رد علي بعض الاعضاء في موضوع الكادر بالله عليك تدخل 22/4/2011 ريهمسة

[ريهمسة]

وجدت ردود بعض الزملاء مش توحي بالرضا
قلت اوضح وجهة نظري ...
[quote=ندى السحاب;3345843]يا استاذتى الفاضلة احنا مرتبنا لما كنا متعاقدين 365 جنية ازاى انتى تقبض 367 و مبسوطة يبقى فرقنا ايه قبل التعيين من بعدة انا محافظة اسكندرية ادارة المنتزة[/quote]

لا حول ولا قوة الا بالله

حاجه غريبه وسؤال اغرب
انا مش مبسوطة انا بقي طايره من الفرح والله ما كنت عايزه ارد عليكي
اصل الرضا والقناعة نعمة وبعدين بصي دايمااا للاقل منك
يعني انا كنت في يوم احلم اني اشتغل اصلا واول ما اشتغلت فرحت وكنت اجر وشهرين وبقيت عقد وساعتها كنت فرحانه اووووي وكان وشي حلو علي العقود القديمة وبقينا معلم مساعد ومميزين ودلوقتي الحمد لله اتعينااااااا وعلي فكرة كنت بحاول اساعد اللي حواليا بمرتبي
ودايما بنبقي في ظروف ما اجد اني عديت مرحلة في شغلي وزدت في المرتب
(اجر - عقد - معلم مساعد- معلم )

غيري بقي اكبر مني بكااام دفعة ومش شغال ومتجوز وووو ومش عارف يعمل حاجه بس هتعمل ايه اكيد اللي جاي افضل واحسن وبعدين ده رزقك ومكتوبلك من قبل ما تتولد يعني لو عملت ايه هو ده يبقي نرضا افضل علشان ربنا يرضي علينا وما نخسرش الاخرة
ولا ايه

المشاركة الأصلية كتبت بواسطة عصام بسطاوى

يااااااااااااة هوة احنا وصلنا للدرجة دة ؟ لا حول ولا قوة الا باللة . بالنسبة للمتزوج بقى وعندة اولاد حد يقدر يقوللى هيعملوا اية من الناس اللى فرحانة دة

وبعدين الجماعة المتجوزيين ومش عارفين يصرفوا والمرتب بيخلص قبل الشهر ما يبدأ
ما تروحوا تشتغلوا اي حاجه ما دام الشغل حلال خلاص
ولا انا غلطانه

يابن ادم
لاتخف من ذى سلطان مادام سلطانى وملكى لايزول لاتخف من فوات الرزق ما دامت خزائنى لاتنفذ خلقت الاشياء كلها من اجلك وخلقتك من اجلى فسر فى طاعتى يطعك كل شىء لى عليك فريضة ولك على رزق فلن خالفتنى فى فريضة لم اخالفك فى رزقك ان رضيت بما قسمت لك ارحت قلبك وان لم ترضى بما قسمت لك فوعرتى وجلالى لاسلطن عليك الدنيا تركض فيها كركض الوحوش فى البرية ولاينالك منها الاما قسمت لك وكنت عندى مذموما

اظن الحديث القدسي شارح وموضح نفسه ومفيش حاجة تتقال بعده

[w3w3w3]

دول بيضحكوا عليكم

[kholio_]

والله كلام جميييييييييييل وموزون


ربنا يخليكي لنصرة الحق

ولإن شكرتم لأزيدنكم

[علي عضاضلي]

أتفق معاكي ريهمسة

[ام رهف]

والله احنا في الازهر بنقولهم خدوا نص المرتب وثبتونا ماحدش سائل فينا والله انتو في نعمة ربنا يبارك لكم وعقبالنا نتثبت

[اسماء ابوزيد]

الاخت ريهمسة لقد اخطأت فى بعض الحروف عند كتابتك للحديث القدسى الكريم فارجو تصحيح هذه الحروف


شكرا

[mohammed ahmed25]

طبعا كله كلام غلط و تطييب خاطر __ فيه حاجه اسمها حقوق __ مش معقول كل ما نطالب بحقنا تقولوا بركه __

___ وطبعا شئ طبيعى ان الابلوات يفرحوا بالتعيين و بأى مرتب لانهم مش مطلوب منهم حاجه _او على الاقل نادرا _ الشاب مسئول عن بيت _ او لسه بيكون نفسه __ اشمعنا اللى بياخد 360 نقول بركه __ هو احنا مش موظفين ولينا احترام ونستاهل ولا ايه ؟__خلاص ياخد 360 بتاع البترول و كلها بركه

[ahmedowinat]

وجهه نظرى ان من رضى بما قسمه الله له كان اغنى الناس والقناعه كنز لايفنى كل هذا جميل ولكن الله عز وجل امرنا بالسعى فى الدنيا قال تعالى (فامشو فى مناكبها وكلو من رزقه ) وهذايتطلب السعى لكسب الرزق والمطالبه باخذ الحق قال رسول الله صلى الله عليه وسلم ( اعطو الاجير حقه قبل ان يجف عرقه ) وهل الاجر الذى يحصل عليه المعلم كافى لاكل الرزق ومساوى لقدر المجهود؟
وايضا قال الرسول صلى الله عليه وسلم ( من رأى منكم منكرا فليغيره) وهل مايحدث الان ليس منكرا غالبيه موفى الدوله غير المعلمين يحصلون على حقوقهم بل اكثر بكثير من حقوقهم وكم الفساد فى المرتبات والسرقات اليس هذا منكرا
ولكن يجب علينا الطلب برفق وفى الختام الحمدلله

[mohammed ahmed25]

المشاركة الأصلية كتبت بواسطة ahmedowinat

وجهه نظرى ان من رضى بما قسمه الله له كان اغنى الناس والقناعه كنز لايفنى كل هذا جميل ولكن الله عز وجل امرنا بالسعى فى الدنيا قال تعالى (فامشو فى مناكبها وكلو من رزقه ) وهذايتطلب السعى لكسب الرزق والمطالبه باخذ الحق قال رسول الله صلى الله عليه وسلم ( اعطو الاجير حقه قبل ان يجف عرقه ) وهل الاجر الذى يحصل عليه المعلم كافى لاكل الرزق ومساوى لقدر المجهود؟
وايضا قال الرسول صلى الله عليه وسلم ( من رأى منكم منكرا فليغيره) وهل مايحدث الان ليس منكرا غالبيه موفى الدوله غير المعلمين يحصلون على حقوقهم بل اكثر بكثير من حقوقهم وكم الفساد فى المرتبات والسرقات اليس هذا منكرا
ولكن يجب علينا الطلب برفق وفى الختام الحمدلله

بارك الله فيك ... هو ده الكلام الصح ... و ربنا سبحانه و تعالى لايرضى بالظلم .... بل انه لمن الهوان والاستكانه والضعف الا نأخذ حقوقنا والا نطالب بها بحجة ان المهم البركه ...لا احد يقول ان البركه ليست مهمه , ولا احد يقول ايضا ان تهون علينا انفسنا وكأن الحكومه تمن علينا بــ360 جــ ....

[meslmat]

بالتوفيق
الهم لك الحمد

[loddodo]

الحمد لله لسه في بنات عاقله

[أ/محمد على أبوزيد]

يا جماعة نصبر شوية إلى أن يتم تعديل هيكل الأجور وبعدين الوضع هيتغير أكيد

[الأستاذ حمدي]

المشاركة الأصلية كتبت بواسطة أ/محمد على أبوزيد

يا جماعة نصبر شوية إلى أن يتم تعديل هيكل الأجور وبعدين الوضع هيتغير أكيد

القناعة كنز لا يفنى .
هناك من لا يجدون قوت يومهم .

[mohammed ahmed25]

المشاركة الأصلية كتبت بواسطة الأستاذ حمدي

القناعة كنز لا يفنى .
هناك من لا يجدون قوت يومهم .

خلاص بقى لما المرتب يزيد متبقاش تاخد غير الــ 360 لان هو ده حقك وبس

[الأستاذ حمدي]

المشاركة الأصلية كتبت بواسطة thanwya2011

خلاص بقى لما المرتب يزيد متبقاش تاخد غير الــ 360 لان هو ده حقك وبس

هاهاهاهاهاه .
أضحك الله سنك .
لأ طبعاً هاخد .. على رأي المثل البحر يحب الزيادة .
لا أرفض رزقاً ساقه الله إلي .