ارجو النصيحة

[اسلام رزق]

ما هى الدورات التى يمكننى الحصول عليها
مع العلم باننى مدرس
تساعدنى فى العمل

[moonmaster]

حضرتك تقصد دورات تنمية بشرية ولا ايه؟

ولا تقصد دورات ف مجال ماده حضرتك؟

وحضرتك تقصد بنوع المساعدة دي تطوير الخبرة ولا زيادة الراتب؟

ارجو التوضيح أكثر عشان الأعضاء يعرفوا يفيدوا حضرتك

[wahshi]

انا اقدر ادل حضرتك على تدريب تنميه بشريه هيساعد حضرتك جدا فى مجال عملك
لو حضرتك مهتم ابعتلى رساله خاصه على بروفيلى

[اسلام رزق]

اشكركم جميعا على المرور
ولاكن لا استطيع ان اسل رسالة الى الاخ المشرف

المقصود من الدورات
اكيد فى التنمية البشرية

مش عارف ابدا منين
وجزاكم الله خيرا على الاهتمام

[moonmaster]

أولا وبعيد عن مجال عملك)

تبدأ تطور ذاتك

:ازاي يعني مش فاهم

يعني تقرأ ف الكتب الخاصة بتنمية الذات...تسمع محاضرات تنمية الذات.... تشاهد محاضرات تنمية الذات

: يا سلام؟ هو أنا لسه هقرأ.... أسمه ... اتفرج؟

أكيد مفيش حاجة بتيجي بالساهل!
تبدأ بالحاجات البسيطة والمفاهيم الأساسية... (بعيد عن أوقات عملك)

: ايه اللخبطة دي يعني أعمل ايه الوقتي؟

حضرتك هتبدأ من جوجل....

: وبسلامته هيعملي ايه؟

أنا عن نفسي بدأت منه وعملت بحث فالموتقع ونزلت المحاضرات وبدأت أستعير الكتب وأقرأها ف وقت فراغي (بعيد عن المذاكرة)

: اه طيب أنا الوقتي مدرس الكلام ده هينفعني ف ايه؟

أنا بتكلم مع حضرتك زي ما أكون شايفة المدرس بتاعي....
في مدرس بيكون عنده ماده كويسه (مجتهد) ولكن معندوش القدرة علي ايصال العلومة

وفي مدري بيوصل المعلومة (من الكشكول الي أدامه)

وفي مدرس ولا عنده ده ولا عنده ده...


علي افتراض ان المدرس ده بيدرس لطلبة فاهمين الفوله كده
يبقا هيبدأ يطور قدراتة ف توصيل المعلومة وتثبيت الماده (ف راسه مش ف الكشكول)

ده غير انه لازم يبقي واثق من نفسه... يدخل وهوا واثق من نفسه.... يكتب وهو واثق من نفسه....

يشرح ...يسأل....
كل دي حاجات بتساعد الطالب انه يثق ف مدرسه وف المعلومات اللي بياخدها منه
وطبعا التحضير التحضير التحضير... ده بيخلي حضرتك متتعرضش لموقف محرج ابدا مع طالب... وتكون مستعد لأي سؤال (غبي) بمعني أصح


واما بالنسبة لمدرس التلاميذ (الأطفال)... بيحتاجوا مدرس شخصيته قوية وصوته مناسب وشكله والحاجات دي (أطفال بقا)

:طيب ياستي ايه الرغي ده كله؟.... أنا هبدأ من النهارده ان شاء الله واعمل البحث

أنا سعيده بالكلام ده وهكون أسعد أكتر للتنفيذ والنتيجة

: شكرا ليكي لو أحتجت حاجة أكيد هسألكم هنا

أنا تحت أمرك ف اي وقت... دي حاجة عالسريع كده من دماغي يعني وان شاء الله احاول أوفر نصائح أكثر قيمة بس عشان مستعجلة