الرجاءيا شباب 25 يناير التعليق على هذه الصورة ............ هام جدا جدا جدا

[medojax]

ياريت يا جماعة تشوفو الصورة دى وتقولو ايه رأيكم لان اللى بيحل دا كتير اوى اوى اوى وعيب علينا والله

وفييه كلام خطير جدا على صفحة الفيس بوك دى

http://www.facebook.com/pages/ghgh-W...00282159982748

يارب منطلعش لعبة فى ايد حد يلعب بينا زى ما هوا عاوز باسم الوطنية

حفظ الله مصر وحفظ شباب 25 يناير العاقل الواعى

[Abeer-55]

حرااااااااااااااااااااااام عليكم ماتقوليش حظاظة وماسونى و الحاجات دى انتو كبار على الكلام ده انتو معلمين بلاش تفكروا بالطريقة دى معروف ان دى كلها اشاعات علشان يجهضوا الثورة ارحمونا ارجوكم وائل خلاص فرد من كام مليون والثورة فيها خيرة علماء وشباب مصر مش معقول وائل ده عبقرى للدرجة انه يمشى واحد زى الدكتور محمد سليم العوا وراه ولا عمرو خالد ولا محمد جبريل ولا ولا ولا...... ده جبار قوووووووووووووى!!!!!
ارجوكم فكروا بعقولكم شوية مصر خلاص هاتشوف النور ان شاء الله ركزوا على اللى جى حد كان يصدق انه هايبقى له قيمة ويروح يختار رئيسه بنفسه ولا لو شاف فساد ممكن يقوله لأ وراسه مرفوع بعد ماكان عشش فى كل حته فى مصر

[بحر العرب]

شوف لعبة تانية أحسن ليك
وائل غنيم وجميع شباب الثورة أنضف منك وأحسن منك
على الأقل عملوا اللى محدش قدر يعمله
وأنت أو غيرك مش هتشوهو صورتهم لأنهم خيرة شباب البلد
حرام عليكم هتألفوا وتتكلموا كمان وتخترعوا
والله أعداء البلد أمثالكم

[ayman3body]

إرحم نفسك حسني مشه الفساد مشه الحريه والأمن وكله تمام

[احمد محمد عبد المجيد]

ارحمونا ارجوكم

[hohoh]

المشاركة الأصلية كتبت بواسطة medojax

ياريت يا جماعة تشوفو الصورة دى وتقولو ايه رأيكم لان اللى بيحل دا كتير اوى اوى اوى وعيب علينا والله

وفييه كلام خطير جدا على صفحة الفيس بوك دى

http://www.facebook.com/pages/ghgh-w...00282159982748

يارب منطلعش لعبة فى ايد حد يلعب بينا زى ما هوا عاوز باسم الوطنية

حفظ الله مصر وحفظ شباب 25 يناير العاقل الواعى

والله عندك حق تماما والناس غفلنة

[المؤمنه بالله]

ياانصار الحزب الوطنى ياريت تحطوا راسكم فى الطين وتريحونا بقى لانكم ----------------------------------لاداعى للغلط

[mr.anwar]

معلومة مهمة للغايه

ثورة 25 يناير كانت من غير قائد معين وده سر عظمتها وانبهار العالم بها

يعنى ولا وائل غنيم ولا غيرة

وبعدين أحنا مش عيال صغيرة علشان حد يضحك علينا
ومفيش حد يا جماعة يقدر ينكر افضال الثورة واننا بدأنا نجنى بعض ثمارها وهى الحرية بكل ما تعنى من معانى

المهم يا جماعة اولا واخيرا العودة الى العمل لاكمال المسيرة

الله اكبر وتحيا مصر

[eslamic]

انتا عارف انا نفسي في إيه
نفسي الشباب كلهم يبقو عملاء ويلبسو نفس الحظاظات
هتلاقيها احسن بلد في الدنيا

[Abeer-55]

منقووووووووووووووووول

بدايه..خلينا متفقين..ان في ميه وتلاتين الف واحد – ان مكانوش ميه واربعين - ..هيقولي..انصحك بانك تخش تقرا البروتوكلات الصهيونيه..وتقرا عن الماسونيه..وهيتهمني بالتخلف.....

----------

بعد الثوره المصريه بتاعت 25 يناير...انتشرت الكثير من الصور علي الفيس بوك...الحق وائل غنيم ماسوني...الحق ده لابس تشرتات..الحق ده لابس حظاظات...الحق بتاع البيت الابيض هو راخر لابس حظاظات !..


ارجع كام يوم للوراء كده..واتفرج علي التلفزيون المصري اثناء الثوره...الحق اجندات....الحق اخوان....الحق كنتاكي...
الحق..عناصر اجنبيه .- بالمناسبه كان في عناصر اجنبيه بالفعل..بس كانوا الصحفيين الي بيغطوا الخبر..اصلهم مبينجموش -

الماسوونيه...السيطره علي العااالم..اليهوووود...فووقوا يا مصر !!! ......

--------

خلينا انا وانت كده عزيزي القارئ..قاعدين علي القهوه وبنتناقش...ومعانا واحد رخم انا وانت مبنحبهوش

الصور الي علي الفيس..بتدل علي ان وائل غنيم ماسوني !! ..حلو....وكمان قالك في خبر من ويكيليكس.المشروع العجيب الي كنت بثق فيه الاول....قالك ان امريكا جندت وائل غنيم عشان يسقط النظام...!! حلو كده ..

استرجع معايا كام نقطه ..

يعني وائل غنيم..بالصلاة علي النبي كده..كان قاعد في امريكا...ولما حصلت حادثه خالد سعيد...راحت امريكا قالتله ايه ...

السيناريو الاولاني

"خد يا واد يا وائل..بص يا سيدي..اعمل صفحه..وسميها كلنا خالد سعيد...واقعد نمي فيها...وكبرها..وعليها..خليها زي بنتك ...حافظ عليها...وان شاء الله استني لما تونس تخلع بن علي ..وابقي هيج الشعب واسقط النظام..بس متتأخرش يا ولا !! "

السيناريو التاني

" خد يا واد يا وائل..بص يا سيدي..بما ان الشعب اسقط النظام في تونس..وانت صفحتك ماشاء الله كبيره وفيها ناس حلوين...فاحنا هنجندك..عشان تسقط النظام عندكوا انتوا كمان..وابقي خد معاك كام واحد كده ..عمرو سلامه علي محمد دياب..وبقوا قدوه للشباب يا حبيبي...واد يا وائل..امريكا بتعتمد عليكوا يا ولاد !! ..وائل راح قايل : حاضر يا طنت "


السيناريو الثالث

" واد يا وائل ..انت عارف يا حبيبي انك ماسوني..وان امريكا ماسونيه هي رخرا...وانت عاااارف يا حبيبيي...نظام مبارك وحش ..مش رادي يتعاون علي اسرائيل....قاطع عنهم الغاز والميه والنور....ومش راضي يقفل المعبر..ولا يبني جدار مع اسرائيلين عشان يساعد الفلسطينيين الوحشين ..ووضعنا في اسرائيل متأزم اوي يا واد...خد يا حبيبي الناس الي عندك علي الصفحه..واسقطوا النظام ...عشان نجيب واحد حلو مع اسرائيل ..في ظرف عشرين يوم تسقطوه يا ولا ...متتأخرش !! ..حاضر يا طنت "


ولك عزيزي القارئ تخيل اي سيناريو انت عايزه....حيث ان امريكا واسرائيل...كانوا متضايقين جدا من نظام مبارك الوحش الكخه...الي مكانش متعاون معاهم...فجابولنا وائل..عشان يسقط النظام ويضحك علي الشعب ويجيبوا واحد يخدم اسرائيل وامريكا


يا صديقي القارئ..بالله عليك كده...امريكا هتهم لأمرنا بتاع ايه ؟؟؟...يعني هتستفيد ايه لما النظام في مصر ..يكون ديمقراطيه...يكون حاجه محترمه...تحقق مطالب الشعب الي بينادي بيها بقالها تلاتين سنه

يعني مثلا ..وائل غنيم ده ..جاب مطالب من دولابهم الي في اسرائيل ..بافتراض انه ماسوني يعني ؟؟؟...

يعني مثلا ..الغاء قانون الطوارئ..وان الفتره الانتخابيه تكون فترتين اقصاهم...وتشيل الشروط التعجيزيه عشان الريس يترشح..دي مطالب اسرائيل مثلا ..وقالت لوائل اعمل كده يا وائل ؟؟؟؟


بلاش دي ..خد دي ...كرامتك الي كانت بتتهان مع الشرطه كل يوم..في اي مصلحه...مصالح البلد الي كانت واقعه...المليارات الي اتسرقت..الي تشكل ميزانيه دوله ...هل ده كان شيء بيزعل اسرائيل وامريكا والماسونيه فراحوا قايلين لوائل ..يا واد يا وائل..عايزين نعمل البلد حلوه..ونرفع راس وكرامه المصري عشان نعرف نسيطر عليه ؟؟؟


بافتراض افتراض خيالي علمي جاي من توم وجيري..وائل ماسوني...ها..وبعدين...اقصى حاجه ممكن يعملها ايه ؟؟
- وراعي برده انه كان مؤسس فكره خمسه وعشرين يناير او احد المساهمين فيها –


ها ..هيعمل ايه ...هيقولنا مثلا..يا جماعه ..اقلبوا ماسونيين..واحنا نقول..سمعا وطاعه يا وائل !!
هيقولنا مثلا..يا جماعه..تفرقوا ..وكسروا في بعض..واعملوا مشاحنات..ومتنضفوش الشارع !!! ..سمعا وطاعه يا وائل ؟؟


يعني مثلا مثلا ..اقصى حاجه ممكن يعملها ايه....اقصى اقصى حاجه..هيقولهم يا جماعه البسوا حظاظات ؟؟

الشخص الرخم الي كان معانا في القهوه : ..

طب بص يا سيدي...تفسر بايه الحظاظات والتشرتات ادي واحد

تفسر بايه ..ان انت بتقول ..التلفزيون المصري كان بيقول اجندات...واهو دلوقتي مفيش حكومه..الحكومه بردو الي بتقول علي وائل انه ماسوني ؟؟ ..ادي اتنين

يااااابني..- ولازم يطول فيها كده - ..فووق بقي..وائل ده ماسوني...ماسووني..يعني عايز يسيطر علي البلد عشان اسرائيل تحتلنا !! انتا مبتقراش بروتوكولات صهيونيه ؟؟


---------

الحظاظات كل لون بيرمز لرمز...يعني الاخضر الي كان وائل لابسه..بيدل علي السلام وسلام البيئه ..
رمز بيستخدمه...زي علامه النصر كده v ...

التيشيرت...الماركه ماركه عالميه معروفه...شبيهه بعلامه البوجو – مش بيجوه عشان بتقولوها غلط - ..علي كده الي راكب عربيه بوجو وعليها الاسد اياه..يبقي ماسوني كافر زنديق !!


الجمله الاخيره والمطلوب انك تستوعبها كويس :

وانا اسف يا وائل ان كنت بتقرا هذا الكلام...ولكن لو افترضنا فرض ان وائل ماسوني

الشعب المصري مش شعب متخلف...احنا شعب قمنا بالثوره في عشرين يوم ...نعرف نفرق..اذا كان الشخص في مصلحتنا ولا لا ...محناش قطيع غنم...لو واحد قالنا روحو هنروح..وارجوا هنرجع...

عمر ما كانت الديمقراطيه وكرامه المصري خدمه لمصلحه اسرائيل

النظام السابق..كان اكبر خادم وحامي لاسرائيل...

وتأكد ..انه لو مكانش حامي وخادم لاسرائيل..مكانش قعد 30 سنه ...زي صدام كده ..راحوا وجابوه

اسلوب التفرقه ..وتخوين الجميع ...هو احد الاساليب الاسرائيليه فعلا ..
لما تلاقي الصحافه والاذاعات الاسرائيليه ..عماله تقول في اخبار عشان توقع بين ده وبين ده

هي دي اساليبهم..هتلر كان بيحرق فيهم عشان كده...كان هتلر ينتصر..يقولوا هتلر خسر
كان كل شيء ..عكسه...

اكرر مقولتي الاخيره..

نحن ليس بقطيع غنم..عشان حد يتحكم فينا

وائل ماسوني مش ماسوني ..- وبالمناسبه فكره ان يكون في احتمال انه ماسوني دي تدل علي عدم الوعيي ..وعدم الوعيي الي احنا فيه هو اكبر خادم لاسرائيل - ...مش هيفرق معانا..ولا حد هيتحكم فينا..ولا احنا هننساق ورا اي رأي...فاحنا عندنا عقل ..بنحكم بيه...غياب العقل..هو الفكره الي عايزه تطبقها اسرائيل علينا...

[الاستاذ / محمد رفعت فضل]

سؤال يعنى ايه ؟؟؟؟؟؟؟؟؟؟؟؟؟؟؟ ماسونى هههههههههههههه

[مستر/ عبدالكريم على عبدالنعيم]

دقصر ديل يا اذعر

[مستر/ عبدالكريم على عبدالنعيم]

يا ريت حتى يكونوا يهود بس المهم خلصونا من الطاغية وعقبال اتباعه والخونة جميعا امين يا رب الع8المين

[mfish]

مش حقدر اقولك غير
حسبي الله و نعم الوكيل
حرام عليكم مليتوا البلد

فعلا الحزب الواطي واطي
علي فكره في ناس من اول مره بتشوف الصدق و الاخلاص في عينيها مثل وائل غنيم و اللهي هو انظف و اشرف من كل تعليقاتك و من......و من بلاش انت عارف

امضاء معلم محترم

[mr.anwar]

اكرر مقولتي الاخيره..

نحن ليس بقطيع غنم..عشان حد يتحكم فينا

وائل ماسوني مش ماسوني ..- وبالمناسبه فكره ان يكون في احتمال انه ماسوني دي تدل علي عدم الوعيي ..وعدم الوعيي الي احنا فيه هو اكبر خادم لاسرائيل - ...مش هيفرق معانا..ولا حد هيتحكم فينا..ولا احنا هننساق ورا اي رأي...فاحنا عندنا عقل ..بنحكم بيه...غياب العقل..هو الفكره الي عايزه تطبقها اسرائيل علينا...

يا ريت نتقرأ الكلام ده كويس ونفكر فيه