بحبك كتير يا برادعى

[حميد بدوى]

بحبك كتير يا برادعى

قلبك كبير يا برادعى

وأحنا أسفين يا برادعى

والمسامح كريم وأنت كريم يا برادعى

أنا مش هاقول ان دول مش مصريين

ولا حتى اقول ان دول بلطجية ولا مسجلين

دول كل القضية انهم مش فاهمين

ولا عارفين انت مين

بسبب اعلامنا الموجه الغشيم

أنت المصرى أبن المصرى

كريم العنصرين

انت عمر ما كانت مراتك يهودية

ولا كنت فى يوم معاك جنسيتين

طول عمرك بتحب مصر

وبتحلم بالتغيير زيك زى كل المصريين

ماعدا الكدابين والمنافقين

انت نوبل وقلادة النيل

انت الاصيل ابن الاصيل

وكلنا عارفين مين العميل

انت راجل المواقف

وعمرك ما نفقت ولا كنت بوشين

علشان كدا عاوز اقولك

ان كنت بحبك قراط

النهاردة بحبك اربعة وعشرين

وشايف انك الاحق

طبعا مع احترامى لراى الملايين

بس انت الرئيس اللى تملا القلب والعين

واديت درس للمعارضة فى مصر

اللى بقالها سنين وسنين

كلهم كانوا فى ضهرك

وبعد الثورة بيقولوا برادعى مين

وانا بقولهم برادعى الراجل اللى عمره ما نافق

ولا كان بوشين

البرادعى اللى نجح بعيد عن الفساد والمفسدين

الشاعر
عبد الحميد بدوى