اللي مش عايز يعرف مشكلتي انصحه ما يدخلش ( بجد)

[الجمالwالباكي]

انا وباختصار اكتر وحدة فشلة في الدنيا يعني من الاخر مفيش حاجة فلحة فيها واهمها المزاكرة اللي اقل حد يعرفني بيقولي اني مجموعي لان يقل عن 98 % وهوا ده اللي ضيعني العشم الكبير من اهلي والناس كلو كان مفكرني المتفوقة الخلوقة العاقلة ولكن للاسف جاتلي حالة نفسية من شهر 10 تقريبا كرهت الكتب والناس والمدرسين والدروس ونفسي وايه السبب ربنا اعلم ومن ساعتها اسمي بقا الفاشلة على مستوى العائلة حولت امحي اللقب ده عني لكن مقدرتش قولت لاهلي انا عايزاكم تشجعوني بس وانا حرجع زي ما كنت قلولي احنا مش فاضينلك ولا فاضين لمشاكلك حليها لوحدك يعني من الاخر متئرفنااااش ده كلام خواتي البنات اما امي ربنا يرحمها وابويا عادي عندو افشل انجح متفرقش ولا ليه في فلوس دروس ولا اااااي حاجة اما خواتي فلفلوس اللي بيدوهالي بيسمموها الف مر ةقبلها بيقولولي احنا بنات وومخطوبين وعايزين كسوة وانتي قرفتينا في عيشتنا حولت اطلع ادور على صديقة بس للاسف ملقتش غير واحدة تسمعني يوم ومشفهاش شهر قلت يمكن الحب هو اللي ناقص حبيت واحد قريبنا وقلي عمري ما اسيبك ابدا قلتلو فكر انا وحدة حياتي متحطمة قلي فكرت وعمري ما اتخلى عنك واول لما اختي شفتو معايا قلها مليش دعوة دي اختك اللي بتحبني وانا مبحبهاش وحاول يطلعني وحشة قدام اهلي وقعدو اهلي يقولولي انتي عوزة تفضحينا وكلام ياما ولكن محدش فكر يشجعني اني ارجع ازاكر واتعدل ومعرفتش ليه بالرغم انو محصلش حاجة بينا عشان يخاف انه يقول انه بيحبني والامتحانات زي ما احنا عارفين كمان 9 ايام وانا ما انكرش اني خاتمة الكتب ولكن من امتى من شهر 2 ونسياها تماما غير اني مستوايا زفت في الرياضة وشوية في الكيميا وحبة في النحو
انا على فكرة مبتكلمش عشان عايزة مساعدة انا عارفة اني في مشكلة ملهاش حل بس انا حبيت افضفض عشان انا مخنوقة لدرجة الموت ومعلش اني خنئتكم معايا
بس حاجة واحدة هيا اللي مزعلاني هيا اني يوم ما احتجت حد يقف جنبي ويساعدني ولو بكلمة كويسة ملقتش حتى اقرب الناس ليا ده كان كل اللي طلبتو منهم ولكن للاسف كان يمكن طلبي كبيرررررررر عليهم انا كده طول عمري تقيلة على قلب كل الناس اللي تعرفني مع اني عمري ما حاولت ازعل حد مني ولكن ده قدري وانا رضية بيا ويمكن ربنا يعوضني بعد ما اموت اتمنا اني ما ازعجتش حد فيكم زي عادتي ..........

سلااااااااااااااام

[hoda_gabr]

اختى ألم تفكرى يوما بأن تستعينى بالله ؟

أليس هو القائل جل علاه : (( أمن يجيب المضطر اذا دعاه و يكشف السوء ))

ألم تفكرى يوما ان تقومى فى جوف الليل لتصلى و تدعى ربك و تبكى بين يديه

اختى من تذلل لله أعزه الله و من تذلل لغيره ما زاده ذلك الا زللا

[Haneen_Riri]

بصراحه هدى قالت اللى كنت عايزه اقوله حاولى تعملى كده وبلاش اليأس وان شاء الله مفيش مشكله مالهاش حل

[الجمالwالباكي]

انتو يا جماعة محسسني انو انا مبصليش ولا كنت بدعي
بالعكس دا انا الوحيدة اللي بصلي في خواتي
وانا الوحيدة فيهم اللي بتابع في المواضيع الدينية
بس انا مشكلتي اني مش عارفة ايه سبب المشكلة اللي انا فيها ؟؟؟؟؟؟؟؟

[ThèGôldènBôy]

انا ملاحظ انك مسجلة من 2010

ومجموع مشاركاتك 20 وكلهم في نفس المشكلة

بس دي من اول السنة ملقتيش حل ليها؟؟؟

حاولي تتقربي لله اكثر مش عارف لية من كلامك حاسس انك هتجيبي مجموع كبير

وان شاء الله هتجيبي مجموع كبير

فاكرة الموضوع دة؟ http://www.thanwya.com/vb/showthread.php?t=304081

انا بعد مشفت الموضوع دة حلمت بانك جبتي مجموع كبير يدخلك كلية طب مش عارف لية

خليكي على ثقة كبيرة بانك هتجيبي مجموع بس لو راجعتي كتير الايام دي واتجهتي الى الله

بالتوفيق ان شاء الله

[هارى12345]

السلام عليكم ورحمة الله وبركاته
بصى انا هجبلك من الاخر
مش هنعيد ولا نزيد اللى حصل حصل هما شوية اكتئاب الناس كلها بتاعنى منها فاعتبرى الامر عادى يعنى والمشكلة اللى انتى فيها كتير مروا بيها مش انتى لوحدك
انتى قومى من على الجهاز دلوقتى حالا
وسيبك من المنتدى ومن اخواتك ومن الدنيا كلها
انتى بتصلى الحمد لله
متفوقه الحمد لله
مخلصا المواد
ان شاء الله جاهزة للامتحانات
انتى ذاكرتى كتير وتعبتى ومقعدش غير ايام هيحددوا مستقبلك
دى مش معركة دى امتحانات عادية جدا ان شاء الله سهلة
متعقديش نفسك وتقولى انا ناسية كل حاجة وانا مش عارفة ايه
لا انتى فاكرة كل حاجة ولكن الاكتئاب والتوتر مأثرين عليكى جامد فدا سبب احساسك بانك ناسية كل حاجة
لازم تشدى حيلك الايام دى . وتعملى اللى عليكى وربنامش هيضع تعبك ابدا
كل كلمة انتى ذاكرتيها ولا قريتيها مسجلة فى مخك دلوققتى هما حبه تركيز والموضوع يبقى تمام اوى
ادخلى الامتحانات واثقة من نفسك مهما كنتى خايفة اوحاسة انك مش فاكرة حاجة
متستسلميش للاحساس ده لان معظم الطلبة بيبقوا مذاكرين والخوف والقلق بيوترهم فى الامتحانات مش بيحلوا
انتى هتتوترى ليه يعنى ركزى فى الاسئلة وقولى انا فكراهم وابدأى حلى
كل العجن اللى انا كتبته ده ليه
ان شاء الله انتى شدى حيلك و تجيبى مجموع يرفع راسك ومحدش يقدر يكلمك نص كلمه
هترجعى متفوقة ان شاء الله .لا انتى اصلا متفوقة هتفضلى طول عمرك باذن الله
كلنا هندعيلك باذن الله تخرجى من الازمة دى وتجيبى مجموع عااااااااالى جداوافتكرى بلاش الافكار السيئة
والسلام عليكم ورحمة الله وبركاته

[Asa7be Wawa]

انت مخلصه من شهر 2 بس مذاكرتيش بعد كده خلاص مش مشكله خالص ال9 ايام دول و الله تعملى فيهم كل حاجه
و الله ناس اعرفهم مبيذاكروش غير قبل الامتحانات و بردو عملوا كده فى تانيه ثانوى و جابو كلهم فوق ال90 %
روحى ذاكرى من دلوقتى و جددى نيتك و ان شاء الله تتفوقى مين عارف يمكن الشويه اللى حتذاكرهم دلوقتى يجي منهم كل الامتحانات
و حقول لك جمله انا مؤمن بيها ايمان تاااام "Late better Than Never " يالا مش عايزين نشوفك تانى غير يوم النتيجه و تكون تمام ان شاء الله

[Eng..LiNa]

انا هقولك علي حاجه واحده بس اتعلمتها من ظروف كتير مريت بيها
لو الدنيا كلها بتتقلب حواليا وقت المذاكرة مقدس وممكن اموت نفسي من الاكتئاب بعدها او قبلها
وقت المذاكرة ده متعمليش في اي حاجه غير المذاكرة
بمعني اصح
كل اللي بيحصل حواليكي في كفه ومستقبلك فالكفه التانيه
ووالله اللي بيفصل مستقبله عن حياته الاجتماعيه هو اللي بيعرف ينجح
ربنا معاكي
تقبلي مروري...

[الجمالwالباكي]

انا بجد مش عارفة ازاي اشكركم
على كلامكم الجميل وانا يشرفني
اني يكون لية اصدقاء زيكم احسن من الخوات بكتيررررررررر
انتم بجد ساعدتوني على اني اخرج من الحزن اللي انا فيه وانشالله حرجع ازاكر وربنا انشالله حيساعدني انا وكل الطلبة السنادي
وابطل بقا اكتب في المشاكل والبلاوي بتاعتي كل يوم في المنتدى هههههههه