جمعية تنمية المجتمع المحلى (دعوة للنقاش)

[عبد الله الرفاعي]

بسرعة كده وبدون مقدمات.....
فى الفترة الأخيرة وخصوصا بعد الثورة بدأ يظهر على الساحة فى كل قرية فى مصر أهمية جمعيات تنمية المجتمع ودورها الحقيقى اللى تقدر من خلاله تنمية المجتمع الموجودة فيه وخصوصا إن هذه الجمعيات لها الحق فى الاشراف ومراقبة أعمال الوحدات المحلية وجميع الهيئات داخل القرية ..
من هنا كان لزاما علينا نحن الشباب أن نبادر بالمشاركة فى هذه الجمعيات وتفعيل دورنا بها .
وبصراحة كده بعد الثورة بدأت أنا ومجموعة كبيرة من شباب قريتى العمل العام من خلال مشاريع خدمية للقرية ، لكن وجدت إن الحماس بيقل إذا لم يكن هناك مظلة واحدة تجمع الشباب وليس هناك أفضل من هذه الجمعيات ... فى ناس لا تثق فى قيادات الجمعيات الحالية لإنها من عهد النظام البائد ، وينسون أنها جمعيات أهلية يختار أعضائها بواسطة الجمعية العمومية للجمعية ...
لو عاوزين الافضل لبلدنا يبداكل واحد مننا بالمشاركة فى هذه الجمعيات ونقدر بعد كده نكون أغلبية نحن الشباب فى اختيار مجالس هذه الجمعيات اذا كنا غير راضين عنها المهم نبدا .....
والموضوع اللى انا كتبه ماهو الا دعوة للمشاركة فى تنمية كل قرية بشبابها الواعى اللى بيحبها بجد .
وياريت كل واحد يدخل الموضوع يكتب مقترحاته من أجل تنمية قريته .
ودى بعض المشاريع اللى نفذها الشباب فى قريتى وهى
1- مشروع فصائل الدم
2- حملة نظافة القرية وفى الحملة دى خرجنا نحن المدرسين بالتلاميذ لننظف قريتنا


تشرفى تعليقاتكم وأرائكم وهى دعوة للنقاش .