ودعكنا الفانوس

[قلم طموح]

السلام عليكم ورحمة الله وبركاته



قصيدة مني من الشعر اللي بيقولوا عليه "حلامنتيشي"عن الثورة المصرية



يا ثورة ولدت... في الشارع اشتعلت ... في حينا طلعت... في مصرنا انتشرت ... وتميدنت رفعت
يا ثورة شباب يا فجر حرية
يا نهر إكرام يا شمسنا أبية
يا مصر قد ثرنا رددنا أغنية
فلترحل اليوم فالكل تضحية
***
قالوا علينا صيص
زودوا في التخبيث
قالوا عيال بتهيس
قالوا دماغ ملحوس
قالوا شباب الفيس
مصر دي داخلة كابوس
ولا هتشوف يوم شمس
***
قلنا هنتحداكم ودعكنا الفانوس
قوموا يلا يا ناس عارف ان الإفلاس
مالي جيوب الناس ولا تسلم لك راس
***
نازلين ويايا يا جماعة يوم 25 ؟ نازلين
رافعين الراية وبهمة قلنا له أيوه حاضرين
***
رايح فين يا واد أنت وهوه
شايفاك يا أما بتبكي أنين
رايح أجيبلك حق سنين
رايح آه يمكن مش هأرجع
بس الحق من الظالمين
يومها هيرجع مفتخرين
***
قالت
يا بني الله يخليك
برد ما تنزل يرضي عليك
قالها أبويا "سيبي الواد"ومكملهاش طرت بسرعة
***
ونسيت أنا أودع إخواتي
ولا شفت خطيبتي وحماتي
ولا خدت هدومي وأدواتي
من يومها حافظت علي صلاتي
ونزلنا نهاتي وننادي
وهتفنا باسمك يا بلادي
***
هتعيشي فجر الحرية وهيرحل عنك أبو الهول
والعائلة المحترمة دهيه هتأخدهم داهية ملقية
والبت الفلاحة زهية هتلاقي حقوقها المنسية
هتحس بطعم الحرية وهتنطق ديمقراطية
هنحس بطعم الحرية هتصير عتد الكل قصية
***
ضربونا بنيران وحديد
سحبوا الشرطة ولا هيفيد
هأفضل يا بلادي بنشيد
مش ماشيين مهما هتزيد
***
لا أرجع بكرامتي علي بيتي
علي مكتبي أو حتي غيطي
أو روحي فدا الأرض دهيه
***
أما الميدان

أما الميدان ميدان الجدعان
مسلم ومسيحي فدا الأوطان
ماسبونيش ليلة اباتها جعان
وغطانا اتقاسم ولا بردان
واتولدت وحدة في الميدان
***
بلطجة ورصاص
زدناها حماس
بتحضر ايوه وبإخلاص
وحمينا الشارع والناس
والجيش اتدخل عالراس
وكرامتي اتصانت يا ناس
ولا بهدل فيا وأهني
شارك أحلام الكراس
شارك رسوماتي وأشعاري
وضحك ويايا بنهاري
وحماني في ليلي الحراس
***
نزلوا بجمالهم وعزالهم
زادونا ثورة وحماس
وخطاب بعده باي أساس ؟
يا كبير الحرامية يا عيل
هتعيش والله الإفلاس
مش راجع غير لما تعزل
واعمل ما بدالك ماخلاص
***
بتقولوا حوار ؟؟ ولا اسمه هزار؟؟

ارحل جدول أعمالي مليان
يا سارق دمي وسارق المال
والحاشية المحترمة معاك
ما الوحدة صعبة أمال ؟

وانتصرت شمس الحرية
أنا مرجعتش بس يا أمي

كفاية تفرح بيا زهية
كفاية يعيش الكل قضية
ويباتوا في السجن رمية
وتشوفي يا بلدي الحرية

واجبي وأديته يا زهيه
دوركم أنتم ياللي بعدي
حافوا علي بلد الحرية
قولوا لأمي ما راحش بلاش
والكل فداكي يا وطنية

بقلم / سارة
2-6-2011مـ

[الجنية الزرقاء]

يا ام الشهيد متزعليش
ابنك بطل متعيطيش
بدموعك انتي متزيديش
الجراح متفتحيش

ووعد يا شهيد
من غير ما نعيد اونزيد
هنكمل المشوار وهيبقي الكل سعيد


تسلمي كتير علي هذه الكلمات المليئه بالمشاعر الصادقه

توبيك رائع

[قلم طموح]

شكرا عالمرور