مش هنتكلم كويس بقه ؟!؟

[MohammeD el_SadaT]

عنوان غريب مش كده
؟؟؟!!!!!!؟؟؟

عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه
؟؟؟!!!!!!؟؟؟

لقيت مرة واحد مابتحبّش تتكلم معاه خالص؟؟ كده لله في لله
؟؟؟!!!!!!؟؟؟

هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص
!!!!!!
أكيد أيوه.. مش كده
!!!!!!

طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها

(التحدث بإيجابية)
**********************
في البداية عايز أوضح لك حاجة مهمة جدا عن عقلنا اللاواعي
هنعرفها من
المثال الصغير ده
:
هاقول لك جملتين عايزك تركز فيهم قوي وتنفّذ اللي فيهم

ماتفكرش في وردة حمراء

ماتتخيّلش سيارة سوداء

ها؟ خدت بالك من اللي حصل ده
؟؟؟!!!!!!؟؟؟
أكيد أكيد فكرت لا إراديا في الوردة الحمراء وفي السيارة السوداء كمان

*********
إيه اللي حصل ده
؟؟؟!!!!!!؟؟؟


اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء

يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

*********

طبعا المسألة مش مسألة وردة حمراء وسيارة سوداء
عشان تفهم قصدي

( اقرا الأمثلة دي )
********************************

البائع: الأسعار بتاعتنا مش غاليه.. احنا مش حرامية و نصابين

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا

جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية و نصابين ) هيفهم منها إنهم (حرامية و نصابين ).. ده أكيد

يبقى المفروض البائع يقول مثلاً
أسعارنا مناسبة جداً.. احنا يهمنا ثقة العملاء

*********
نفهم من كده إيه
؟؟؟!!!!!!؟؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية و نصابين ) حتى لو نفيتها.. زي ما عرفنا مع بعض

الطبيب: ماتخافش.. الحقنة مش بتوجع خالص

هه.. إيه رأيك في المثال ده
؟؟؟!!!!!!؟؟؟

أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف
ثاني كلمة سلبية هي: (مش بتوجع).. دي هتخليه يتخيل الألم والوجع
يبقى المفروض يقولها ازاي
؟؟؟!!!!!!؟؟؟

الطبيب: اطمئن.. هتحس براحة بعد ثواني

(ملاحظ إننا ماذكرناش كلمة "حقنة" أصلا

*********

نستفيد من الكلام ده إيه بقى
؟؟؟!!!!!!؟؟؟

نخش على الحكمة بتاعة النهاردة
مهم جدا معنى الكلام الذي نقوله.. والأهم هو: كيف نقول هذا المعنى

استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم
افتكر حد مش بتحب تتكلم معاه.. يا ترى إيه السبب
!!!!!! بيشتكي دايما من الظروف
!!!!!! بيشتم كتير
!!!!!! بيثير الإحباط
!!!!!! ركز في كلامه هتلاقي الكلمات اللي قلنا عليها.. الكلمات السلبية

على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده
مبتسم
متفائل
بيهوّن على الناس اللي حواليه مشاكل الحياة

ركز في كلامه هتلاقي الكلمات اللي بنقول عليها: الكلمات الإيجابية


*********


يلا بقى يا أبطال مرنو تفسكم على الإسلوب الصحيح اللى المفروض نتكلم به
وعاوز أشوف إيه هى الآراء بتاعتكم