ادخل وشارك من حقك ..

[messam]

ازيكم يا شباب الثانوية العامــــة

شارك معانا من هنـــا

1-تأجيل فترة الامتحانات فترة لاتقل عن 3 أسابيع .. <الامتحانات ياشباب الامتحانـات متأجلتش 12/6 دة ميعـاد امتحان السنة السابقة هما عملو اية؟>

2-أزالة باب من كل مناهج < هما ياجماعة قالو حذفو 20% ازاى ؟؟ وهو الكيمياء حذفين فيها من صفحة 191 الى 210 ودة مش الباب كلة ازاى ؟؟ >
ثانيــا: ازاى نقعد كلة دة واحنا مش عارفين اللى اتلغى والاشعاعات بتكتر..

----حق كل طالب فى ان ينتمى للكلية التى يريد وذلك بعد تخطيه امتحان القدرات الذى تضعه الكلية----

3- تطوير التعليم بشكل كلى وخاصة مناهج المواد العلمية حيث انها قديمة جدا..

4- انتظام التدريس بالمدارس حتى تُتاح فرصة لحضور الطلاب..

5- تكثيف اشراف وتفتيش الوزاره على المدارس الحكومية والخاصه..

6- تطبيق نظام التعليم المُتبع في دولة كندا والذي يعتمد على ان طريقة شرح المُعلم تعمل على إفهام الطالب كيف يفكر وليس كيف يحفظ..

7-فرض عقوبات مشددة على اي مُعلم يرغم الطلاب على الدروس الخصوصية حيث انها قضت على التزام الطلاب في المدارس..

8- تعديل اسلوب الامتحان حتى يكون مقياسا حقيقيا لمستوى الطالب..

9- إلزام المُعلم بالعمل داخل الفصل بامانة،وفتح سبل الحوار بين المُعلمين والطُلاب..

10- الاهتمام بالنشاط العلمي العملي وخاصه في مواد الكيمياء-الفيزياء- الاحياء..

11- الغاء العقاب البدني والنفسي للطلاب بجميع اشكاله..

12-تطوير المعامل المدرسيه..

13- تطبيق نظام المدراس المتخصصة كما فى اليابان..

14- تطوير المدارس بشكل كلى ومدها باجهزة الحاسب الآلى والتقنيات العلمية
المتطورة وكاقة وسائل التعليم..

15- عدد الطلاب فى الفصل الواحد لايزيد عن 25 طالب..

16- الفترة بين كل امتحان واخر لا تقل عن ثلاث ايام..

17- ان تكون الثانوية العامة سنة واحدة فقط..

--------------------------------------------------------------------------

ايوا مطالبنا كتير بس احنا عاوزين تغير دية مطالبنا اللى عاوزين المسئولين يعرفوهـــا..

[semsemh_2001]

الكيمياء حذفوا فيها الباب الثامن كامل والاسترات من العضويه

[messam]

لا مش كامل من صفحه 191 إلي 210 الباب الا صفحه هههههههه .

[يوسف حسان]

يعنى هيه الصفحه دى هيا الي هتوقف المراكب السايره

[messam]

مش معني الكيمياء معندك العربي حذفين حاجات مش بتيجي اساسا ول الانجليزي مفيش غير باب 11 هو اللي شويا وعندي الرياضه برده حذفين فيها مسائل ها اكمل ول كفايه ؟؟

[messam]

وبعدين انت قولت هي يعني صفحه اللي هتوقف المراكب السايره المفروض الجمله ديه ليهم هما مش لينا احنا بذمتك ده مش استخفاف بعقولنا ؟

[Esraa30]

وهو مفيش غير الكيميا اللي بتتكلمو عليها وبعدين سوري يعني بس بدل ما بنتكلم علي الملغي نذاكر احسن وده رائي

[خالد صبرى حسن]

لما المحذوف لسة ماظهرش عرفت الكيمياء منين

[messam]

ياخالد المحذوف ظهر من زمااان !!!!

[msh835]

مش وقت تظاهرات

[h3ossam]

انا من رايي بلاش مظاهرات و خير فيما اختاره الله
التنسيق هينزل السنه دى
توكل على الله و ذاكر

[ياسمين مهند]

بالضبط ده مش وقت مظاهرات احنا المفروض نذاكر واللي ربنا كاتبه لكل واحد فينا هيشوفه لو عمل ايه محدش يقدر يهرب من المكتوب بس احنا ناخد الاسباب ونذاكر مش نضيع وقتنا في المظاهرات والاعتراض

[ياسمين مهند]

واحنا علشان احنا شباب واعي وسلمي وفاهم لازم نفكر كويس مصر محتاجة لينا كلنا دلوقتي لازم كل واحد يذاكر ويشوف يقدر يقدم ايه لمصر ده احنا شباب 25 لازم كل واحد يعمل اللي بيحبه ويدخل الكلية اللي بيحبها علشان يكون ناجح فيها ويقدر يخدم بلده اللي بيحب مصر يذاكر علشان مصر

[messam]

هو ده رأيكم اللي بتحاولو تقنعو نفسكم بيه .. اولا الحذف لا يساوي 5% ثانيا : ميعاد الامتحانات زي ماهو ثالثا : احنا ملناش اي قيمه في البلد والدليل ان تصويت الدستور لايسمح فيه لطلاب الثانويه العامه رابعا: مش نصف يوم هو اللي هيوقف المذاكره خامسا : ده مش ميعاد نعرض فيه مطالبنا امال امته بعد ما السنه متخلص ؟؟؟