انهردة كلمت الوزير شخصيا على الموبيل

[khalifasoft]

رد علية بكل زوق وهو كان بيكلم حد تانى فى مكتبة وقالى اتصل كمان نص ساعة
اول مرة اتكلم مع وزير مباشرة من غير وسيط ويرد بمنتهى الاحترام كدة
قعدت احاول اتصل طبعا جرس من غير ما حد بيرد فبعت كذا رسالة sms
بقولة فيها على الاوضاع الى حصلت فى بورسعيد والمظاهرات الى حصلت الصبح
وان المديرية مش عاوزة تنفذ حتى القرارات الوزارية الى جت
بعد حوالى ساعة رد علية راجل زوق قوى من مكتبة وقالى اسامى الناس المسؤلة فى بورسعيد وانة عارف ان مدير المديرية مش موجود ومفيش حد ينوب عنة واكدلى ان مطالبنا حتتحق وكل الناس هتاخد حقوقها بس ادو الفرصة للوزير يقعد على الكرسى قالى ان الوزير مكنش عارف يدخل مبنى الوزارة انهردة من كترة المتظاهرين
الخلاصة يا جماعة انا مش بقول كدة عشان اصبركم او اهديكم انا وقفت وهقف فى المظاهرات لحد ما ناخد حقنا
وبطالب كل الناس المتعاقدة اوعى يدحكو عليكم ويقولكم لازم تمضو على عقود تانى وطالبو كلكم بالتثبيت بدون اى شروط
حقنا جاى بس لازم نتحد والوزير متفاهم الاوضاع بس مش المفروض نتنازل ونسلم
انا متفائل خير انشاء الله والى فية الخير ربنا يقدمة