|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
31-03-2011, 03:33 PM
|
||||
|
||||
أنا حر .. وإنت حر .. وهو حر .. لكن هي دي الحرية ؟ zoom عـ الحرية
 امممم يا سلام على الحرية وجمال الحرية قد ايه احساس جميل ورائع انك تحس انك حر وصاحب قرارك مش خايف ولا حاسس ان حد واقفلك على الكلمة والحركة عشان يحاسبك عليها كإنك كنت في سجن وخرجت وبقيت حر من زمان نفسنا في الحرية واخيراً اتفتحت الدنيا كلها لينا بدون اي قيود تعالوا النهاردة نعمل زووم على مفهوم الحرية ونشوف هل احنا فعلاً شايفين الحرية صح ؟  كلمة أنا حر دايماً بنسمعها لما واحد يلوم واحد على حاجة عملها ويقوله مثلاً ميصحش تعمل كده فيرد عليه ويقوله .. أنا حر أنا حر كلمة جميلة لكن هل تتقال في اي وقت وفي اي فعل .. يعني هل أي حاجه أعملها في حياتي واي شيء نفسي فيه واي حاجه أحس اني محتاجها اعملها واقول انا حر ؟ الوضع الي احنا فيه هو اختبار رهيب للحرية هل هنكون قد المسئولية دي في اننا نستخدم الحرية صح ؟ ولا هنستخدمها غلط ونثبت للعالم كله ان القيود وعدم الحرية لينا أفضل ؟ ! الحرية دي أوبشن رهيب جميل جداً جداً لكن استخدامه غلط يعرضك انت للخطر ويعرض غيرك للخطر تعالوا نقسم الحرية لنوعين 1- نوع خاص بيك لوحدك زي مثلاً دخلت مطعم شيك وطلبت أكلة محصلتش ينفع واحد يقولك لوسمحت مش عايزك تاكل الأكلة دي ! هتقوله وقتها انا حر ! 2- تاني نوع للحرية وهو انك تعمل حاجة ممكن تأذي غيرك بس الحاجه دي انت نفسك تعملها زي انك مثلاً تكون موجود في مكان مغلق وعايز تشرب سجاير ,, لما حد يقولك لوسمحت اطفيها او اشربها في مكان مفتوح عشان انا بتضرر من السجاير .. هل ساعتها تقوله .. انت مالك انا حر ! ؟ أو اخرج انت من المكان المغلق ! ساعتها نقول لأ انت هنا مش حر لأن بحريتك دي تعديت على حرية غيرك واحتياجه للهواء النقي فتعالوا نحط قاعدة جميلة أوي ان حريتك لها حدود ومفيش حرية مطلقة ملهاش قيود .. فالقاعدة الي هنتفق عليها " ان حريتك حدودها هي عندما تتعدى على وحرية الغير " يعني واحد ماشي في الشارع وشاف واحد تاني لابس تيشرت شيك أوي وعجبه جداً فراح مسك في صاحبه وعايز يقلعه التيشرت ياعم مالك اصل التيشرت ده عاجبني وعايزه .. ياعم ده بتاعي طيب اعمل ايه انا حر يعني اشوف حاجه تعجبني ومخدهاش ! ساعتها بالمبدأ ده مين هيكسب .. ؟ .. الأقوى فيهم هو الي هيكسب وساعتها هتتحول الحياة لغابة والقوي فيها يكسب والضعيف يرضى غصب عنه وكل ده عشان فهمنا الحرية غلط ! عشان كده تعالوا نتفق على قاعدة تانية " ان التعدي على حرية وحدود الغير مش لازم بس يكون تعدي جسدي او مالي ممكن كمان يكون تعدي معنوي سواء بالسب أو التلفظ بألفاظ خارجة أو أي شيء لا أخلاقي تعمله " يعني ينفع واحد يمشي في الشارع من غير هدوم ونقوله عيب يقولك دي حرية شخصية ؟ نقوله لأ مش حرية يقولك ياعم انت زعلان ليه متبصش عليا هل دي ساعتها اسمها حرية ؟ أكيد لأ يبقى متفقين على قاعدتين * ان الحرية حدودها انك لا تتعدى على حدود الغير * ان التعدي ده مش شرط يكون جسدي أو صحي أو مالي فقط قد يكون تعدي معنوي وخُلقي . طيب يبقى لازم كل الناس تفهم الحرية صح . عشان نستفاد من الحرية بجد ومتتقلبش ضدنا ففي حاجات بتكون زي الشمس معروف انها مينفعش تتعمل عشان متأذيش غيرك ولو جيبنا كل الناس نشهدها ما بين اتنين مختلفين هيقولوا لواحد زي الي بيشرب سجاير أو الي عايز ياخد التيشرت مفيش حد يختلف انه غلطان وان دي مش حرية لكن في حاجات تانية ومواقف تانية لو حبيت حد تشهده ينفع فلان يعمل مع فلان كده ناس تقولك هو حر وناس تانية تقولك لأ عيب ميصحش يعمل كده .. وده هيرجع لاختلاف تربية الناس والعادات والتقاليد المختلفة من بلد لبلد ومن سن لسن ومن ثقافة لثقافة .. يعني مثلاً سافرت دولة عربية زي لبنان أو المغرب مثلاً انت ممكن تمشي هناك تلاقي بنت مثلاً لابسه لبس مينفعش يتلبس ( انت بالنسبه لك وثقافتك ) وفي بلدك لو لبست كده ممكن يحصلها مشاكل كتير جداً جداً مين يحل المشكلة دي ؟ انت شاب راكب مترو ولقيت ولد وبنت جنبك عايشين حياتهم .. هم شايفين ده عادي وناس تانية ممكن تشوف ده عادي لكن انت بثقافتك واخلاقك شايف ان ده مش عادي وان ده بيأذيك معنوياً .. ساعتها كلام مين فيهم الي يمشي ! ؟ ساعتها كلام الاقوى هو الي هيمشي ورجعنا تاني لمفهوم الغابة !! يبقى لو سيبنا كل واحد يضع سقف أخلاقه لنفسه هتحصل مشاكل كتير جداً بسبب تصادم الثقافات .. ممكن حد يقولي ان الي يحكم الموضوع ده العرف أو التقاليد لكل مكان وزمان هقوله مينفعش ! التقاليد متفاوته كنا نسمع كلمة اصلها بنت من الريف أو ان فلانة بنت من البندر : ) ويقصدوا بالتصنيف ده سواء طريقة اللبس والحرية وطريقة الحياة ككل.. فالتقاليد دي بقت للاسف مش معيار او مقياس لانها بتتغير وبتطور بصورة رهيبة ولها أسباب كتير منها نظرتنا واعجابنا بالغرب ومنها ثورة الفضائيات وانتقال الثقافة بصورة رهيبة ودلوقتي لو شوفت حد من قرية ممكن متعرفش تفرقه عن واحد من المدينة .. يبقى فكرة التقاليد ده شيء متغير وبيتأثر بالزمن فمينفعش نقيس عليها او نخليها حكم على حريات الناس فأكبر مشكلة ممكن تقابل الانسان انه يحصل تصادم بين سقف أخلاقياته وسقف أخلاقيات حد تاني .. المشكلة في التصادم انك متلاقيش الي يفصل ما بينهم .. عشان كده ربنا سبحانه وتعالى دينه مش بس علاقة بينك وبينه بس .. لكن ده ربنا سبحانه وتعالى بينظم تعاملات الناس مع بعضها عشان متكنش غابة .. كلنا عارفين يعني ايه دستور دلوقتي .. يعني وثيقة بتحكم العلاقة الي ما بين الناس وبين الحكومة دين ربنا وسنة النبي صلى الله عليه وسلم واوامره لينا .. وثيقة دستورية مابين البشر وبعضهم .. فكل شيء في الاخلاقيات وفي الصحة والتعدى هتلاقي ربنا سبحانه وتعالى له فيها شرع يحكمنا .. بحيث لأ انت تمشي على سقف اخلاقياتي ولا إنت تجبرني على اني امشي على اخلاقياتك فدين ربنا هو الي مش هيخلي واحد يجبرك على شيء فيه تشدد ولا هيخلي حد يجبرك انك تعمل شيء شايف انه حرام .. زي ما حصل في تونس وكانوا بيجبروا النساء انها تمشي من غير حجاب وممنوع تدخل الكلية او اي مكان بالحجاب .. فده واحد أجبر النساء على سقف اخلاقيته .. فخطورة فصل الدين عن المعاملات هتحطنا في غابة انك كواحد بتحكمني ليه تجبرني اني امشي على اخلاقياتك انت وثقافتك إنت ! ؟ عظمة ( الإسلام ) في النقطة دي حاجتين .. 1- الاسلام كمنهج لم يشرعه الله على سبيل التجربة ولكنها قائمة على علم الله عز وجل بخلقه .. فالصانع جل وعلا هو من خلق البشر ويعلم غرائزهم وإحتياجاتهم .. ويعلم متى ينام ومتى يستيقظ وَهُوَ الَّذِي يَتَوَفَّاكُم بِاللَّيْلِ وَيَعْلَمُ مَا جَرَحْتُم بِالنَّهَارِ ثُمَّ يَبْعَثُكُمْ فِيهِ لِيُقْضَى أَجَلٌ مُّسَمًّى ثُمَّ إِلَيْهِ مَرْجِعُكُمْ ثُمَّ يُنَبِّئُكُم بِمَا كُنتُمْ تَعْمَلُونَ [الأنعام : 60] يعلم متى يشتهي ومتى يشبع ومتى يموت وما يمرضه وما يشفيه وَهُوَ اللّهُ فِي السَّمَاوَاتِ وَفِي الأَرْضِ يَعْلَمُ سِرَّكُمْ وَجَهرَكُمْ وَيَعْلَمُ مَا تَكْسِبُونَ [الأنعام : 3] يعلم متى تزداد شهوته ومتى تقل يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ [غافر : 19] يعلم ما يبكيه وما يفرحه .. يعلم سبحانه وتعالى كل هذا وأكثر بل ليس علم فقد ولكنه قدره عليه وكتبه عليه من الالاف السنين .. وَعِندَهُ مَفَاتِحُ الْغَيْبِ لاَ يَعْلَمُهَا إِلاَّ هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِن وَرَقَةٍ إِلاَّ يَعْلَمُهَا وَلاَ حَبَّةٍ فِي ظُلُمَاتِ الأَرْضِ وَلاَ رَطْبٍ وَلاَ يَابِسٍ إِلاَّ فِي كِتَابٍ مُّبِينٍ [الأنعام : 59] فشرع الله هذا لم يُشرع على سبيل التجربة ولكن عن علم وليس أي علم إنه علم الله العليم . فلو ان صانع سيارة وضع لها في الكاتلوج انها لا تسير أسرع من 220 كيلو متر في الساعة .. لعلم هذا الصانع ان سيارته التي هي من صنعه لا تستطيع ولن تستطيع ( بناء على علمه ) ان تسير أسرع من هذا ويعلم انه اذا تعدى سائقها هذه السرعة ففيه خطر على حياته وعلى السيارة نفسها .. فلو جبنا واحد وقال انا همشي أكتر من 220 كيلو وانا حر .. ساعتها نقوله لأ انت مش حر انت غير مسئول .. لان من هو اعلم بالسيارة منك قال قوله عن علم ( بشري ) . ووقتها مينفعش حد يشك فيه عشان كده شرع ربنا سبحانه وتعالى ( الذي هو عن علم ) لازم يكون مقياس احتكم ليه انا وانت وقت اختلافنا فإذا أختلفت انا وانت البنت دي لبسها يصح كده ولا ميصحش انا هشوفه عادي ومؤدب وانت شايفه لأ ده وحش ومثير ... إلخ انا وانت مختلفين .. لكن مين يحكم ما بينا في ده ! يبقى نشوف ربنا سبحانه وتعالى يرضى عن هذا اللبس وهذا اللبس هو ما أمر به ولا لاء ؟ لو ربنا يرضى عن هذا اللبس فهو لبس مناسب ومحترم حتى وإن كان لا يعجبني سواء لاني شايفه لا يكفي او انه زائد عن الحد ( حدي انا البشري ) . في النهاية لازم نعرف .. ان ربنا سبحانه وتعالى الحكيم وضع لنا قوانين كل البشر يمشوا عليها مش معنى أن الأغلب لا يحترم هذه القوانين ان هذه القوانين متنفعش ! قوانين وضعها لنا ليتعامل عليها البشر فيما بينهم سواء على المستوى الشخصي أو الفردي او مستوى المجموعات او حتى البلاد .. وتذكر دائماً إذا لم نطبق الحرية بمعناها الصحيح سنحيا في غابة لا يسيطر عليها ولا ينتصر إلا الأقوى ..  |
|
#3
31-03-2011, 09:16 PM
|
|||
|
|||
|
إنت حر مالم تضر
جزاك الله خيرا
__________________
الحمد لله |
|
#4
01-04-2011, 11:43 AM
|
||||
|
||||
|
انت حر ما لم تضر ......نعم انت حر ولكن للحريه حدود
للحريه سقف محدد ومقيد أما بدين أوعرف او قيم |
|
#6
05-04-2011, 05:15 PM
|
|||
|
|||
|
اللهم لك الحمد والشكر على الحرية
|
|
#7
06-04-2011, 06:01 AM
|
||||
|
||||
|
جزانا الله واياكم
وزى ما الأخت اسيل قالت حقا الحريه فى كما العبوديه
__________________
 |
|
#8
08-04-2011, 12:13 AM
|
|||
|
|||
|
اقتباس:
- الاسلام كمنهج لم يشرعه الله على سبيل التجربة ولكنها قائمة على علم الله عز وجل بخلقه .. فالصانع جل وعلا هو من خلق البشر ويعلم غرائزهم وإحتياجاتهم .. ويعلم متى ينام ومتى يستيقظ |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:51 PM.
