مطلوبات التعيين تفصيليا بالاسكندرية

[aleman]

ادارة وسط للاختsweethoney ولباقى الزميلات والزملاء
والكلام القادم ده لكل ادارات الاسكندرية باذن الله
الدمغات ب3ج دمغة هتلاقيها لونها احمر وكل واحدة عليها مكتوب30قرش
اى ال3دمغات ب90قرش
و4 دمغه تنمية ب10قروش الواحدة لونها ازرق
الورق طبعا معروف
شهادة ميلاد كمبيوتر
شهادة الرخصة الدولية للكمبيوتر او افادة بيها
فيش وتشبيه
اقرار ذمة مالية من البوسطة ب70قرش وعليه طابع كده
تملى فيه اسمك والبيانات المعروفة ليكى فقط


اخلاء طرف بتاريخ(حسب ادارتك)
اقرار عمل بتاريخ (حسب ادارتك)لان بشرق عملوه من 1/4/2011 احنا بوسط عملناه اليوم 1/3/2011
بالاقرار هتلاقى كلمة الجهة المنقولة منها: اكتبى اسم مدرستك وجنبها(معلم مساعد)
الجهة المنقولة لها: اكتبى برده نفس اسم مدرستك (معلمة...... اسم المادة بتاعتك)
بصى بقى هتقدمى الورق ده كله وهتكتبى اسمك على الاربع دوسيهات (لان كل واحد فيهم بيروح فى حته بعد ما بنسلمهم للتعينات احنا)
هتعطى لك الموظفة ورقة تروحى بيها للتوجيه بتاعك ليسكنك بنفس مدرستك(لا تروحى للموجه بتاعك وانما الموجه الاول لانها بتتختم من هناك) والمهم خدى بالك ان الجواب مختوم من الادارة حتى لا يرجعوكى به زى ماعملوا معى اليوم من التوجيه
حيث مكنش الجوابات بوسط مختومة
المهم
بعد ما بتجيبى التسكين من التوجيه (طبعا صورى كل حاجة بتقدميها ليكى نسخة والتوجيه بياخد نسخة من قرار التسكين ده )
بتديكى الموظفة 5ورقات
ورقة معاشات
ورقة بتضعى فيها من تريدين ان يستفيدوا من معاشك بالنسب(استمارة 105)
بمعنى لو وضعتى اسم والدك ورقمه التأمينى فيه خانة هتلاقيها (نسبة الاستحقاق اكتبى فيها 100%
لو ستضعى والدك وحد تانى يبقى كل واحد فيهم 50%)
ورقة باضافة المده السابقة(تعاقد مميز من اول 2005 تقريبا لان كل اللى عقده من التاريخ ده بيتخصم منه تأمينات ومعاشات فقط) ودى يشهد عليها 2موظف حكومى وتتختم من شغلك
4صور 4ملفاتوخلى بالك ضعى فيها تاريخ بداية تعاقدك حكومى ولا تسمعى لكلام من يقولك ضعى تاريخ 1/4/2008 لو انتى متعاقدة من قبل التاريخ ده
وذكرى الموظفة لو طلبت منك ذلك ان فى اخر الورقة ان فيه اقرار انك ليس لك الحق بالمطالبة باثبات مدد اخرى سوا هذه المدة
وبتحطى عليها دمغات ب90قرش
ورقة رقم قومى وجنسية يشهد عليها 2 موظف حكومة وتتختم من شغلك
وتضعى عليها دمغات ب90 قرش وطابع تنمية

هتسلمك الموظفة جواب التعيين من نسختين اصل وصورة بتنزلى تمضيهم من مدير شئون العاملين وتعطيكى الاصل وتمضيكى على الصور (استلمت الاصل)

اتمنى اكون افدتك وافدت باقى الزميلات والزملاء اللى لسه بيجهزوا ورقهم
واى تساؤل اختكم موجودة