تظاهر العشرات من المعلمين، أمام مكتب الدكتور أحمد جمال الدين موسى وزير التربية والتعل

[emtech]

تظاهر العشرات من المعلمين، أمام مكتب الدكتور أحمد جمال الدين موسى وزير التربية والتعليم ظهر اليوم، الثلاثاء، بعد أن انتظروه داخل قاعة طه حسين بالوزارة لمدة 3 ساعات ثم فوجئوا بأن أحد المسئولين يؤكد لهم أنهم سيلتقون الدكتور رضا أبو سريع مساعد أول الوزير وليس بالوزير نفسه، وهو ما أثار غضب المعلمين ودفعهم للتظاهر أمام مكتب الأخير.

وهتف المعلمون "واحد اتنين.. الوزير فين"، "يا وزير يا وزير المعلم مش أجير"، "لو قلتوا مفيش ميزانية هاتوا فلوسنا من الحرامية "، وحاول بعض المعلمين والمعلمات الدخول إلى مكتب الوزير إلا أن الأمن منعهم وهو ما دفع إحدى المعلمات للصراخ فاجتمع حولها المعلمون والموظفون.

وحدد المتظاهرون مطالبهم فى بيان وزعوه البعض منهم مؤكدين أن أهم مطالبهم هى تثبيت كل من يعمل بالتدريس، تفعيل دور نقابة المعلمين ورفع مكافأة الامتحانات والتصحيح وزيادة رواتب المعلمين بشكل عام.

[saracat92]

ربنا ينصرهم

[teacher_2]

أحمد زى الحاج أحمد
ابو سريع ده انا اتعقدت من اسمه
لان اسمه عكس فعله


ياترى كام موظف فى الوزارة بيقبض فوق ال 100.000 جنيه رجعو تانى لمكاتبهم؟

[emtech]

هذا هو الوزير الذى تتمنوه

[استاذ احمد الكيميائى]

الظاهر ان الوزير ده هيطلع فشنك

[yasserframs1]

ياريت حد يعرض لنا المطالب علشان نتاكد انها انشاء الله متضمنة لكل حقوقنا وليست مطالبنا وشكرا لكم

[عادل كمال احمد]

من المواصفات الواجب توافرها في وزير التربية والتعليم
1 الا يمت بصلة للتربية والتعليم
2 جباااااااااااااااااااااااااااااااااااااااان
3 اخرس
4 بيسمع كلام اسياده من الوزاراء
5 يقبل على المعلم ان يكونوا اقل الناس وضعا ماديا كان او ادبيا
6 يا حبذا لو كان اطرش لصوت المعلم
وبصراحة
الاخ احمد جمال متوافر فيه كل الشروط ,,, وبزيااااااااااادة

[محمد جابرأحمد]

ايه يا باشا يا وزيرنا دا احنا كنا بندعيلك ليل نهار تيجي وتنقذنا من ذل اللي سبقوك وعدم اهتمامهم بينا ولكن لينا رب

[medokh]

عرفنا مبدأ الوزير من أول موقف لا أرى -- لا أسمع -- لا أتكلم

[احمد احمد حجاج]

بصراحه الوزير ده عاوز يتأدب ايات المنافق ثلاث
يا جماعه نعتصم أمام مبنى الاذاعه و التليفزيون هو ده الحل الوحيد علشان صوتنا يوصل للاعلام

[alneseem]

مطالبنا لن يستطيع وزير التربية والتعليم تحقيقها ويجب ان تكون اعتصاماتنا امام مجلس الوزراء ومطالبنا تقدم لرئيس الوزراء
هذا هو الامل الوحيد فى تحقيق مطالب المعلمين اما وزير التربية والتعليم هذا لن يفعل شئ مطلقاً

[محمود العيسوى 2010]

يا أساتذة أنا واحد من المعلمين ال كانوا فى مقابلة الوزير مش عارف أوصف لكم إللى حصل لينا وخاصة كان معظمنا معلمات وقلة الأدب اللى إتعملنا بيها من موظفى الوزارة والأمن والبهدلة اللى شوفناها وبعد نهاية المقابلة ولا حس ولا خبر وإشربوا اللى جاى طول منتوا سلبيين