أرجوكم انصحونى اخد علم نفس ولا اقتصاد و احصاء

[mahaelnadry]

يا ريت الناس البتاخد اقتصاد و احصاء تقول هو سهل و لا صعب و هل بتحسوا انهم مادتين و لا مادة واحدة و ليه خدوا اقتصاد و احصاء مش علم نفس

عشان انا محتارة اخد المادة العلمية السنة الجاية ايه ؟

شكرا

[bebolion]

الاقتصاد هو مادة عباره عن 6 فصول صغيره يعنى لو اخدتها هتاخدها مثلاا من شهر 9 ل شهر 1 بتخلص بسرعه وحلوه وفيها معلومات جميله وخفيفه لحد كبير امتحانها من 25 درجه بيبقى ساعه ونصف وبتبقى من 4 اسئله واحد اجبارى ب 9 درجات و3اختيارى تختار منهم اتنين كل واحد ب8 درجات باختصار ماده خفيفه اما الاحصاء ف 6 فصول برضه لكن اصغر كتير بتخلص فى حد اقصى 10 حصص ومن 25 درجه برضه وامتحانها ساعه ونصف وبيكون فى نفس يوم الاقتصاد ولحد وقت قريب كانوا الاتنين مع بعض فى 3 ساعات لكن اتفصلوا ماده خفيفه وسهله لكن بيهرب منها الناس علشان ساعات بتحتاج حد عنده مبادىء رياضه زى معادلات او حل معادلتين او غيره لكن دى حاجات بسيطه اوى يعنى طبعاًمش هاقول اخف من علم النفس علشان محدش يعترض ولانى مجربتش علم النفس بس شايف انها خفيفه ولطيفه والناس بتهرب منها خوفا من ان الاحصاء ترخم ودا نادرا جدا جدا ما بيحصل وللى بيعرف رياضه بسيطه مش بيتعب
دا راى شخصى على العموم ..

[mero_pink_flower]

ana 3 elsanadi w ba5od el 2
besra7a el ektsad w ele7sa a7sn
3elm elnasf sahl bs bytnsy bsor3a awee

[Blue Eyes]

لو بتحب الحفظ يبقى علم نفس
لو بتحب الفهم اقتصاد واحصاء

[عاشقه الدراسه]

ركزى دلوقتى فى مذاكرتك
وانتى مش هتقتنعى غير باللى ترتاحى له
انا كنت فى نفس حيرتك دى فى اول السنه مع انى بحب الرياضه جدااا بس جربت علم نفس وحسيت انى مش هقدر اكمل خااالص فيه مع انها بالنسبه للبعض ماده خفيفه
الافضل انك تجربى عشان مش ترجعى تقولى ياريتى اخدت علم نفس او ياريتنى اخدت اقتصاد واحصاء
اما عن المميزات , الاعضاء اللى جاوبوا عليكى قبلى وضحوا بس الاحصاء 5 فصول مش 6

[abdelhadyshosha]

لاتفكرى الان فيما سيكون العام القادم وانما عليك الان ان تركزى فى مذاكرتك-وفقك الله ووفق الجميع-

[بنداه]

نصيحه خذى الاقتصاد والاحصاء لأنها هتوفر وقت كتير لمذاكرة باقى المواد وهى ماده سهله جداً وللعلم هى ماده واحده إسمها اقتصاد واحصاء مثل علم النفس والاجتماع مثل الفلسفه والمنطق وهى من 50 درجه 25 لللاقتصاد و25 للاحصاء وإنشاء الله هتدعوللى وربنا يوفقكم

[mahaelnadry]

طيب هل بتحسوا ان هما مادتين و لا مادة واحدة يعنى دى ليها مذاكرة و دى مذاكرة و لا مع بعض او مثلا ممكن نضم الاحصاء للرياضة 2 اقصد اعتبر الاحصاء من ضمن فروع الرياضة 2 ؟

[عاشقه الدراسه]

المشاركة الأصلية كتبت بواسطة mahaelnadry

طيب هل بتحسوا ان هما مادتين و لا مادة واحدة يعنى دى ليها مذاكرة و دى مذاكرة و لا مع بعض او مثلا ممكن نضم الاحصاء للرياضة 2 اقصد اعتبر الاحصاء من ضمن فروع الرياضة 2 ؟

اكيد طبعا هما مادتين
الاحصاء فرع من فروع الرياضه
والاقتصاد من المواد الاجتماعيه
بس مفيش صعوبه فى كده

[m.s.g]

الا حصاء مش مرتبطه بالرياضه اوى هى قوانين وبتعوضى بيها وخلاص

[المياة]

بحكم أن أنا واخدة المادتين علم النفس لذيذ ومسلي وسهل وبتحسي أنه من الواقع اللي أنتي عايشاه ومرتبط بعلم الاجتماع مبتحسيش أنك بتذاكري مادتين مختلفتين بس مشكلته أنه عايزة مراجعة مستمرة علشان ما تنسيش والنسيان فيه بتنسي بداية اجابة السؤال لكن صدقيني أول ما تجيبي بداية الاجابة بتنطلقي في باقي الاجابة بسهولة
أما الاقتصاد والاحصاء فهما في الحقيقة مادتان منفصلتان تماما ولا يمكن مذاكرتهما معا لكنها مادة خفيفة سهلة لا تأخذ وقت في المذاكرة وإن كان الاقتصاد رخم ولا تشعرين أنه قريب من الواقع الذي تعيشينه إلا أنه سهل جدا
ونصيحتي لكي كل واحد بينصحك من منطلق ميوله الشخصية فلا تأخذي بكلام أحد ولا تجعلي كلام أحد يؤثر فيكي أطلعي على المادتين وأنظري إلى أيهما ترتاحين وأي المادتين تستطيعين أن توفقي بينها وبين بقية المواد وعلى هذا الأساس أختاري
أختك المحبة لك في الله