لا للتحدث الى الاصدقاء !!!!!!!!!

[aleman]

هل التحدث الى الاصدقاء يخفف من الالام النفسيه؟

التحدث الى الاصدقاء عند الشعور بالام نفسيه يعد من احد الطرق الفعاله للتقليل من حده الالام النفسيه و لكن ما لا يعرفه الكثيرون هو ان فى كثير من الاحيان يؤدى التحدث الى الاصدقاء الى زياده حده الالام و اامشاعر السيئه مثلما فى الحالات الاتيه:

• الناس من الممكن ان تبرمج عقلك:الكثير من الناس عندهم معتقدات سيئه عن الحياه و من الممكن جدا ان ينقلوها لك دون ان تدرى مما سيتسبب فى جعلك اضعف فى مواجهه الحياه
• الطاقه السلبيه قد تنتقل لك: اذا جلست مع شخص مصاب بالاكتئاب قد تشعر بسوء حتى ان لم يتكلم و ذلك لان الطاقه السلبيه تنتقل من شخص لاخر.
• افتقار الحكمه:قد يكون صديقك يحبك و لكن اذا كانت الحكمه تنقصه فقد يضرك بشده دون ان يقصد

وانا عن نفسى انصح بعدم التحدث مع الاصدقاء
بل وعدم حب صديق او صديقة حب شديد (خاصة البنات مع بعض)ونقول عليه ده اخونا او اختنا
الا لو فعلا كان رأى الناس كده
وده عن تجربة شخصية لى مع صديقة عمرى من اولى كلية واكتشفت بعد8سنوات انها تكن لى كل حقد وكره وغيرة

مع العلم ان الاهل عندى كانوا يحذروننى منها
بس نقول ايه
مراّة الصداقة عمياء

[رضاالوادي]

روي ان ( علي بن ابي طالب ) قال
احبب حبيبك هونا ما عسي ان يكون بغضيك يوما ما * وابغض بغيضك يوما ما عسي ان يكون حبيبك يوما ما

والله وعن تجربة لما بكون متضايقة مكن شيء ما واحكيه لاي حد الضيق بيزيد اكتر
لكن لما بحاول اني اتماسك وافكر بعقلي واستغفر ربي الموضوع بيخلص في اقل من 3 أيام بالكتير
نصيحة ما حك جلدك مثل ظفرك * اعتمد علي ربنا في حل ضيقك واحكي للله هو اقرب واحد ليك ( اقرب اليك من حبل الوريد) واكتر واحد يتمني ليك الخير

[mohammed ahmed25]

بارك الله فيكــى . وخصــوصــا الايام دى لأن المصالح تحكم تصرفات الناس و نادر جدا لما تلاقى انسان طيب و ينصح لوجه الله .

["(شروق) "sh*m]

لا اله الا الله

جزاكى الله خيرا

وع مجهودك وجعلة الله فى ميزان حسناتك

[العروبة2]

لا .......أنا أختلف معاكى فى تعميم الموضوع بمعنى ان ليس كل الاصدقاء وحشين ولكن فيهم من تأتمنه وفيهم من هو صديق عادى و من الصعب ان نجد صديق صدوق طيب القلب حافظاً للسر ناصح أمين ولكن ليس من المستحيل الحصول عليه ( اللهم خير لى واختر لى )
انا عندى صاحب ما شاء الله عليه بيعرف يهون على أى حالة زعل وينصحنى ويقولى على الغلط اللى عملته وممكن يكون فى عقاب كمان هههههههه وكمان عندى اصحاب عاديين .....وفقنا الله واياكم

[aleman]

المشاركة الأصلية كتبت بواسطة العروبة2

لا .......أنا أختلف معاكى فى تعميم الموضوع بمعنى ان ليس كل الاصدقاء وحشين ولكن فيهم من تأتمنه وفيهم من هو صديق عادى و من الصعب ان نجد صديق صدوق طيب القلب حافظاً للسر ناصح أمين ولكن ليس من المستحيل الحصول عليه ( اللهم خير لى واختر لى )
انا عندى صاحب ما شاء الله عليه بيعرف يهون على أى حالة زعل وينصحنى ويقولى على الغلط اللى عملته وممكن يكون فى عقاب كمان هههههههه وكمان عندى اصحاب عاديين .....وفقنا الله واياكم

مجتمع البنات غير مجتمع الشباب يا استاذ العروبة
البنات الوضع يختلف
بتلاقى غيرة وحقد وحاجات كثيرة جدااااااااا
وانا قصدت بكلامى البنات

اما مجتمعكم معرفش عنه غير انه جرى ورا اكل العيش فقط
لكن اصدقاء وكده لا اعلم
والحمد لله ان حضرتك ليك صاحب كويس كده

[العروبة2]

سألت زميلاتى فى العمل على الموضوع ده ردوا وقالوا:
قالوا ان فى نماذج للاصدقاء تكون مصدمه بعد معرفة حقيقتها وكمان فى واحدة قالت انها اتصدمت فى صحبتها 18 سنة وقالوا ان مراية الصداقه عمياء وقالوا كمان ان فى صديق صدوق بس بيكون نادر شوية

[aleman]

الله ينور علي حضرتك
فعلا للاسف البنات فيهم كتير كده
عشرة وتعاملها زى اختك
وللاسف تلاقيها تشعر بغيرة وحقد تجاه صحبتها اللى بتحبها

[دموع الفرح]

جزاك اله كل خير

[Mr. Medhat Salah]

[doaa elhoseny]

بس احنا كده يا جماعة شايفين انه كل الناس وحشة و انه مفيش حد نثق فيه او نحكيله و يبقى امين على اسرارنا او انه ممكن يحللنا مشاكلنا

اكيد زى ما فيه الوحش الحاقد .... فيه الكويس اللى نقدر نعتمد عليه

و طبعا فالمقام الاول اننا نحل مشاكلنا بنفسنا و نشكى همنا لربنا و هو الاقدر على حلها


انما فيه اوقات مش بيقدر فيها الانسان انه يكتم جواه او انه يخبى اللى جواه ... فبيضطر انه يحكى ......


و شكرا ع التوبيك

[HAGOOORA]

انا عن نفسي ماليش اصقاء مقربين يعني صاحباتي عادي يعني بس ازيك عامله ايه و بس
بس انا بصراحه اديلي من اولى ثانوي وانا بدور على صديقه تكون محترمه و كده بس بصراحه مش لاقيه لغاية دلوقت علشان كده انا اسراري محدش يعرفها غيري انا بس
بس انا بصراحه مش عاجبني كده علشان انا لما بدايق مش بلاقي حد اتكلم معاه فأحيانا بحس اني هنفجر من كده وكل الناس اللي يعرفوني بيلاحظو عليا كده وبيقولولي انتي كتومه ولازم تغيري من طبعك عشان هتتعبي في الآخر

[فاطمة الزهراء كارم]

انا عمرى ما اتمنت نفسى غير على واحدة بس صحبتى من (10 سنين ) وفعلا صاحبة عن جدارة واى حد تانى لالالالالالالالالا .....بس صراحة انا صعب جداااااااااااا انى اثق فى حد خاصة اى شخص جديد صعب قووووووووى وساعات كتير دا بيضايق اللى حوليا خاصة اسرتى ومدرسينى بيقوللى مش ينفع اننا نعيش لوحدنا بس انا مرتاحة كدا

[aleman]

المشاركة الأصلية كتبت بواسطة ياسمينا محمد

جزاك اله كل خير

مشكورة للمرور

المشاركة الأصلية كتبت بواسطة Mr. Medhat Salah

مشكور للمرور اخى الفاضل

[quote=HAGOOORA;3363755]انا عن نفسي ماليش اصقاء مقربين يعني صاحباتي عادي يعني بس ازيك عامله ايه و بس
بس انا بصراحه اديلي من اولى ثانوي وانا بدور على صديقه تكون محترمه و كده بس بصراحه مش لاقيه لغاية دلوقت علشان كده انا اسراري محدش يعرفها غيري انا بس
بس انا بصراحه مش عاجبني كده علشان انا لما بدايق مش بلاقي حد اتكلم معاه فأحيانا بحس اني هنفجر من كده وكل الناس اللي يعرفوني بيلاحظو عليا كده وبيقولولي انتي كتومه ولازم تغيري من طبعك عشان هتتعبي في الآخر[/


باذن الله هتلاقى
انا عن نفسى لى صديقة واخت من تانية ثانوى ورغم انى كنت هنا جامعتى بالاسكندرية وهى جامعتها بدمنهور
الا اننا حافظنا على صداقتنا طوال الاربع سنوات كلية وما بعدها وللان والحمد لله
باذن الله لسه امامك العمر الطويل لتبحثى وتجدى باذن الله الصديقة توأم الروحquote]

المشاركة الأصلية كتبت بواسطة فاطمة الزهراء كارم

انا عمرى ما اتمنت نفسى غير على واحدة بس صحبتى من (10 سنين ) وفعلا صاحبة عن جدارة واى حد تانى لالالالالالالالالا .....بس صراحة انا صعب جداااااااااااا انى اثق فى حد خاصة اى شخص جديد صعب قووووووووى وساعات كتير دا بيضايق اللى حوليا خاصة اسرتى ومدرسينى بيقوللى مش ينفع اننا نعيش لوحدنا بس انا مرتاحة كدا

بصى
صاحبى وكونى صداقات
بس اسرارك
لنفسك وبس ولوالدتك
او حد من اهلك تثقى فيه كأخت كبيرة اوأخ عاقل

[الأستاذة ام فيصل]

اختيار الصديق يحتاج الى وقت واختبار والاصدقاء عادة بكونو قليلين
ولو والحمد لله انا ديما محظوظه بالصديقات بس مع هذا انا مع نصيحتك
احسن صديقه للبنت هي امها او اختها ولا يجب ان نتحدث باسرارنا ابدا الى اقرب الناس
ونحذ ر الاصدقاء اكثر لانهم يعرفون الكثير عنا
شكرا على الموضوع