لماذا لا نشعر بالسعادة ؟

[فوزىالمنياوى]

يا ريت كل واحد يدخل يجاوب على السؤال ده :
لماذا لا نشعر بالسعادة ؟

[بحراوية من دمنهور]

بجد كنت جاية اسأل نفس السؤال ...... متهئلى لان الشئ اللى تتمناه وتحارب عشانه كل السنين دى ولما يجيلك بعد الفترة دى ومعاه قلق وتوتر ونسبة شك واحساس انه حقك من زمان وانك دلوقتى لازم تحصل على اكتر منه مش مجرد تعيين فى درجة تالتة مع العلم ان اغلبنا عدى سن 27 سنة وزيادة ........ متهئلى طعم الفرحة بيروح ومش حاسة بيه وده لانى عندى قناعة ان كتر البكا يعلم الجفا

[Mr/Ali Aswan]

يمكن علشن معندناش رضا ومبنقلش الحمدلله

[pop55]

الجواب ببساااطة

هو أننا بعيدون عن الله عز وجل .

وشكراً

[MR : ABO BATTA]

لو نظرت لمن هو اقل منك في المرتب فقط ولكن زميلك بالمدرسة ونصابه مساو لنصابك والفارق بينك وبينه هو انك مميز وهو بالحصة
.. صف لي شعورك الآن ؟؟؟؟؟؟؟

[M:Sayed Moftah]

اولا عدم الرجوع الى الله ــــــــــــــ
ثم : عمد العدل بين الناس
فالشعب ينتظر المزيد من الثورة
عدم تحقيق الذات التى تصيب بالاحباط

[elking3]

لما تتعين فى غير تخصصك اللى درسته اربع سنين فى كليتك وبعد كده امتحان الكادر يلغى ده كله وتتعين مدرس فصل ابتدائى وانت تخصصك فلسفة او فرنسى
هنحس ازاى بفرحة التعيين ربنا معانا

[رناتا]

الحمد لله عند القضاء وبعد القضاء وقبل القضاء
بس ربنا ما قالش ان احنا نرتضي بالظلم لما غيرك وانت زيك زيه ويمكن مؤهلك اعلي يكون محلك هنكون السعاده ازاي
ولما يكون فيه فروق شاسعه في الحقوق والمفروض ؟

[الأستاذ حمدي]

كل الناس تبحث عن السعادة .
وما يدرون أنها في طاعة الله .
طاعة الله ليست مجرد كلمات بل هي أقوال وأفعال وقبل ذلك إيمان .
قال رسول الله صلى الله عليه وسلم : " ذاق طعم الإيمان من رضي بالله ربا وبالإسلام دينا وبمحمد رسولا " حديث صحيح .

[رضا عبد الحميد عبد الرازق]

أولا البعد عن الله
ثانيا انا عندى 34 سنة مجوز ومخلف بنتين
انا فرحان بس مش الفرحة اللى هى جايز عشان طول لإنتظار

[ثورة 25 يناير]

عدم الشعور بالسعادة يرجع إلى عدم الرضا بما قسمة الله لك . بدل ما تنظر للأعلى منك انظر ديما للأقل لكى تشكر الله
انظر إلى كل إنسان مريض وأنت تحمد ربنا الذى وهبك نعمة الصحة والعافية .فى غيرك ألاف يملكون من الأموال مالم تستطيع عده ولكنهم يتمنوا أن تزول هذه الأموال وأن يعفوا من مرض ما .
ومن وجهة نظرى لو كل إنسان رضا باللى ربنا كاتبه لى أكيد عمرك ما هتحس أنك شقى وهتعيش دائما فى سعادة .

[أحمد محمد نافع]

يمكن عشان لسه ماخدناش ميزات فعليه لسه المرتب ما اتغيرش ولسه ما اخدنا ش اعتيادى ذى باقى البشرأو قدرنا نواجه مواقف بقوة ...................والله اعلم؟

[aleman]

صدقونى لو قولتلكم كلنا نشعر بالسعادة ولا نشعر
سعادة متفوتة
بمعنى
اما تصحى من النوم تشعر سعادة خفية انك مموتش اثناء نومك وان طلع عليك صبح
اما تصبح على زمايلك بوجه صافى انت تشعر بسعادة لرؤيتهم
اما موظفة القبض تقول النهاردة فلوس القبض جاية تعال خد فلوسك
منتهى السعادةةةةةةةة
اما تقابل صاحب ليك من زمان
اما تكون جوعان ووالدتك او اختك تحضرك الاكل
...........................ألخ
تشعر بالسعادة


المشكلة بس اننا مستخصرين نقول على الحاجات دى سعادة وقناعة
لانها ممكن تكون للبعض حاجات تافهة عادى يعنى بتتعمل كل يوم
روتين يعنى
بس بجد
دى سعادة خفية
ربنا يديمها علينا

[الاستاذ محمود حميد]

في حد كرامتة اتبهدلت يشعر بالسعادة يا اخ؟

[أحمد عبدالله عبدالنبى]

الرضا يجماعه ينقصنا