تحية ونداء للشعب المصـــرى

[ناصر المتولى أحمد]

تحية ونداء للشعب المصـــرى

ارفع راسك فوق بجـــــــدارة انت المصرى تاريخ وحضـارة

زلت الغمة . حميت الأمــــــة وعملت الثورة الجبــــــــــارة

***

ارفع راسك عالى لفـــــــــوق انت المصرى المليـــــان زوق

ولا تتعصب و لا تتأثــــــــــــــــر بكره يا صاحبى الحالة تــروق

***

ارفع راسك كده فى العـــــالى ومفيش حد عليك متعـــــــــالى

انت زعيمهم ومعلمـــــــــــهم ازاى نحمى الوطن الغـــــــالى

***

شعب أصيل من ساسه لراســـه واخد الحكمة من كراســــــــــه

أخلاق عالية مش متعاليــــــــه عمره ما يتكبر على ناســـــــــه

***

مسلم قبطى إيد فى الإيـــــــــــد والعيد عند اللتنين عيـــــــــــــد

واللى يفكر يصنع فتنــــــــــــــة هنأيد إيده بحديــــــــــــــــــــــد

***

فى الميدان مسلم بيصـــــــــــلى ومسيحى بيصونه تمـــــــــــــلى

والمسلم يحرص له كنيستـــــــه ارفع راسك فى السما علــــــــــى

***

رجل الدين كلنا بنحبــــــــــــــــه ما بنسمحش لحد يسبــــــــــــــه

دين الله لله يا اخوانـــــــــــــــــه واللى يخالف مش هنحبـــــــــــه

***

اصبر يابنى عليه شويــــــــــــة طلباتك دى كتيره عليـــــــــــــه

لما الإنتاج يكتر اطلـــــــــــــــب هنحققها وفوقها شويــــــــــــــة

***

الفاسدين كانوا خربين بيتنـــــــا سارقين قوتنا وخارمين حيطنـا

وديون مصر اللى نهبوهــــــــا هنسددها من قوتنــــــــــــــــــــا

***

قبل ما نطلب لازم نعمــــــــــل علشان مصرنا تصبح أجمـــــــل

علشان إبنى لازم أبنـــــــــــــى لما هننتج الخير يشمـــــــــــــــل

***

سيبك سيبك م الإشاعــــــــــات زمن الضحك علينا أهو فـــــــات

لا فلان عايش بعد ما مـــــــات ولا ريس يصنع أزمـــــــــــــــات

***

ارفع راسك بعد الثــــــــــــورة إنت سترت العيب والعــــــــــورة

والعالم كله بـيشهــــــــــــد لــك ثورة مصر دى أحسن ثـــــــورة

ناصر المتولى أحمد معلم أول اللغة العربية السنبلاوين الثانوية بنات