مش سفك دماء مصريين أبرياء وتخرييب ممتلكات عامة وخاصة والشغب مع الشرطة ولا نحن فى حاجة الى ثورة ولا شيئ مثل ذلك من التخرييب والدمار

[داود احمد]

لا تطلبوا الحق والحرية من أحد ................. نحن نملكهم

[مني 22]

موعدنا الأحد القادم بإذن الله

[محمد ابو مريم 84]

ياعم امبريالية ايه ؟
اليونان وايطاليا وروسيا وفرنسا ... العالم كله صرخ من الجوع والبطالة
وانت لسه بتقول التوقيت غلط
مع العلم ان الفلوس اللى فى بنوك العالم كله فلوس مصرية مهربة هناك
طب انا عن نفسى موافق انهم يسرقونا بس ميهربوش الفلوس بره يشغلونا بيها واحنا هنكسبهم
والا بلاش
عشان باذن الله يحصل فيهم زى ما حصل فى زين العابدين ومايطولوش مليم احمر

[mero83]

ياجماعه احنا لازم نقف مع بعضنا وقفة رجل واحد طبعا امام الوزارة مش الميادين لان هدفنا مختلف
ومتخفوش من اللى بيحصل من الحكومه هذا اكبر دليل لما يفعلوه عن ضعفهم واهتزازهم من الداخل
وعلى رأيى المثل (( إن العيار مصابش المره دى يبقى هيدوشهم )
تانى شى الناس اللى خايفة من المظاهرات وخايفه لحسن تعتقل .
هو الجماهير والشباب الرجاله اللى مخربوش إلا لما بدأت الحكومه بيتظاهروا علشان نفسهم ( مش زينا طبعا )
ولا علشان مصر كلها هذا بدلاً من ان تقولوا ان ننزل للشارع ونساعدهم
استمرارنا للاعتصام اكبر مفاجاة ودليل على اننا لن نخاف من الحكومه واننا طبعا سوف نطالب لحقنا بشكل محترم

[عمر العدوى]

لا تراجع عن الإعتصام موعدنا 30/01/2011

[بحر العرب]

لا تعليق علشان كلام كله غلط فى غلط