|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-03-2011, 10:37 AM
|
||||
|
||||
الفرق بين المسلم و تطبيق الإسلام ... من قهوة طرّيها الناس لبعضيها ..!!
المكان : قهوة ( طرّيها الناس لبعضيها) للدخان النضيف
 جلس المِعلّم ( حِشْمت ) مع الاسطى ( كاظم )  يتبادلان أطراف الـ(تشات)- حشمت : اسكت يا كاظم يا خويا , ده العالم بتوع الدقون دول طلعوا تايواني خالص , لا , تايواني مين ؟؟ دول طلعوا صيني - كاظم : ليه بس كفى الله الشر , حد فيهم داس لك على ديل  ؟؟- حشمت : انت هتهزر يا ( تيييييييييت )  ؟؟- كاظم : لا أبدا , بس الكلمة زنقتني , اتفضل ارغي يا برنس . - حشمت : يااااااه , اقول لك إيه بس و لا إيه ؟؟ ( ديك ) النهار كنت بشتري ( فرخة ) مشوية من عند واحد منهم , اداهالي من غير رجول و لا جناحات  و مرة راكب مع سواق (موكروباظ) منهم و ماكانش معايا فكة راح واخد الفلوس و ضرب على الباقي  - كاظم : ده انت مصيبتك صغيرة يا حشمت يا أخويا , ده أنا أعرف واحد كان كان داخل شريك في ( مزرعة مكرونة )  مع واحد دقنه طول كده ,و المشروع خسر و نصب على جارنا في نصيبه بعد ما صفوا الشركة - حشمت : ده غير المنقبات اللي تلاقيها حاطه كحل , و لابسة عباية ضيقة و كلها ترتر بيلمع  و اللي صوتها في الشارع قد كده , و تتكلم مع ده و تهزر مع ده - كاظم : يا عم دول عالم أعوذ بالله , و يقولوا لك قال الله و قال الرسول , طب ما يعملوا الأول بالكلام اللي بيقولوه ده  - حشمت : سيبك انت يا عم , هو الواد حمامة مش مشغل (التي في ) ليه ؟؟ و هنا ............................. ظهر حمامة القهوجي و شغل التلفزيون على القناة الفضائية الأمريكية و كان شغال برنامج ( صباح القشطة يا أمريكا )  في فقرة ( على المصطبة )و كان فيها التقرير التالي : المكان : بار ( هات القزازة و اقعد لاعبني ) لجميع أنواع الحاجات اللي بتتشرب جلس مستر ( مارك ) و مستر ( جاك )  يحتسيان الخمر- مارك : شفت يا جاك الجماعة المسلمين , دول كلهم إرهابيين  و بيفجروا نفسهم في جنودنا و حتى في بلادهم و أهلهم- جاك : لا و مش إرهابيين بس , ده رجال الأعمال بتوعهم بييجوا يصيعوا هنا  في لاس فيجاس ,و رجال السياسة فاسدين و حرامية و بيسرقوا أموال المعاشات و العلاج على نفقة الدولة  و ...- مارك : انت عرفت المعاشات و نفقة الدولة و الحاجات دي منين يا جاك ؟؟ - جاك : مالكش دعوة , خلينا نكمل شتيمة في المسلمين - مارك : ماشي يا عم جاك , شفت انت بقى الستات عندهم , بيقولوا لك مفروض الست تغطي راسها و جسمها ... هأو !! أمال أنا لما بتفرج على ( ميلودي اريبيا )  بلاقي المغنيات بتوعهم لابسين من غير هدوم ليه ؟؟و حتى الحريم اللي بيلبسوا في بلادهم , لما بييجوا عندنا بيقلعوا - جاك : ياااااه يا عم مارك سوري , أنا عارف إن قعدة الراجل بميت ست لكن إن جت الست يغور الراجل و أنا عندي معاد الجيرل فريند  بتاعتي دلوقتي , سلا... قصدي حرب .و هنا ............................ نهض المعلم حشمت و الريس كاظم من مكانهما غاضبين  و قالا : الأمريكان دول طول عمرهم أغبية و مش بياخدوا غير بالظاهر يا عم مش كل المسلمين إرهابيين و بيفجروا نفسهم و لا كلهم فاسدين و ( واكلين ناسهم )  و لا كل الستات لابسين من غير هدوم الأشكال دي جزء صغير جدا من المسلمين , و ما ينفعش نعمم الكلام ده  على المسلمين كلهم , و لازم يفرقوا بين ( الإسلام ) و بين ( المسلم ) الإسلام ليه تعاليم و شرائع بتهدي لكل ما هو حسن , لكن المشكلة إن المسلم مش بيعمل بيها كلها و بيخالفها في أحيان كتير فالمسلم الفاسد ليس حجة على الإسلام بس أهو نص العمى و لا العمى كله يعني لما يبقى مسلم فاسد أحسن من إنه يكون كافر خالص و هنا .......................... تدخل حمامة اللي كان قاعد ساكت  طول الفيلم , ربنا كرمه أخيرا و نطق و قال :صح القول يا معلمين الكلام اللي انتوا رديتوا بيه على الأمريكان هو عين شمـ...  قصدي عين العقل بس الكلام ده هو نفسه اللي ممكن تردوا بيه على نفسكم في موضوع الدقون و المنقبات مش كلهم حرامية و نصابين و لا كل المنقبات لابسين ضيق و ترتر دول ممكن يكونوا موجودين  , لكن مش بيمثلوا المتدينين و لا الملتزمين فلازم تفصلوا بين ( الالتزام ) و بين ( الملتزمين ) و لو هتقولوا إن دول بيشوهوا صورة الملتزمين فالأحسن يحلقوا دقنهم و يقلعوا النقاب هقول له برضه نص العمى و لا العمى كله زي ما المسلم المنحرف اللي بيشوه صورة الإسلام أحسن من الكافر برضه المسلم اللي بيلتزم ببعض العبادات الظاهرة زي اللحية و النقاب لكن بيعمل حاجات تانية وحشة ده بيبقى أحسن من اللي بيعمل حاجات وحشة , و (في نفس ذات الوقت) بيضيع العبادات الظاهرة برضو . و هنا ......................... البوليس عمل كبسه على القهوة و لقى الشيشة  فيها حشيشة فقفل القهوة و أخذ الجميع على البوكس !! مش هوصيكم ... عيش و حلاوة ـــــــــــــــــــــــــــــــــ اكيد المراد وصل ان شاء الله منقول
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#2
27-03-2011, 11:26 AM
|
||||
|
||||
|
بجد يعني توبيك جنان ..اان شاء الله ياخد احسن مركز المره الجايه..بس دا صحيح منقول
خلاص هما يدولك جايزه  انا قلبي بيتحرق لما يقولوا بص يا عم المسلمين .. وللاسف اي تخبيط بيجي ع الاسلام ع طول .. للاسف مش بيرجع لاشخاص اخوان وجماعه ودقون ..لما يعملوا حاجه غلط بتخبط ع طول ف الاسلام..(ودا واقع ) للاسف ببقا عايزه ااااااااااااااااااصرخ واقول يا جماعه الاسلام مظلوم والله نشوف الاسلام الصح ف اخلاق الرسول صلي الله عليه وسلم .. الله ع الاخلاق ..وع المواقف بتاعت النبي .. واي واحده بنقاب تغلط .. بص يا عم بتوع النقاب اهم للاسف العيب مش ف النقاب العيب ف اللي لابسه النقاب.. بجد يعني انا بتقطع لما بيرموا كل حاجه ع الاسلام .. وللاسف قليل جدا اللي فاهم الاسلام صح ... ...................... من قهوه طريها الناس لبعضيها ههههههههههههههههههههههههههه اهم حاجه انها للدخان النضيف
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#3
27-03-2011, 11:39 AM
|
||||
|
||||
|
اقتباس:
اقتباس:
.. بجد المــوضوع جميــــــل أوي و طريقـــة عرضه روعة و الله .. للأســـف بجد فى ناس دايمـــا تآخد أى حاجـــة بيعملهــا المسلــم على أنهـــا من الاســلام لو واحـــد فاسد ولا حــرامي ولا مرتـــشي و لا .. الخ يقـــولك " بص يا عم دينهـــم بيعلمهــم ايه " مع ان الاسلام برئ تمـــــــــــــــامــــــــــا من الحاجـــات دي ..بس بقــى تقول للناس دي ايه .. مهما هتشــرحلهم ان تصــرفاته دي ملهاش علاقة بالاســلام . هيــقلولك " طيب مــاهو مســـلم ؟ و أكيــد بينفذ تعاليم الاســلام " مع ان زي ما قالت سمــر اللى عايز يعــرف تعاليم الاسلام و أخلاق الاســلام بجد هيشــوفها فى رسول الله صلى الله عليه و سلم و فى النهايــة اللهم أنصــر الاسلام و المســلمين فى كل زمان و مكان . اللهم آمين ..
__________________
C L O S E D
|
؟؟
؟؟|
#4
27-03-2011, 11:49 AM
|
||||
|
||||
|
والله موضوع جميل جدااااااا
ولسه امبااارح فى الجااامعة حااصل حاااجة زى دى ماااشى انا واتنين صحااابى فى الجااامعة وفجااة لقينااا وحدة متنقبة وقاااعدة مع عيل تيت زى اللى فى الموضوع ومندمجين على الاخررررر واحد فيهم قال شااايف المنقبين اهم ربنااااااا يهدى الجميع وكل شخص يعرف مسئوليته شكرررا على الموضوع الررررائع
__________________
 |
|
#5
27-03-2011, 01:17 PM
|
||||
|
||||
|
بارك الله فيك أخى الفاضل
__________________
معلم اللغة العربية بمدارس المنصورة كولدج الدولية  |
|
#6
27-03-2011, 03:53 PM
|
||||
|
||||
|
مهو للاسف الدنيا قليل اوى لما تلاقى واحد بسيط فى دينه .. و سبحان الله ده احتمالية دخلوه الجنة اكتر .. يعنى بيغلط اه .. بس بيحس بالذنب .. و يستغفر .. بيصلى .. و يلبس اللى على الموضة .. انا قصدى الولاد .. اما البنات .. ممكن تلبس اللى على الموضة بردو بس يكون طويل و مش ضيق .. و تضحك عادى .. اصل برا فى البلاد التانية .. فاكرين المسلمين مش بيضحكوا ...انا شايف الاسلام ابسط من كده بكتير ..
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !!  |
|
#7
27-03-2011, 04:56 PM
|
||||
|
||||
|
اقتباس:
وياريت الى بيعمل خطا يعرف الكلام دة كويس لو كل واحد عرف المسؤلية الى علية وعرف ان الناس بتبص لة بالمنطق دة انا متاكد انة هياخد بالة من كل افعالة لكن للاسف اهو بيتكلم وبيعمل العمل الخطا وخلاص ومشكلتنا احنا بردة التعميم مفيش حاجة فى العالم كاملة اكيد فى كل مكان وفى كل مؤسسة فى الحلو وفى الوحش بس للاسف بنطبق المثل الى بيقول( ولاد الحرام مخلوش لولاد الحلال حاجة )والحسنة بتخص والسيئة بتعم  بارك الله فيكم
وشكرا لردكم الكريم
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#8
27-03-2011, 06:15 PM
|
|||
|
|||
|
جزاك الله خيرا موضوع جميل
|
|
#9
27-03-2011, 07:21 PM
|
|||
|
|||
|
جزاك الله خيرا على النقل
واتمنى ان تدعوا لصاحب الموضوع الاصلى بأن يغفر له وان يرزقه الفردوس الاعلى وهذا هو رابط المدونة للمزيد من هذه الموضوعات http://tazbee6.blogspot.com/
__________________
قالوا كذبا : دعوة رجعية -- معزولة عن قرنها العشرين
الناس تنظر للأمام ، فما لهم -- يدعوننا لنعود قبل قرون؟ رجعية أنّا نغارُ لديننا -- و نقوم بالمفروض و المسنون! رجعية أن الرسول زعيمنا -- لسنا الذيول لـ "مارْكسٍ" و " لِنين" ! رجعية أن يَحْكُمَ الإسلامُ في -- شعبٍ يرى الإسلامَ أعظم دين ! أوَليس شرعُ الله ، شرعُ محمدٍ ------ أولى بنا من شرْعِ نابليون؟! يا رب إن تكُ هذه رجعيةً ------ فاحشُرْنِ رجعياً بيومِ الدين ! |
|
#10
28-03-2011, 11:47 AM
|
||||
|
||||
|
الإسلام ليس متهماً...!
بـــــــوركت 
__________________
|
|
#11
28-03-2011, 02:57 PM
|
||||
|
||||
|
اقتباس:
ههههههههـ كفاية هوا ملتزم أوي وفضل يبحلق لحد ما جاب الكحل والله انا ما بعرف حاطين كحل ولا طرحه ولا غيره .. وكمان اسمهم (منتقبات)... والبنات دول والله أخلاق أوي .. وكلامهم نفسه جميل جدا يعني شفتوا أم عمار؟... ماشاء الله بجد ربنا يثبتها ... واما بتكلم معاها بحس بعسل كده ف كلامها  والتوبيك هايل بجد.. لو كنت لسه مصوتش كنت عملته والله قبل التانيين  يلا حصل خير تقبل مروري
__________________
اللهم بلغنا رمضان اللي يفتكرني يدعيلي |
|
#12
28-03-2011, 05:30 PM
|
|||
|
|||
|
جزاك الله خيراااااااااااا
|
|
#13
29-03-2011, 01:05 PM
|
||||
|
||||
|
اقتباس:
هيشوفها فى تعاليم المصطفى صلى الله علية وسلم
وفى السائرين على نهجة ومنهاجة هيشوفها فى تعاليم الاسلام ومعرفة الاسلام جيدا واهدافة وفى المسلمين اسلام حقيقى لانة ليس من المعقول ان المسلم المؤمن ايمان قوى وحقيقى يرتكب اشياء تخالف الله ورسولة طبعا لا يوجد انسان معصوم (كل ابن ادم خطاء ......) الا الانبياء وعصمتهم طبعا واجبة بارك الله فيك اخى محمد نورت الموضوع
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#14
29-03-2011, 01:08 PM
|
||||
|
||||
|
اقتباس:
لو عرفت قيمة الى لابسة مكنتشى لبستة او مكنتشى عملت الى بتعملة
لكن للاسف فى ناس بتلبسة ظاهريا فقط حتى يقال عنها بانها منقبة ومحترمة ..... الخ ربنا يهدى الجميع يارب جزاكم الله خيرا ونورت الموضوع
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
|
#15
29-03-2011, 01:10 PM
|
||||
|
||||
|
اقتباس:
وفيكم بارك الرحمن اخى عبدالله
نورت الموضوع
__________________
قلب لايحتوي حُبَّ الجهاد ، قلبٌ فارغ .! فبالجهاد كنا أعزة .. حتى ولو كنا لانحمل سيوفا .. |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:51 PM.
