شعب صينى وفيه تايوانى ونقى الشعب على مزاجك

[hragaey]

فى حديث حازم شومان
اتجه الجميع لسبه البرادعى و بنت البرادعى فقط
ولكن (وتستطيع البحث فى يوتيوب) ترى ان هذا الشخص سب الشعب كله شعب مش عارف حاجة
واليكم بعض كلام هذا الشخص:

البرادعي يريد دولة مدنية، دولة مدنية يعني أيه ؟؟ يعني أمك متلبسش حجاب … ليه ؟؟ أمي أنا.. آه يا حبيبي عشان ده هيفرق بين المسلمة والنصرانية ….
بصراحة نعم الخلق هل هذا ادب الحديث الذى تعلمته

الليبرالية تعني ” إنه يعني مفيش حاجه أسمها راجل وست”. مفيش حاجه اسمها نتكلم على الرجولة
هو ده اللى قالوه لك عن الليبرالية طب والجهلاء يقولوا ايه
الناس دلوقتي لو طلعلها أي واحد ظريف لطيف تقول أيوه يا عم هاتلى الراجل الطيب بتاع هيئة الطاقة الذرية اللي ضيع العراق هاتو يحكمنا يا جماعه ،،أوالشاب المخترع بتاع الفمتو ثانية ده زويل اللي بيقول عايزين دولة علمانيه هاتوه يا جماعه يحكمنا،، هاتوا يا جماعه الناس الظريفة دي ما هو الشعب ما هوش عارف حاجه ”
هنقول ايه شعب مبيفهمش بعيد عنك خلى لك انت الفهم

ومش عاجبك زويل

لو سبناها للشعب على طول .. ممكن يجي واحد كافر ياخد الحكم .. ودي المصيبة اللي إيران مش عارفه تلمها لأنه غباء
المفروض نعمل ايه يعنى

وخرج علينا بعبقرية ان مجلس الشعب يختار مجموعة ينتخب منها الشعب
وانا عندى اقتراح له
مش عاجبك الشعب ممكن نجيب لك شعب تفصيل
او نستورد لك شعب من الصين
المفروض يخرج يعتذر للشعب كله على تجهيل الشعب
والسؤال: كيف تتعامل مع شخص بالعقلية دى يسفه شعبه