مرتب الادارين

[المصارع]

سمعنا ان مرتب الادارى اكبر من مرتب المدرس وفعلا لاستمارات اتعملت فى معاهد دمياط ان مرتبهم 455 واحنا 400 ايه التهريج دا ياجماعه حد يأكد الخبر او ينفيه

[محمد كامل فوده]

امتي ده
ياريت تتابعنا في حزب معلمي الازهر والمتعاقدون

http://www.facebook.com/?ref=home#!/...020738813&ap=1

[خالدابوخبازى]

ده زيادة على مرتباتهم التى لم يستحقونها لعدم حضورهم وترك عملهم جاء منشور يوم 6/4/2011 يعطيهم 50%حوافز بدون امتحان لكن المدرس لما اعطاه 50% عمل امتحان علشان مستكتر على المدرس اللىالطباشير اكل ايديه

[teacher120]

الاداريين بياخدوا 25 حافز من شيخ الازهر وهيتعمل لهم من شهر 4 50%

اما المدرس بياخد 50% بدل معلم ولسا ان شاء ناخد 50% بدل اعتماد النجاح فى كادر المعلم

اذا اين كرامه المعلم احنا بعتنا شكاوى كتير بنطالب بالكادر وان الحافز الى الاداريين بياخدوه ناخده زيهم لان دا حافز المحليات وينطبق على جميع المدرسين لان الكادر ميزه للمدرس فميصحش نقول اصل هما بياخدوا عشان انتم بتاخدوا كادر

[أ/ هشام العيسوى]

وهو فين الكادر يااستاذ محمود النتيجة من اكتر من عام ولا اتعيينا ولا صرفنا!!

[~delete~]

ايه يا جماعة ما هو ده المفرووض يكون مرتب الادارى اكبر من المدرس

كفايه ان الادارين معظمهم بيجوا المعاهد مرة كل اسبوع

يفطرووو و يشربوا شاى ويروحوا عالطول

[المصارع]

صح عندك حق فعلا هما ما بنشوفهمش الا من الساعه 10 ويمشو 11 ولو عملو حاجة تبقى ورقة بس طول اليوم واحنا مرتاحين طول النهار من سبعة ونصف الى 2 بالطباشيرة لا فعلا يستحقو دا بجد تهريج

[فهد122]

لاء المفروض واللي كان مفروض من زمان ان مرتب الادراري يكون اكبر
لعدة اسباب
1- المدرس ليس عليه اي مسئوليه ادرايه
2- الادراي بيحضر صيف شتاء دراسه وغير دراسه بخلاف المدرس
3- المدرس بيحصل علي 50% اما الاداري بيحصل علي 75% احسبها علي المتعاقد كدا 50% من 183.6 و75% من 151.6
وبعدين مفروض م نحقدش علي بعض الخير لما يجي لزميلك افرحلو ونتمني وضع ادني للاجور علشان الناس متبصش لبعض

[المصارع]

الكلام دا على أساس المدرس ما بيحضرش دراسة وغيرها وما بيراقيش فى الامتحانات

[فهد122]

هرد عليك من خلال ردك
الامتحانات المدرس بيروح مراقبه وان صحح فيشكر وكله بحسابه طبعا انا بتكلم عن الشهادات وليس الامتحانات العاديه ام الادراي فمطلوب منه عمل قوائم للطلبه وزيهم للمدرسين وحضور وانصراف ومكاتبات والاشتراك في الكنترولات وطبعا لعمل المكافأت يعني شغال شغال
طيب في الاجازات مثل الصيف او نصف العام ولا في ايام الثوره هل تعلم ان الادراين كان بيحضرو والدليل علي علي ده هل تأخر مرتب فبراير
طيب ماذا تعلم عن السجلات مثل الاجازات والاجور المتغيره ولا 1 حكومه ولا 2 مخازن ولا الجرد السنوي ولا العهد المستهلكه انا لا اق لل من قيمة المدرس ولا من عمله لا والله انني اكن كل تقدير واحترام الي المدرس

[teacher120]

مراقبه ايه وتصحيح احنا بنشوف فيها الذل بملاليم ومش الكل كمان بيروح والله انا رحت التحصحيح ب 43 جنيه وبدل سفر 9 جنيه

ثم ان المدرس هو الاساس وهو ركن التعليم لازم يكون له ميزه والا لزمتها ايه نتعلم ونعلم ما كنا نشوف اى وظيفه اداريه وخلاص
لازم ننحى الكادر جانبا ومش نحسبه لان دا ميزه للمعلم وبعد امتحان مهين وبعد الحصول على تربوى وكمان مرتبط بترقيته اين العدل اذا

انا بحب الخير للجميع لكن لا ينكر احد ظلم المعلم

[teacher120]

مكافاه الامتحان مثلا الكل بياخد فيها زى بعضه ودا ظلم فاحش لان المدرس هو الى بينظم الكنترول وهو الى بيراقب وهو الى بيصحح وهو الى بيبيض النتيجه والكنترول الى مكون من مدرسين طبعا هو الى بيسافر يعتمد النتيجه

[المصارع]

وبعدين ياستاذ فهد انت بتسند كل الاعمال دى لادارى واحد لا عندك فى المعهد على الاقل 5 كل واحد له شغله يعنى شغله لا يتعدى ربع حصة مدرس خليك واقعى شويه لازم يبقى فيه عدل ولا كنا اشتغلنا ادارين احسن لنا واكرم لنا

[خالدابوخبازى]

الاستاذ فهد122 اولا اقول لك حرام عليك .......انت تقلب الحقائق......انا وكيل كل اللى بتقول عليه انا اقوم بعمله

والله المرتب اللى بياخذ الادارى مايستحقه وهم عمالة ذائدة......ده مندوب الصرف يافهد122 يوم المرتب نبعت له 122 مرة علشان يجى......والمكاتبات والكنترول دول شغل الوكيل لان الادارى مايعرفش يعملهم....يبق ليه الزيادة يافهد122 .....

[فهد122]

هو احنا كدا بنبص لبعض في اللقمه ما نطلبش زياده لاء نطلب ان سين او عين يكون اقل مننا