دى كارثة لسه راجع من الاكاديمية

[osama12osama]

والله ده حرام انا لسه راجع من الاكاديمية وهناك اكدوا ليا ان كل اللى اتبعت ليهم تهنئة هم بس اللى هيتعينوا واللى لسه مجاش ليه رسالة هيستنى بالله عليكم افيقوا كل اللى ماجتش ليه تهنئة من اى محافظة لازم نروح للوزير يوم الاثنين القادم 28\2

[رحاب2]

اكاديمية ايه

[mmagdy_81]

حضرتك محافظه ايه؟

[ريهمسة]

لا حول ولا قوة الا بالله

الخوف من كده بقي

والموظفيين واهمالهم

[YASSER_HASSAN]

ما سلب منا بالخداع لن نسترده الا بالقوة من مات دون حقه فهو شهيد

[محمد77777]

الكلام ده حدث النهارده عندنا فى سوهاج واللى عايز يتاكد من سوهاج ممكن اديله رقم الموظف هناك وقال ان التعين سيتم على مراااااااااااااااااااااااااااااااااااااااااااااااا ااااااااحل

[عبدالله نصر سيبويه]

يا جماعة انا من قنا ورحت المديرية النهارده عشان اشوف الحكاية دي وانا مستوفي كل الشروط وقدمت icdlيوم 29\7\2010 والواضح كدة ان كل اللي اتثبتوا همو اللي قدموا في المرحلة الاولى لحد شهر 6 وبشرط السبع مديولات ولما سألت في المديرية الموظف في شئون العاملين قاللي ان اللي هيتثبتوا عندهم 13
الف واحد وصل منهم 1400 فقط من الوزارة والباقي على دفعات
ولما سالت تاني مديرالاكاديمية وحكتلوا على ظروفي قاللي بعد اسبوع فيه اسامي تاني جايه
ومش عارفين الكلام ده صح ولا لا عموما بعد اسبوع كل حاجه تبان وموظف الاكاديمية قاللي ان الموضوع مبقاش في ايديهم وبقى في ايد المديرية وقلتله لو ما اتثبتناش نعمل ايه قاللي ولعوا في المديرية وارفعوا عليهم قضية
وعموما ماحدش يقلق لان القرار صعب ياخد ناس ويسيب الباقي لكن هي مسالة وقت عشان العدد كبير وده بيختلف من مديرية الى الاخرى

[aleman]

يا جماعة الحل لكل من لم تأتى لهم صيغة تهنئة قرار التثبيت ومتأكد انه اوفى الشروط
روح بنفسك اتأكد من الاكاديمية التابع لها ورقك كامل ام لا
عشان لو لقدر الله ضاع ولا حاجة تلحق تعمل حاجة
والله معانا ومعكم

[osama12osama]

انا محافظة المنيا تابع لاكاديمية بنى زفت الموظف اكد ليا اننا هنستنى لما الوزارة تبعت تاخد الاسماء التانية يعنى استنى بقى لما نراجع ثم نبعت ثم هم يقولا راجعوا تانى وحلنى بقى

[مريم اليكس2011]

يا جماعه هدوووووووووووووووووووء شويه والهي ما يقدرو يعينو ناس ويسيبو ناس البلد مبقتش زي الاول معادش مطالب بحقه بيخاف الي بيخاف هوة المسؤووووووووووووووووووووووووول صدقوني حتي لو هيتعين بس الي اتبعتله الرساله يبقي الباقيين هيتوالو بعد كده صدقوني ميقدرووووووووووووووووووش ودي حاجه بالمنطق مش محتاجه دليل لو قبل الثورة اقولكم جايز لكن دلوقت لاه

[miss_emy]

حسبنا الله ونعم الوكيل فيهم وفى اهمالهم

[Mr.Shaaban]

المشاركة الأصلية كتبت بواسطة aleman

يا جماعة الحل لكل من لم تأتى لهم صيغة تهنئة قرار التثبيت ومتأكد انه اوفى الشروط
روح بنفسك اتأكد من الاكاديمية التابع لها ورقك كامل ام لا
عشان لو لقدر الله ضاع ولا حاجة تلحق تعمل حاجة
والله معانا ومعكم

دا كلام سليم جداً ,,,,,,,,,,,,,,,,,,,

[همسات القلوب]

انا من محافظة البحيرة ومستوفية الشروط ومن اوائل الناس اللي قدمت وبردو مانزلش اسمي ودا بردو بسبب الاهمال وروحت المديرية والتنظيم والادارة والاكاديمية كل واحد براي ياريت اللي نفس مشكلتي دي نتواصل ونشوف حل حراااااااااااااااااااااااااام

[أبوالحسام]

ولو لم نتحرك الآن فسيضيع حقنا
وفين وفين لما يشوفوا ويراجعوا تاني والامر محتاج الى ختومات ........ من السد العالي ومن التموين ومن ومن وكل مواطن لازم يختم ويعملوا استفتاء
فالحل هو النوم في فندق رصيف وزارة التربية والتعليم فقد نمنا كثيرا على فرش وثيرة دافئة ليس وقتها وانا استغرب ممن ينام وقد دمر حاضره ومستقبله
واياكم والسلبية وغيري يروح وغيري يتظاهرلي فالبركة في التجمع فلو فكر كلنا بهذا فمن يذهب لنا
ولقد نجحوا في تفريق شملنا بتعيين البعض و*** البعض الآخر

[زياد الشلقامى]

هم هيثبتوزا اللى خلصوا الورق علىدفعات زى ما قالوا