ممكن استشارة من دكتور او حد مر بنفس ظروفى مرض الجديرى المائى

[emadsmsma]

السلام عليكم ورحمة الله وبركاته
انا بنتى عندها سنتين و3شهور ونص هى فضلت نايمة يوم الجمعة ولما صحيت مرضيتش تاكل وسخنت وتانى يوم لقيت وشها فيه حبوب غريبة ورحت للدكتور لقى وشها احمر اوى قاللى البنت سخنة وشاف الحبوب قالى اكشفى ضهرها فؤجئت انه كل ضهرها حبوب زى وشها وكمان بطنها قاللى ده ( جديرى ) وادها حقنة مضاد حيوى وكالامينا ادهنلها ضهرها وبروفين مسكن وخافض للحرارة ولبوس ومضاد للحساسية
المشكلة دلوقتى ان الحبوب بتزيد وكمان فى شعرها وصعبانة عليه اوى
قريت على النت ان ده اسمه جديرى مائى ياريت لو اى واحدة تعرف حاجة عنه تقولى
هو فى فرق بين الجديرى العادى والجديرى المائى
وبيخف بعد وقت اد ايه