شوفتوا مبارك واللى جالوا

[حميد بدوى]

شوفتوا مبارك واللى جالوا

هو وعيالوا

رحوا فين رجالوا

حالهم من حالوا

المشنقة فى انتظارهم وانتظاروا

لو كانوا احترموا الشعب يوم مكنش

جرلهم اللى جرلوا

ولا جمال باشا كان اوزيد خداموا

كانت كل حاجة فى البلد حلالوا

ودلوقتى طرة بيهم فرحان

بيقولهم انتم فين من زمان

والله شوية عليكم الاعدام

كلامى مظبوط ولا انا غلطان

اللى بيعطف عليهم بينا ملوش مكان

دول باعوا البلد والشعب والسما

والارض واشتروا الامريكان

احنا كان فاضلنا خطوة ويحكمنا جمال

مع انه هو اللى فى الاساس كان بيحكم من زمان

اما احنا كان عندنا شوية منافقين اشكال والوان

فاكرين مجدى الكردى اللى باع عفش بيته

وباع مراته وباع العيال

قال علشان يساند جمال

ولا اسامة سرايا اللى كان بيتكلم عن دور الرئيس

فى الكرة الارضية وانه هو سبب من اهم اسباب

استمرار البشرية وانه هدية ربنا لجمهورية مصر العربية

سبحان مغير الاحوال من حال الى حال

ياريت بقيت الحكام العرب يتعلموا الدرس

علشان هما ماركة مسجلة وصورة طبق الاصل

كل واحد فيهم مبيشفش غير نفسه وبس

الشاعر
عبد الحميد بدوى