|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-03-2011, 02:31 PM
|
||||
|
||||
الحقونى هتجنن !!!!!!!!!!!!
بجد هتجنن دخلت منتدى صدفه و لقيت موضوع عن اخر صيحه فى لغة الشباب
 فقولت اقراه و يارتنى ما قراته  شوفت العجب تعالوا شوفوا معايا  (أ) (1) أستمورننج لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى " (2) الأبلتين لدع في دهاليز الحياة عبارة تدل علي الخواء أو الفوضى في الحياة ، وغالباً ما تأتى بقصد الفلس (3) أعمل دماغ عبارة مشهورة لدى المدخنين ويقصد بها ضبط الحاله المزاجية عند المدخن (4) أديها جاز عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر (5) أختفى شوية أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك (6) أيه النظام عبارة بمعنى أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال -7- أليط لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة (8) another stone وتعنى بالروشنة " حجر أخر لشاربى الشيشة على المقاهى " (9) أتشبح مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح (10) إتم والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب (11) أزبهل لفظ يدل علي الزهول الشديد ويقال " انت مزبهل كده ليه " أى مندهش لدرجة العبط (12) إحلق وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق (14) أعلمه وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه " (15) أنش لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل (16) أملئ التنك عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام (17) أمبلايز مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة (18) أشاعاتى الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء (19) أبجنى تجدنى عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً ما يقولها الموظفين المرتشين او الشاب الذى لا يهمه إلا مصلحته دون الأخرين (20) أنجز بالونجز كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه (21) أستك مصطلح يعرفه التجار ويعنى الألف جنية (22) أرنب مصطلح شعبى بمعنى مليون جنية .... ويقسمه التجار ورجال الاعمال مثل " نصف أرنب " أى نصف مليون جنية والربع أرنب يعنى الربع مليون جنية اما الورك ارنب فهو المائة الف جنية (23) أخلع دلوقتى عبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع دلوقتى ورايا شغل " أى امشى الان ونتكلم مره اخرى فلدى ما اهتم به غيرك (24) أتزرع هنا بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى " أى لا تترك مكانك أو موقعك حتى أعود إليك مهما كانت الأسباب (25) أعلن فرارى عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحديث (26) أتارى مصطلح يطلق علي السيارات الخفيفة ، لانها تشبه السيارات في العاب الفيديو جيم او الاتارى ، مثل " سياره الشرطه " ويقولوها المدمنين " اجرى يالا عربية الاتارى جاية " (27) أيه الحياة ؟ سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى (28) أخلع فرد عباره مأخوذه من لسان شاب جزمجى ، وتفيد معنى ان من نتكلم عنه قادم (29) أحنا اللى بهيظنا الفهايص عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى " (30) أبو الغضب اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره (32) أنتر مصطلح مشتق من الكلمه الانجليزية Enter وهو زر إدخال البيانات في الكمبيوتر ولكنه يأتى بمعنى " لا يعيش له سر او فاضح لاسرار الاخرين " او لديه استعداد للاستدراج في الحديث (33) أيه البواخه ديه عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو (34) أدعك الفانوس عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد (35) أنزل من ع المسرح يا نجم عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع (36) إنسانى وخد عنوانى عبارة تفيد عدم المشاركة في اى احداث قادمة او معاصره لموقف معين ، مثل " تحب تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد انصرافى وسوف تجدونى وقت الحاجه مره اخرى (37) أنف الشخص المتكبر المغرور الذى لا يتعامل ببساطه مع الاخرين ، بل ينظر اليهمنظره دونية (38) أهرش لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية (39) أنزل من علي ودنى عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى (41) أنتخ لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف (42) أشتغله اى اكله البلوظه او اكذب عليه او اخدعه او استهبل عليه وتقال " انت بتشتغلنى " (43) أينح لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف (46) أيحه لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم (47) أشايك مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر (48) أرحلك إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات (49) أنت هركليز عبارة استخفاف تقال للشاب الذى يرى نفسه بطل او المتظاهر بالقوه (50) أرقدلك تهديد صريح بالشر ، والترقيد هى النية المبيتة بالشر او الإيذاء (51) اقعدلى في حته ناشفه جملة سخرية توجه للشاب الاهبل او الذى يخطئ في الكلام كالأطفال حين يتبولون علي انفسهم علي اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى ) (52) أحط عليك عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً (54) أفتكس كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه (55) إستوك .. بيتوك مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل (56) أستكانيس لفظ يدل علي الراحه والرفاهية والمتعة وتقال انا مستكنيس كدة اى انا مرتاح جدا بهذه الطريقة يالهوووووووووووووووووى بزمتكم دى لغه ؟ ده كلاااااااااااااااااااااااااااااااااااااااااااااااا ام ؟ فين عقولنااااااااااااااااااااااااااااااااااااااااااااا ؟ فين دينااااااااااااااااااااااااااااااااااااااااااااااا اا ؟ و النبى حد يلحقنى قبل ما تجنن احنا ليه بقينا كده ؟ ايه الى حصلنا ؟ ايه الى غيرنا الى قبلنا عمرهم ما كانوا كده ياترى العيب فى مين ؟ فينا و لا فى الزمن و لا فى مين بالظبط ؟
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك  |
|
#2
28-03-2011, 02:38 PM
|
||||
|
||||
ههههههههههههههههه.. بصراحة في كلام ضحكنى كتير ...
مش عارف والله هقول ايه .. ده انجليزي ده يا مرسي ؟ لا انا عارفه عربي و لا انجليزي ولا تركي .. بجد مش عارف اقول ايه .. ربنا يهدينا جميعااااااااااااااااا... شكرا ع التوبيك ^^
__________________
C L O S E D
|
|
#3
28-03-2011, 02:42 PM
|
||||
|
||||
|
اقتباس:
أولا العبارات ملهاش دعوة بالدين خالص(يعني مش لازم نتكلم بالفصحي زي الرسول) ثانيا ان احنا لازم نسمع كلام الرسول ولا نحلف بغير الله .. ولا يجوز انك تقولي والنبي! قولي (لا اله الا الله) ثالثا رأي ف التوبيك بجد التوبيك جميل أوي ... ومضحك فعلا... وكلمات كتير غريبة وأول مره نسمعها. بس في حاجات كنت عارفها زي أرنب و اتم وحاجات كده بس في بعضها غير لائقة والشباب بيستخدموها بين بعضهم للاسف تقبلي مروري يا جميل 
__________________
اللهم بلغنا رمضان اللي يفتكرني يدعيلي |
|
#4
28-03-2011, 02:44 PM
|
||||
|
||||
|
اقتباس:
شكرا بجد يا محمد بجد دمك خفيف اوى و نورت التوبيك بس بجد خلاص شبابنا اتجننوا ربنا يهديهم يا رب .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك |
|
#5
28-03-2011, 02:48 PM
|
||||
|
||||
|
اقتباس:
نورتى طبعا يا حبيبة قلبى هتوحشينى و الله مش عارفه هبعد عنكوا ازاى .
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك |
|
#6
28-03-2011, 02:54 PM
|
||||
|
||||
|
ههههههههههههههه
خطير والله ومعظمه بشوفه يومياً يالا أخلع دلوقتى ههههههههههههههههههه
__________________
COME BACk  |
|
#7
28-03-2011, 03:02 PM
|
||||
|
||||
|
اقتباس:
دى لغه فظيه يا خوفى لما من الى هيحصل لما ادخل الكليه
__________________
عندما تحب شخصا بلا سبب كن متيقنا بان : و لا الف سبب قادر على نزعه من قلبك |
|
#8
28-03-2011, 03:12 PM
|
||||
|
||||
|
مش بستلطف الحاجات دي خالص ..
فيه كلمات برده بشياكه بس مش بالطريقه دي خالص 
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#10
28-03-2011, 05:21 PM
|
|||
|
|||
|
انا اقول الصراحة انا بحب اللغة دى اوى
بحس انها بتاع الشباب هما اللى عملوها ومحدش يفهمها غيرهم بس فيه حاجات كتير مكنتش عارفاها توبيك جميل تسلمى
__________________
لا اله الا انت سبحانك انى كنت من الظامين
|
|
#11
28-03-2011, 05:57 PM
|
||||
|
||||
|
فيها كلام موتني م الضحك
وعموما احنا ف الكليات بنخترع أكتر من كدا كمان وبكره تدخلو الكليه وتشوفو بعينكو
__________________
الحمد لله
|
|
#12
29-03-2011, 12:04 AM
|
|||
|
|||
|
فى كلام منهم منتشر بين الناس وفى كلام اول مره اسمعوا فى حياتى
__________________
فى البدايه 00سيتجاهلونك ثم يحاربونك ثم يحاولون قتلك ثم يتفاوضون معك ثم يتراحعون وفى النهايه ستنتصر كن ... سيد ارادتك ...وعبدا لضميرك |
|
#13
29-03-2011, 12:51 AM
|
||||
|
||||
|
أحلى حاجة عجبتنى "أنتر" عشان مهما تقولها لحد هيفهمها بمعنى " عنتر "
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#14
29-03-2011, 01:12 AM
|
||||
|
||||
|
أنا اسمع هذه الكلمات كثيرا في المسلسلات والافلام وافهمها من صياغ الجملة
وانا استغربت جدا لما اعضاء بيقولو احنا نستعملها في الكلية اللغة العربية لغة القران يجب علينا الحفاظ عليها وعدم ادخال كلمات تصبح بمرور الزمن ضمن الكلمات العربية شكرا على الموضوع |
|
#15
29-03-2011, 01:34 AM
|
||||
|
||||
|
ههههههههههههههههههههههه
جميلة قوى فعلا فيها كلام اول مرة اشوفة بس بردة فى حاجات كنت بسمعها كتير انعيب الزمان والعيب فين ؟؟؟؟؟؟؟؟؟؟؟؟؟؟؟ والف سلامة عليى من الجنان اللى يعيش ياما يشوف 
__________________
خبر هام وعاجل (الغاء امتحانات الثانوية العامة ) http://www.thanwya.com/vb/showthread.php?p=3299419#post3299419 .jpg)
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:40 PM.
