مدرسين الحصه بالمنيا ومراكزها يتجمعوا هنا

[teacher2012]

ياجماعه ياريت كل واحد يعرف جديد عن العقود بالنسبه لمدرسين الحصه اللى شاغلين لمده 3 سنين او سنتين او اكثر ياريت يقولنا على الاخبار اول باول عشان نكون متابعين لو فيه جديد الكل يعرف فياريت بجد نشارك ونفيد بعض لان بجد اللى بيحصل ده ظلم لمدرسين الحصه يعنى اه ناخد عقود شامله ب120 وكمان تجدد كل 3 شهور وكمان انا سمعت ن من ضمن شروطها ان مدير المدرسه لو استغنى عن خدماتك فى المدرسه او حد جه بدالك طبعا انت مع السلامه وكتر الف خيرك انك تعبت معانا واحنا مش محتاجين خدماتك وترجع لمكان الاصلى وطبعا هو البيت واللى افظع من كدا انك فى حاله الاستغناء عن خدماتك لا تستطيع ان تقدم اوراقك مرة اخرى فى اى مسابقه تبع التربيه والتعليم يعنى ده نسميه ايه ظلم ولا افترى ولا ايه بالظبط مش لاقيه مسمى ليه بجد يعنى احنا نشتغل وتطلع عنينا وبهدله مواصلات ومشوار وفى الاخر ناخد مرتب اساسا لا يذكر لا يصلح ان يطلق عليه كلمه مرتب ده الصنايعى اللى بشتغل فى الورشه بياخد اكتر مننا وفى الاخر نقول اصل مصر متاخرة ماهى متاخرة عشان ايه ماعشان مش بتقدر جهدنا والقابل غير مشجع اساسا بس ياريت بجد نتعاون مع بعض ونقول لبعض كل جديد وكل ما يخص مدرسين الحصه وربنا يسهلها وناخد عقود مميزة والحال يكون احسن من الاول

[ابو سوزان]

طلب من مدرسى الحصة فى ادارة بنى مزار انهم يحيبوا جوابات من المدارس اللى اشتغلوا فيها قبل كده علشان يعملوا لهم عقد مميز

[hossammero]

أتمنى الوقوف وقفه واحدة متعاونيين

كما أتمنى الانضمام إلى جروب ( مدرس بالقلم الرصاص )
http://www.facebook.com/#!/home.php?...913864265&ap=1

[teacher2012]

وبجد بشكر ابو سوزان وhossammero على المرور والاهتمام والمشاركه بس انا عندى سؤال انا من فترة كان فيه استمارة اسمها تعاقد اللى هى العقد انا كتبت بياناتى فى الاستمارة ومعاها شهادة المؤهل وصورة من البطاقه الشخصيه وقدمتهم بس مش فى الادارة لا فى مدرسه كانت محدداها الادارة للعلم ده فى مركز ملوى والمدرسه اسمها مدرسه التحرير وطبعا رحت مدرستى وختمت الاستمارة من هناك المهم بعد كام يوم قالوا كل مدرسه بالحصه يودى صورة شخصيه للمدارس اللى شغال فيها عشان المدرسه تبعتهم للادارة فحصل كدا وفيه ناس اتصلت بيا من المدرسه وقالتلى ان الموظف راح الادارة عشان يقدم الصور ومعاها اوراق بس بجد معرفش اوراق ايه ان الادارة رفضت تقبل منه الاوراق دى عايزة اعرف من مدرسين الحصه هل ده حصل معاهم فى اى مركز وياريت لو حد بالحصه من مركز ملوى ياريت يشارك بجد عشان اعرف ليه الادارة رفضت الاوراق انا سالت عموما فقالوا الادارة مقبلتش اوراق من اى مدرسه فهل ده حصل فعلا وياريت مدرسين المراكز الاخرى يدخلوا ويقولوا ده حصل فى اداراتهم ولا ده فى ادارتنا بس عشان نعرف نتصرف ولوكان فى ادارتنا بس هنعمل شكوى بس طبعا كل مدرسين الحصه فى مركز ملوى يتجمعوا فى هذا الموضوع عشان لو كان الموضوع كدا هنتقف اننا نكتب شكوى كلنا عشان ده حقنا وياريت لو حد عارف حاجه عن الموضوع ده من المراكز الاخرى الكل يشارك بجد عشان نتواصل عن طريق هذا الموضوع وشكر لكم

[أيمن البدري]

المشاركة الأصلية كتبت بواسطة teacher2012

وبجد بشكر ابو سوزان وhossammero على المرور والاهتمام والمشاركه بس انا عندى سؤال انا من فترة كان فيه استمارة اسمها تعاقد اللى هى العقد انا كتبت بياناتى فى الاستمارة ومعاها شهادة المؤهل وصورة من البطاقه الشخصيه وقدمتهم بس مش فى الادارة لا فى مدرسه كانت محدداها الادارة للعلم ده فى مركز ملوى والمدرسه اسمها مدرسه التحرير وطبعا رحت مدرستى وختمت الاستمارة من هناك المهم بعد كام يوم قالوا كل مدرسه بالحصه يودى صورة شخصيه للمدارس اللى شغال فيها عشان المدرسه تبعتهم للادارة فحصل كدا وفيه ناس اتصلت بيا من المدرسه وقالتلى ان الموظف راح الادارة عشان يقدم الصور ومعاها اوراق بس بجد معرفش اوراق ايه ان الادارة رفضت تقبل منه الاوراق دى عايزة اعرف من مدرسين الحصه هل ده حصل معاهم فى اى مركز وياريت لو حد بالحصه من مركز ملوى ياريت يشارك بجد عشان اعرف ليه الادارة رفضت الاوراق انا سالت عموما فقالوا الادارة مقبلتش اوراق من اى مدرسه فهل ده حصل فعلا وياريت مدرسين المراكز الاخرى يدخلوا ويقولوا ده حصل فى اداراتهم ولا ده فى ادارتنا بس عشان نعرف نتصرف ولوكان فى ادارتنا بس هنعمل شكوى بس طبعا كل مدرسين الحصه فى مركز ملوى يتجمعوا فى هذا الموضوع عشان لو كان الموضوع كدا هنتقف اننا نكتب شكوى كلنا عشان ده حقنا وياريت لو حد عارف حاجه عن الموضوع ده من المراكز الاخرى الكل يشارك بجد عشان نتواصل عن طريق هذا الموضوع وشكر لكم

الصورة الشخصية والأوراق كانت مطلوبة لعمل العقود الشاملة ب120 جنيه ولكن صدرت الأوامر إلى الإدارات بوقف عمل هذه العقود بسبب اعتراض العاملين بالحصة على هذا المقابل الضعيف ، والاحتمال الكبير هو تحويل هذه العقود إلى عقود مميزة (معلم مساعد) لمن أمضى 3 سنوات أو اكثر فى العمل بالحصة.

[teacher2012]

ياجماعة انا عايزة اعرف ايه حكايه العقودات دى لو حد عارف اى حاجه عن العقودات دى ياريت يدخل ويشارك لانى بجد
خلالالالالالالالالالالالالاص زهقت كل يوم اسمع خبر جديد واوراق جديدة لو سمحتوا بالله عليكم اى حد عارف حاجه
ياريت يقولى بجد وربنا يسهلللللللللللل

[mohammed ahmed25]

مدرسين الحصه فى مدرستنا مضوا ع عقود بـ120 لكن لسه مش عارفين ايه اللى هيحصل. والعقود لسه فى المدرسه

[teacher2012]

شكرا جد لحضرتك على مرورك واهتمامك بس ممكن اعرف حضرتك من اى مركز وشكرا ليك

[miss nora2]

عقود ايه اللي بتتكلموا عنها

[teacher2012]

ممكن سؤال فى حد مضى على العقد اللى ب120 جنيه واللى مضى كمل كام سنه شغال بالحصه وهل كله هياخد عقود شامله ولا اللى كمل سنتين ممكن حد يشارك ويجاوب على سؤالى وشكرا لكم

[مصطفى البدرماني]

يا جماعة انا كنت شغال سنة 2002 حتى سنة 2005 وبعد كده سافرت ورجعت اشتغلت سنة 2008 لغاية دلوقتي حد يقولي أنا كده كملت 3 سنين ولا لسة علشان أنا عايز أسافر لأن 120 جنيه مش هعرف أضيعها؟؟؟؟؟!!!!!!!!!!!

[محمد جابرأحمد]

ان شاء الله فيه وقفة احتجاجية غدا امام الادارة التعليمية بالمنيا لعدم تنفيذ قرار 75 لسنة 2011