|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
05-02-2011, 04:33 PM
|
||||
|
||||
الميدان للأبنودى......جميلة اوى
قصيدة الميدان ايادي مصرية سمرا ليها في التمييز ممدودة وسط الزئير بتكسر البراويز ف طوع لصوت الجموع شوف مصر تحت الشمس آن الاوان ترحلي يا دولة العواجيز عواجيز شداد مسعورين اكلوا بلادنا اكل و يشبهوا بعضهم نهم و خسة و شكل طلع الشباب البديع قلبوا خريفها ربيع و حققوا المعجزة صحوا القتيل م القتل اقتلني.. قتلي ما حيعيد دولتك تاني بكتب بدمي حياة تانية لاوطاني دمي دا ولا الربيع؟؟ الاتنين بلون اخضر و ببتسم من سعادتي ولا احزاني تحاولوا .. ما تحاولوا .. ماتشوفوا وطن غيره سلبتوا دم الوطن و بشمتوا من خيره احلامنا .. بكرانا .. اصغر ضحكة علي شفة شوفتوشي صياد يا خلق بيقتلوا طيره؟؟ سوس بينخر و سارح تحت اشرافك فرحان بهم كنت .. و شايلهم علي كتافك و اما اهالينا.. من زرعوا و بنوا و صنعوا كانوا مداس ليك و لولادك و احلافك و يا مصر .. يا مصر قام العليل .. رجعتلوا انفاسه و باس جبين الوطن .. مال الوطن باسو من قبل موته بيوم ..صحوه اولاده من كان سبب علته .. محبته لناسه الثورة.. فيضان قدييييم محبوووس ما شافوش دوول الثورة لو جت متبانش في كلام او قول تقلب و تعدل في سرية تفور في القلب و تنغزل فتلة فتلة في ضمير النول متخافش علي مصر يابا مصر محروسة حتي من التهمة دي اللي فينا مدسوسة و لو انت ابوها بصحيح و خايف عليها اوي تركتها ليه بدن .. بتنخره السوسة ؟؟؟؟؟ و بيسرقوك يا الوطن .. قدامنا عيني عينك ينده بقوة الوطن و يقولي قووووووووم فينك؟؟؟؟؟؟ ضحكت علينا الكتب بعدت بنا عنك دولا ولادنا اللي قاموا يسددوا دينك لكن خلاص يا وطن صحيت جموع الخلق قبضوا علي الشمس بأديهم و قالوا لاء من المستحيل يفرطوا عقد الوطن تاني و الكدب تاني م المستحيل يلبس قناع الحق بكل حب الحياة خوض في دم اخوك قول انت مين؟؟ للي باعوا حلمنا .. باعوك .. اهانوك و ذلوك .. و لعبوا قمار باحلامك نيران هتافك تحرك ضحدك الممسوك يرجعلها صوتها مصر تعود ملامحها تاخد مكانها القديم و الكون يصالحها عشرات سنين تسكنوا بالكدب في عروقنا و الدنيا متقدمة و مصر مطرحها كتبتوا اول سطور في صفحة الثورة و هما علما و خبرا مزاورة و مناورة وقعتوا فرعون هرب من قلب تمثاله لكن جيوشه ما زالوا يحلموا ببكره صباح حقيقي و درس جديد اوي في الرفض اتاري للشمس صوت و اتاري للارض نبض تاني معاكم رجعنا نحب كلمة مصر تاني معاكم رجعنا نحب ضحكة بعض مين كان يقول ابننا يطلع بنا م النفق دي صرخة ولا غنا ؟؟ و دا دم ولا شفق؟؟ اتاريها حاجة بسيطة الثورة يا اخواننا مين اللي شافها كدا مين اول من بدا مش دول شبابنا اللي قالوا كرهوا اوطناهم و لبسنا توب الحداد و بعدنا اوي عنهم هما اللي قاموا انهاردة يشعلوا الثورة و يصنفوا الخلق مين عانهم و مين خانهم يادي الميدان اللي حضن الفكرة و سهرها يادي الميدان اللي فتن الخلق و سحرها يادي الميدان اللي غاب اسمه كتير عنو و صبرها مابين عباد عاشقة و عباد كارهة شباب كان الميدان اهله و عنوانه و لا في الميدان نسكافيه و لا كابتشينو خدوده عرفوا جمال النومة ع الاسفلت و الموت عارفهم اوي و هما عارفينوا لا الظلم هين يا ناس و لا الشباب قاصر مهما حاصرتوا الميدان عمره ما يتحاصر فكرتني يا الميدان بزمان و سحر زمان فكرتني باغلي ايام في زمن ناصر شايل حياتك علي كفك صغير السن .. ليل بعد يوم المعاناة و انت مش بتأن جمل المحامل و انت غض بتعجب امتي عرفت النضال اسمحلي حاجة تجن اتاريك جميل يا وطن مازلت و حتبقى زال الضباب و انفجرت بأعلي صوت لاءءءءءءءءءءا حركتنا نبتسم و دفعت انت الحساب و بنبتسم بس بسمة طالعة بمشقة فينك يا صبح الكرامة الا البشر هانوا و اهل مصر الاصيلة اتهانوا و اتخانوا بنشتري العزة تاني و الوطن غالي فتح الوطن للجميع قلبه و احضانه الثورة فيض الامل و غنوة الثوار الليل اذا خانوا لونه يتقلب للعار ضج الضجيج بالندا اصحى يا فجر الناس فينك يا صوت الغلابة و ضحكة الانفار و احنا وراهم اساتذة خايبة نتعلم ازاي نحب الوطن و امتي نتكلم طال الصدا قلبنا و يأسنا من فتحه قلب الوطن قبلكم كان خاوي و مضلم اولنا في الجولة لسه جوله ورا جولة دا سوس بينخر يا بويا في جسد دولة ايوا الملك صار كتابة انما لو غفلت عينا لحظة حيقلبوا العملة لكن خوفي مازال جوا الفؤاد يكبش خوفي اللي ساكن شقوق القلب و معشش يقولي مش راح يسيبوا و لسه حيقبوا و حيلاقولهم سكك و بيبان ماتتردش و حاسبوا اوي م الديابة اللي ف وسطيكم و الا تبقي الخيانة منكم فيكم الضحكة ع البوووء بس الرك ع النيات فيهم عدوين اشد من اللي حواليكم الأبنودى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( 
|
|
#2
05-02-2011, 10:46 PM
|
||||
|
||||
|
ايه ده هى مش عجبتكوا ولا ايه
انا كنت عايزه انزلها فيديو بس معرفتش فنقلتها من منتدى اخر مكتوبة اصلها عجبتنى اوووووووووى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#3
05-02-2011, 11:04 PM
|
||||
|
||||
|
اقتباس:
لا القصيدة جامدة جدا
وفيها رسالة واضحة واعتراف بان شباب (اليومين دول) زي ما بيقولوا علينا عملوا اللي محدش عرف يعملة من ثلاثــــــــــــــــــــــــــــــــــــــــــــــ ـــــــــــين سنة 
__________________
اهلاوي ثورجي ابريلي وافتخر
|
|
#4
05-02-2011, 11:06 PM
|
|||
|
|||
|
سلمت يمينك يا أبنودي
مشكورة علي نقل هذه الكلمات الغاية في الروعة ويسلم كل من شارك في احداث هذه الثورة وبإذن المولي عز وجل تأتي بثمار الخير لكل الشعب المصري . ورحم الله كل الشهداء وأسكنهم فسيح جناته .
|
|
#5
05-02-2011, 11:14 PM
|
||||
|
||||
|
اقتباس:
 فعلا عند حضرتك حق الشباب ا صبح قوة لا يستهان بها
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#6
05-02-2011, 11:29 PM
|
||||
|
||||
|
اقتباس:
شكرا لحضرتك على على المرور
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#7
05-02-2011, 11:30 PM
|
||||
|
||||
|
اقتباس:
شكرا لحضرتك على المرور
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#8
05-02-2011, 11:45 PM
|
||||
|
||||
|
هل نسى الابنودى انه وصل الى موقعه هذا من خلال مدحه لمبارك واللى
لاتأسفن على غدر الزمان مش قادر اكمل لانى زهقت من اللى بشوفه بس حرام اللى كانوابيبوسوا المداس بقواااااا......................................... ...
|
|
#9
06-02-2011, 12:05 AM
|
||||
|
||||
|
الله كلماااات رائعة جدااااااااااااااا
شكرا لمجهودك الجميل
__________________
|
|
#10
06-02-2011, 02:33 AM
|
|||
|
|||
قصيدة رائعة
مشكورة لنقلها شباب الثورة ، شباب التحرير أكبر من أن تنسج لهم كلمات هم فخر لنا جميعاً .. نسأل الله الرحمة لقتلاهم والشفاء لمرضاهم وأن يكون النصر حليفاً وتتويجاً لكفاحهم الذى يستحق الإعجاب والإشادة
__________________
وأفوض أمري إلى الله إن الله بصيٌر بالعباد
|
|
#11
06-02-2011, 10:08 AM
|
||||
|
||||
|
اقتباس:
شكرا جزيلا
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !(
|
|
#13
06-02-2011, 01:33 PM
|
||||
|
||||
|
شكرا علي المساهمة
__________________
       تحيــــاتي وتقــديري للجمــــيع   <CENTER></CENTER><CENTER></CENTER>
|
[URL=http://www.gl3a.com/s.html]
[/URL
|
#15
06-02-2011, 02:32 PM
|
||||
|
||||
|
مشكورة
انا كنت داخل القسم أنشرها بس مشكورة حضرتك 
__________________
يا رب
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:36 AM.
