اصحاب النتائج المحجوبة تانى

[محمد السويركى]

معلش يا جماعة حتعبكو معايا شوية
انا من ضمن اللى نتايجهم اتحجبت وبعد معاناة مع الايميل والفاكس قدرت ابعت فاكس واحد يوم الثلاثاء 7 يونيو
هل الفاكس الواحد ده يكفى ؟
وبعدين هل مشكلتى اللى انا ححكيهلكو هى السبب فى حجب نتيجتى ولا ايه بالظبط؟
انا عقدى مدرس انجليزى اعدادى ثانوى وكانت بيانتى فى اول رسالة جتنى على البريد الاليكترونى للمعلم المساعد تحمل هذا المعنى . المهم فضلت شغال فى المدارس الاعدادى لحد ما جاء المقرر ( منو لله ) ونقلنى لمدرسة ابتدائية وبالصدفة كان مركز التطوير بيحمل احصائيات علشان يعمل صفحات الاحوال الاليكترونية فتم تسجيل بيانتى على اساس انى فى المرحلة الابتدائية وبناء عليه نزل تخصصى معلم انجليزى ابتدائى بكود c11
ولما جاء امتحان الكادر واخدت صحيفة الاحوال اللى فيها رقم الجلوس والبيانات بتعتى فوجئت بالكلام ده وزى ما كلكو عارفين ان كان فيه اعلان فى اسفل الورقة بيقول ان اللى تخصصو المكتوب مخالف للتخصص اللى اتعاقد عليه يجيب من الادارة التعليمية ما يثبت ذلك ويقدمو لرئيس لجنة الامتحان .... وده اللى عملناه انا ومجموعة من الزملاء وبناء عليه امتحنا مادة التخصص انجليزى اعداى ثانوى بكود c29
مما سبق هل حجبت نتيجتى لاننى امتحنت تخصص مخالف للتخصص الموجود فى صحيفة الاحوال ؟ ولا ايه بالظبط؟
اللى فهم حاجة يقولى