والله انتو مش فاهمين ايه اللى ممكن يحصل

[مصرية وبحب بلدي]

السلام عليكم
من غير عصبية ولا حد يتخانق مع حد انا فى حاجة عايزة اقولها
يا جماعة والله الراجل ده لة سبناه يقعد اسبوع تانى مش الست سبع شهور اللى باقيين ليخربها بجد
انتو مش متخيلين هو ممكن يعمل ايه
والله كل الناس اللى وقفت ضده دى ليوديها ورا الشمس
حرام بجد لازم نخلص منه وبأى طريقة ده لو قعد فى مصر هيموتنا
والزمن اللى راح هايرجع اسخم منه
انتو ليه مش قادرين تفهموا تفتكروا هو ممكن يسكت اساسا

[عاشق البلانكو الابيض]

كلام صحيح
وكل الناس اللى بدافع عنه
هتشوووووووووووووف

[mfish]

الله ينور يا شباب يا فاهم

كلامك صح 100 في 100 و يا ريت الناس تفهم
انا مش ضد اخواني التانيين بس انا صعبان علي ان الامر متداخل و مغلوط عليهم بسبب النظام الفاسد
يا رب الناس الباقيه تفهم
و ابشركم عن علم الفاهميييييييييييييييييييييييين الان اكثر بكتيييييييييييييييييير

تحيااااااااااااا الثوره و مصر ستبقي احسن ان شاء الله عندما يغوووووووووور

[asd emam]

سيناريو ما بعد انتهاء المظاهرات وبقاء مبارك ليكمل دورته الرئاسية
1 ـ حشود جامعة ومظاهرات عارمة تهتف ببقاء الرئيس وتناشده الله والرحم بأن يرشح نفسه فى الفترة المقبلة " موظفو المحليات ومديريات الشباب " بالأمر طبعا
2ـ مبارك وتحت ضغوط مستمرة ووساطة من الناس ونزولا على رغبة المتظاهرين ولأنى سأبقى أخدم الوطن لآخر نفس ربنا يعجل به سأرشح نفسى للفترة القادمة لأن دى رغبة الناس
3 ـ التليفزيون يكرر وينادى أبناء الوطن المخلصين بالتصدى للمؤمرات المنعقدة تجاه مصر والضرب على يد العابثين
4 ـ القاعدة الاعلامية تقول " ما تكرر تقرر " نداءات من الشعب بحفظ الاستقرار واستغاثات ببقاء مبارك فى الحكم
5 ـ مبارك يصدر تعليمات صارمة بالقبض على كل من يحاول زعزعة الأمن الداخلى للوطن ويحاول ضرب الاستقرار ممن لهم اجندات خاصة ويسعون لخراب مصر
6 ـ اعتقالات موسعة للمشاغبين حتى يعود لمصر أمنها
7 ـ بعد مخلصنا على المشاغبين مبارك يفوز بأغلبية ساحقة لفترة رئاسة مقبلة ولا عزاء لقتلى التحرير

وطبعا كل ده مستشف من ايه أن قانون الطوارئ أول مطلب للمتظاهرين لم يتعرض له ببيان لا من الرئيس ولا نائبه ولم يطرح للتفاوض حتى الآن لسبب بسيط أنه قانون الفترة المقبلة .
والاعلام بدأ فى تهيئة الناس لتمرير اعتقال هؤلاء من خلال صيحاتهم والتأكيد على وجود عملاء يسعون لضرب مصر ونسوا أو تناسوا أن الرئيس ظل فترة ثلاثين عاما أكبر عميل لليهود والامريكان بالمنطقة .

[إلهام صلاح لاشين]

لو كنت مصرى –شعر إلهام صلاح
لو كنت مصرى راح تبنى مصر
لو كنت وطنى لك شوق ف نصر
إياك تنادى بسقوط لمصر
أصل الرئيس ده رمز مصر
وإن كنت ناسى هتشوف بعينك
كنت ماشى مرفوع جبينك
كنت آمن مرتاح فى بيتك
كنت مطمن فى دينك
كانت أمك تحضن ضناها
تحلف بإنك هتصون ثراها
مطمنة إنك وراها
إياك تقول اللقمة صعبة
إياك تقول ملعون دى نعمة
أومال زمان
زمن الطرب
كان الرغيف ناشف حطب
والحلو ليهم كان عود قصب
بس الإيمان قبل القناعة
خلى حياتهم ألماظ دهب
طلع الإمام طلع البطل
طلع الشهيد طلع القلم
طلع الطبيب ويا الأديب
كانت الحياة علم وأدب
دلوقتى إنت هتقوللى إيه
الفقر عمره ما كان السبب
بطل كلام بطل هتر
كتر الكلام قلة أدب