تأجيل امتحان الكادر لمعلمى الجيزة وأكتوبر وانتظامه بباقى الجمهورية

[علي جاد الكريم]

الجمعة، 1 أبريل 2011 - 15:49
وزير التربية والتعليم د.أحمد جمال الدين موسى
كتب حاتم سالم

قررت وزارة التربية والتعليم، تأجيل امتحان الكادر للمعلمين المساعدين بمحافظتى الجيزة و6 أكتوبر إلى موعدٍ لاحق، بسبب تظاهر المئات منهم اليوم، الجمعة، داخل لجان امتحانهم بمعهد الدراسات التربوية بجامعة القاهرة، فيما انتظمت باقى اللجان على مستوى الجمهورية دون عوائق، بحسب مصدر داخل الوزارة.

وأوضح المصدر أن القرار صدر بعدما تأكد مسئولو "التعليم"، وفقاً لمعلومات من داخل الجامعة، من استحالة استكمال الامتحان اليوم بسبب تظاهر المعلمين وانقسامهم إلى فريقين، الأول يرفض خوض الامتحان، والثانى يريد دخول اللجان دون جدوى، نظراً لحالة الفوضى التى سيطرت داخل مجمع الامتحانات.

وعلم "اليوم السابع" أن النية تتجه داخل الوزارة لإعادة عقد الامتحان، ولكن مع نقل مقر اللجنة من جامعة القاهرة، إلى أماكن أخرى فى الجيزة وأكتوبر، مع تقسيم الممتحنين إلى أكثر من مجموعة.

وكان امتحان المعلم المساعد قد بدأ فى تمام العاشرة من صباح اليوم، الجمعة، إلا أنه توقف بعد مرور 20 دقيقة، فقط نتيجة تظاهر المئات من المعلمين ودخولهم إلى اللجان، ومنع زملائهم من استكمال الفترة الأولى.

[mr.yassour]

رجالة والله رجاله
شباب 100 100
لكن للاسف لن تلغى مهزلة امتحانات الكادر
والسبب بسيط
وهو ان صاحب اقتراح امتحانات الكادر من البداية هو الوزير احمد جمال الدين
وبذلك فلن يقوم ابدا بإلغاء هذه المهزلة
والذل للسادة المدرسين

[aleman]

ربنا يكرم الجميع
عمرى ما شفت حد مرعوب زى المعلم من امتحان الكادر!!!!!!!!!!!!!!
على كده احنا ابطال بقى
عشان اول دفعة جربت الكادر كانت احنا
ومحصلش اللى بيحصل الان ده
مع ان المعلمين اللى امتحنوا اليوم او اعتصموا واتأجل امتحانهم المفروض يكونوا أقل قلقا منا نحن لانهم المفروض بيجهزوا لهذا الامتحان ومعهم مذكرات مراجعة من يوم ما امتحنا نحن
ربنا يكرمنا اجمعين

[alneseem]

المشاركة الأصلية كتبت بواسطة aleman

ربنا يكرم الجميع
عمرى ما شفت حد مرعوب زى المعلم من امتحان الكادر!!!!!!!!!!!!!!
على كده احنا ابطال بقى
عشان اول دفعة جربت الكادر كانت احنا
ومحصلش اللى بيحصل الان ده
مع ان المعلمين اللى امتحنوا اليوم او اعتصموا واتأجل امتحانهم المفروض يكونوا أقل قلقا منا نحن لانهم المفروض بيجهزوا لهذا الامتحان ومعهم مذكرات مراجعة من يوم ما امتحنا نحن
ربنا يكرمنا اجمعين

الدفعة الاولى لامتحانات الكادر كانوا معلمين بمعنى الكلمة لا يهمهم امتحانات ولا ترعبهم لجان اما المحتجين حاليا دول خيبانين ومستواهم العلمى ضعيف وكم من باحثين واساتذة فى الجامعات وبتمتحن ولا فيها اهانة ولا فيها تقليل من قيمة المعلم ولا شيئا من هذه الشعارات التى يرددوها الخيبانين و الموضوع عادى خالص وتحياتى للذين ادوا الامتحان وبالتوفيق انشاء الله

[drfayoum2010]

بصراحة مش عارف ليه بعض المعلمين زعلانين من امتحانات الكادر وبيقولوا انها إهانة للمعلم
طيب هقول لحضراتكم على مثال بسيط لما يحدث مع أستاذ الجامعة بدءا من تعيينه معيد
أولا لازم يحضر رسالة ماجستير يطلع عينه فيها ويتحكم فيه المشرف طوال فترة الدراسة التي قد تترواح من سنتين الى خمس سنوات ثم تأتي المناقشة التي بمثابة اكبر امتحان وكم الانتقادات التي توجه للباحث أثناء المناقشة كل ذلك من اجل الحصول على الماجستير ولكي يرقى إلى الدرجة الأعلى وهي مدرس مساعد يطلب منه الحصول على دورات في تنمية قدرات أعضاء هيئة التدريس وعددها اربع دورات وكمان لازم ياخد دورة في اللغة الانجليزية " التويفل "
وبعد كده يدخل على مرحلة الدكتوراه وهي نفس المعاناة السابقة وايضا عند التعيين في الدرجة الأعلى وهي درجة " مدرس " يطلب منه الحصول على اربع دورات في تنمية القدرات إضافة إلى دورة إعداد المعلم الجامعي ودورة في الحاسب الآلي
كده كويس .... كمل معايا بعد إذن حضرتك
المفروض انك لحد كده حصلت على درجة الدكتوراه واصبحت راجل دكتور متخصص في شئ معين وتعرف تقريبا كل شئ عنه
طيب تيجي تترقى للدرجة الأعلى : مطلوب منك خمس أبحاث علمية تكون منشورة في مجلات علمية محكمة ويتم تقييم هذه الأبحاث من لجنة الترقيات وطبعا مش بتنجح فيها من أول مرة ممكن يطلبوا منك إعادة بحث أو اثنين على حسب الأبحاث المقدمة وكفائتها .... طيب ربنا كرمك وأبحاثك نجحت هل يتم تعيينك على طول في الدرجة الأعلى وهي أستاذ مساعد ... لا وألف لا ،،، مطلوب منك نفس الدورات الخاصة بتنمية قدرات أعضاء هيئة التدريس وهي أيضا أربع دورات

وأخيرا تيجي لأعلى درجة جامعية على مستوى الدولة وهي : الأستاذية " بعد ما تاخد أستاذ مساعد لازم تعمل خمس أبحاث تاني وتقدمها للترقية وتخضع للتقييم مثلما سبق ، وبعد ما ربنا يكرمك وابحاثك تقبل للترقية تخيل بقيت راجل أستاذ في تخصصك ويطلب منك بردو دورات تنمية قدرات
حد يقولي لما أستاذ يقضي على الأقل 25 عاما يعمل بالجامعة ويقوم بتحضير كل هذه الرسائل والأبحاث ويقوم بالتدريس ولازم الحصول على هذه الدورات

يبقى المعلم زعلان ليه من امتحانات الكادر؟؟؟؟؟؟؟؟؟؟؟؟؟؟؟؟؟؟؟؟

[المليح]

هو انت بتقبض ذي دكتور الجامعة او حتي بتتعامل ادبيا ذيهم

[أشـرف فتحى]

الزملاء الـ عملوا إضراب عن الامتحان ((رجالة)) ولكن !!!
كنت بشجع فكرتكم دايمًا ولكن على استحياء
لكن للأسف إيد لوحدها ..................
للأسف خذلوكم معلمو بحرى وقبلى
لو كان كل المعلمين فى مصر موقفهم زيكم
كنتوا أول ناس تسطر للمعلم صفحة جديدة من الكرامة
ولكنها عادة المصريين !!!! ((يا عم وأنا مالى هى هتيجى عليا ))
وهنا ستكون الكلمة للأغلبية بما إنها ديمقراطية
اللى امتحنوا أكثر منكم بكثير
وعليه سيتم عمل امتحان لكم فى موعد لاحق
ممكن 15/7
وسبحان الله اللى كده يتعين واللى كده يستنى

بصراحة أنا لو كنت هامتحن النهاردة
للأسف كنت دخلت الامتحان لأنى لسه على الموضة القديمة
وإن كان معى بعض العذر غير المقبول .

وجهة نظرى المتواضعة (( أنتوا رجــــــــــالة ))
وأنتوا اللى هاتجيبولنا حقنا .
آجـــلاً أم عاجلاً .