سؤال مجننى فى الفصل الـ 11 حد يساعدنى

[ħєĄяt σf Ŧħє σcєaη]

السلام عليكم
معلش كان عندى سؤال و محتاجة اعرف حله ازاى بالخطوات ارجوكم

اذا كان زمن وصول التيار المتردد الناتج من الدينامو من الصفر لنصف القيمة العظمى هى t فان زمن وصوله الى القيمة العظمى هى (t-2t-3t-4t )

الاجابة فى كتاب الامتحان هى 3t بس يا ريت حد من الاساتذة يفهمنى جت منييييين ؟؟!!

[لامىى]

بص ياباشا
نص القيمه العظمه هتساوى القيمه العظمى مضروبه فى نص
والزاويه الى جيبها يساوى نص هى الزاويه 30
والقيمه العظمه بتكون مضروبه فى جيب الزاويه 90
وملف الدينامو بيعمل زاويه 30الى هى نص العظمى فى t
اذن هيعمل الزاويه 90الى هى عندها القيمه العظمه فى 3t
ده لانه 90 على 30 بتساوى 3

[ħєĄяt σf Ŧħє σcєaη]

المشاركة الأصلية كتبت بواسطة لامىى

بص ياباشا
نص القيمه العظمه هتساوى القيمه العظمى مضروبه فى نص
والزاويه الى جيبها يساوى نص هى الزاويه 30
والقيمه العظمه بتكون مضروبه فى جيب الزاويه 90
وملف الدينامو بيعمل زاويه 30الى هى نص العظمى فى t
اذن هيعمل الزاويه 90الى هى عندها القيمه العظمه فى 3t
ده لانه 90 على 30 بتساوى 3

بشكر حضرتك جدا بجد لردك اللى افادنى جدا
بس معلش ممكن بس اعرف انا اقدر اكتبها ازاى فى الامتحان
طريقة للبرهان بتاعها يعنى لانى فاهمة الفكرة بس مش عارفة اصيغها فى قوانين

[Hima Ryan]

أقلك
من القانون ثيتا ( الزاوية بين اتجاه السرعة و خطوط الفيض ) = أوميجا ضرب الزمن
هتقول اذن يوجد تناسب طردي بين الثيتا و الزمن
t1 / t2 = ثيتا 1 / ثيتا 2
تطلع 3t

[منى ياسين]

ياجماعة انا مش فاهمة ممكن تفهموهالى براحة

[amralfar]

شكراااااااااااااااا سؤال عالي اوي

بيقلك 1/2 القيمة العظمة بيعملها في t ثانية يعني

1----I = Imax Sin Q

I = 1/2 Imax -------2

1/2 = SinQ

Q= 30

ولما في نهاية العظمة تكون Q = 90

Q , T طردي

30/90 = t1/t2

t2 = 3t1

[روحاء هندسه]

المشاركة الأصلية كتبت بواسطة منى ياسين

ياجماعة انا مش فاهمة ممكن تفهموهالى براحة

بصي ياقمر

السؤال بيقول ان زمن وصول التيار من صفر لنص القيمة العظمى هو t

وهو عاوز زمن وصول التيار من الصفر للقيمة العظمى كاملة

وبالتالي هتقولي ان emfلحظية =emf max÷2


يبقى معنى كدة ان emf sin =emf ÷ 2

يبقى معنى كدة ان جيب الزاوية بيساوي نص

يبقى معنى كدة ان الزاوية بتساوي 30

ودة تبقى للحظية

وطبعا الزاوية 90 درجة للعظمى

يبقى الزاوية 30 ÷الزاوية 90 = wt1÷wt2


الاوميجا هتروح مع اوميجا



ويتبقى ان


t1÷t2=1÷3



وبالتالي يكون t2=3t1



بس كدة يارب أكون جاوبت بطريقة مبسطة


وبصي ياقمر حاولي تخلي المستر بتاعك دايما يديكو الاولمبياد بالتفصيل حتى لو احتمال ان الامتحان يجي سهل

بالتوفيق ياقمر