ياتــرى بيـــســمو دا ايه ؟!

[نقاء الروح]

السلام عليكم ورحمة الله وبركاته


ازيكم
يارب تكونوا كويسين


امممم انا هتكلم النهاردة عن حاجة انا مش عارفة اسميها ايه
انا بقول عليها استهبال

او يمكن ليها مسمى تاني انا معرفوش

المهم هدي امثلة بسيطة كدا

اغلب الناس دلوقتي لما تتكلم عن الحب مثلا
تلاقيها انفعلت ومافيش حب ودا كلام فاضي ونادر تلاقي حد يحب ووووووو .......

وتيجي فموقف تاني تلاقي نفس الشخص دا
بيقول شعر فالحب و الحبيب وكأنه عنترة او قيس مثلا
وان الدنيا بمبي
او تلاقيه هو بيدور عالحب دا !
طب مانتا صدعتنا ان مافيش حب ولا حاجة ، بدور على ايه بئا ؟!
ومش عارفة هو كدا بيستهبل ولا بيعمل ايه بالضبط

واحد تاني يبقى مثلا مافيش احسن منو فالتزويغ او الغش
ولما نتكلم عن الموضوع دا
تلاقيه منفعل ياعيني ازاي ان الناس دي عايشة وضميرها مابيأنبهاش
و دا على اساس انه مافيش احسن منو


ومش عارفة هل هو بيستهبل او مش واخد باله ؟!


وواحد تاني مافيش اندل منو ، مافيش موقف واحد فحياته
عمل فيه شهم ووقف جنب صاحبه او حاجة
وتلاقيه بكل برود الدنيا بيشكي
هو الدنيا جرالها ايه ؟ الاصحاب اتغيرت كدا ليه ؟
ماحدش بيحس بيا وووووو ...

ومش عارفة هل هو بيستهبل ولا مش حاسس بنفسه !!!


وقيس على كدا حاجات كتير
والامثلة ما اكترها
لكن فالنهاية هو احنا بنعمل كدا ليه ؟؟
هل احنا بنستهبل فعلا ولا دا له مصطلح تاني ؟!


وفالنهاية احب اسمع ارائكم