البرادعي رئيسا ، لماذا؟ وكيف ؟

[radwa esmaeel]

انا اؤيد البرادعى لرئاسة الجمهورية
لدى فيديوهات كثيرة ترد على كل الاتهامات الموجة لة
وكل شىء مردود علية بالفديو والدليل
لكن للاسف لااسطيع وضعة لان عدد مشاركاتى لا يتجاوز 25 مشاركة

[radwa esmaeel]

انا كدة عديت 25 مشاركة اللينك اهو
http://www.facebook.com/note.php?not...40552149343362

[radwa esmaeel]

أختى العزيزة أهلا بك
الأدلة على براءة البرادعى من كل هذا العبث .. موجودة وكثيرة
وسبق ان قمت بعمل موضوع بعنوان ( بالأدلة .. دحض كل التهم الموجهة للبرادعى )
وطبعا .. مشفتش حد علق على الموضوع أصلا

اهلا بيك ياهانى
كالعادة مشكلة كثير منا اننا نسمع عن فلان ولا نسمع من فلان
ومع ذلك انا متفائلة جدا بالبرادعى وبانة رئيس مصر القادم

[radwa esmaeel]

البرادعى ماشى بخطى ثابتة وفى كل مرة يقول حاجة يطلعوا يقولوا لة ياعم انت بتحلم
فاكر لما قال انه سيحدث تغير فى مصر ولما راهن علىالشباب
ميزة البرادعى انه فكرة سابق بسنيين ضوئية
اما غيرة اللى قاعد ملوش شغلانة غير الهجوم والنقد السلبى
دول هيفضلوا كدة طول عمرهم ويما سيوفجئوا بة رئيساللجمهورية
لانهم اضاعوا وقهتم فى الهراء وغيرهم عمل بجد ونزل الى ارض الواقع

[Magi_90]

نعم وألف مليون نعم للبرادعى

[حجابى كل حياتى]

الأيام بيننا وهنشوف
مع احترامى لكل المرشحين للرئاسة
بس حاسه ان لسة ما جاش الرجل اللى يكون قائد لينا

[زكريا مختار]

المشاركة الأصلية كتبت بواسطة حجابى كل حياتى

الأيام بيننا وهنشوف
مع احترامى لكل المرشحين للرئاسة
بس حاسه ان لسة ما جاش الرجل اللى يكون قائد لينا

فعلا كلهم ماينفعوش دا من وجهه نظري ان رئيس مصر لم يظهر بعد

[أيمن الوزير]

يا جماعة لو عملتم استفتاء في بيت البرادعي وأنا واثق لن يفوز بالمركز الأول وجربوا واعملوا استفتاء في أي صفحة وشوفوا النسبة و الله في مصر ملايين أحق منه وهذا رغم حبي لعلمه

[أيمن الوزير]

لا والله العظيم لا للبرادعي

[hatemT]

المشاركة الأصلية كتبت بواسطة هانى الشرقاوى

بدون مقدمات ...
الدكتور محمد البرادعي أنسب شخص لهذه المرحلة بلا شك ، وبلا منافس يذكر ، مع كامل احترامنا لجميع الأسماء المطروحة ، فإذا أردنا أن نجيب على سؤال لماذا البرادعي ؟
نقول وبالله التوفيق إن ذلك لأسباب عشرة :
السبب الأول : أنه رجل دولة من الطراز الأول ، وسجله يدل على ذلك ، فهو رجل يعمل بالسياسة منذ أربعة عقود ، وترأس منصبا دوليا عالميا حساسا وأداره بكفاءة منقطعة النظير .
وهذا من أهم الفروق بينه وبين أسماء أخرى رُشحت لهذا المنصب ، فالآخرون علماء يصلحون للابتكار داخل المعامل ، أما إدارة الدولة فهذا أمر آخر .
السبب الثاني : أنه وجه معروف على المستوى الدولي ، وهذا الأمر يطمئن كثيرا من القوى الدولية و الإقليمية .
السبب الثالث : أنه وجه معروف محليا، وأعلم أن البعض يصنف الدكتور البرادعي كنجم نخب ، ولكني أختلف معهم في ذلك ، فالرجل أصبح علما من أعلام مصر بعد حصوله على جائزة "نوبل" ، و تجاوزت شهرته دوائر الصفوة إلى كثير من دوائر العوام ، وهذا ييسر الحشد له أكثر من غيره من نجوم السياسة اللامعين في النخب فقط .
السبب الرابع : أنه يقف في الوسط من جميع التيارات ، ومن جميع القضايا ، فلا هو (خميني) يهابه الغرب ، ولا هو (خواجة) يتحفظ عليه الفلاح و رجل الشارع البسيط .
السبب الخامس : ابتعاده عن مصر فترة طويلة ، وبالتالي لم يتنجَّسْ بخطايا هذا العهد ، فلم يُسْتَوْزَرْ ، ولم يُسْتَشَرْ في أي خطأ أو خطيئة للنظام ، وفي نفس الوقت لم ينضم لأي قوة معارضة من أي نوع ، فهو مستقل عن الحكومة ، وعن المعارضة ، و وصوله لمنصب الرئيس لن يعتبر انتصارا لأحد ضد أحد ، أو لتيار ضد تيار ، بل سيكون انتصارا للجميع ، أي سيكون انتصارا لمصر !
السبب السادس : أنه رئيس مدني .
السبب السابع : أنه كبير في السن نسبيا ، وبالتالي لن يستطيع سوى أن يكون قائد مرحلة انتقالية ، تخرج بها مصر من هذا النفق المعتم ، وقد حصّل من المجد قبل توليه الرئاسة ما يغنيه عن طموح دوام المجد بدوام الرئاسة !
ونحن في مرحلة نحتاج فيها رئيسا انتقاليا يهيء البلاد لمرحلة البناء والنهضة ، بمعنى أننا نريد رئيسا يحول مصر لدولة تريد النهوض ، أما الرئيس الذي يحقق النهضة فهذا رئيس آخر ... لم يأت أوانه بعد !
السبب الثامن : أنه ليس عدوا لأي قوة من القوى العظمى في العالم ، فهو لم يعلن مواقف من أي نوع في العديد من القضايا الشائكة ، فلا هو من منكري (الهولوكوست) مثلا ، ولا هو من مؤيدي النازية ، ولا هو ملحد ، ولا هو أصولي متشدد ، وموقف إسرائيل و أمريكا منه لن يكون بالعنف الذي يمنع ترشحه ، لأنه في النهاية ليس صقرا من صقور التشدد ضدهم ، وفي نفس الوقت ليس لعبة في أيدي القوى العظمى كما هو حالنا الآن ، ومصر تحتاج شخصا بهذه المواصفات لمرحلة انتقال من التبعية المطلقة إلى الاستقلال المحدود ، الذي يؤدي بعد ذلك إلى الاستقلال الكامل .
السبب التاسع : حصوله على نوبل ، وهذا أمر سيحد من حماقات النظام في التعامل معه ، وسوف يُيَسِّرُ الكثير من مهمة القوى الوطنية في إرباك الإعلام الحكومي الذي تورط بالفعل في الإشادة بالرجل بعد حصوله على الجائزة .
السبب العاشر : صفاته الشخصية . فهذا الرجل يُجمع كلُّ من عمل معه على أنه ذكي لدرجة العبقرية ، مجتهد لدرجة التفاني ، متواضع ، حباه الله صبرا دؤوبا على تحقيق الأهداف ، وصلابة المقاتلين من أجل ما يؤمن به .
هذه مميزات الدكتور البرادعي في رؤيتي المتواضعة ، ولكن ...
هناك من يرى أن فيه عيبين رئيسين ، هما :
1 – أنه (أمريكاني) ...!
وهذا كلام غير صحيح جملة وتفصيلا ، فالرجل ليس أمريكيا بمعنى الهوى والرؤية ، ولكنه أمريكي من ناحية الأساليب الإدارية ، وهذه ميزة وليست عيبا .
2 – أن في تاريخه خطيئة كبرى ، ألا وهي مسؤوليته عن احتلال العراق ، ذلك أنه كان على رأس وكالة الطاقة الذرية حين احتلت أمريكا العراق .
و هذا – مع احترامي – كلام غير صحيح أيضا ، فالرجل أُمرَ أن يفتش عن الأسلحة ، ولم يكن هو صاحب القرار ، وهو – كمسؤول دولي – لا يملك ألا أن يمتثل ، وفي نهاية الأمر لم يستجب لكل الضغوط لكي (يفبرك) تقريرا يدين العراق ، فأصدر تقريرا نزيها ماكرا ، لدرجة أن أمريكا لم تتمكن من غزو العراق بقرار دولي ، بل خرجت عن الشرعية الدولية ، وغزته بقرار فردي !

أولاً: أنا برحب بيك يا هاني, واحشتني الكام ساعة دوووووول


ثانياً: ممكن تسمحلي أعلق على الحاجات اللي باللون الأحمر؟

ماشي شكراً.......


1-هذه يا سيدي ليست صفة مميزة للبرادعي دون غيره, في أشخاص كُثُر تقلدوا مناصب سياسية مثله. هل أي شخص كان سياسياً في يوم ما هذا يؤهله لإدارة مصر؟لا أعتقد.
غير ذلك, أثناء عمله في السياسة, ما الذي أفاد مصر من ذلك, بكلمات أخرى بماذا أفاد البرادعي بلده مصر؟


2- جمال مبارك وجه معروف, أيمن نور وجه معروف, عمرو موسى وجه معروف, أعتقد أيضاً أن هذه ليست صفة تجعل البرادعي أقوى.


3-أعتقد الإجابة لن تختلف كثيراً عن سابقتها"بالنسبة لموضوع جائزة نوبل هتكلم عنه بعدين"


4-هذه فكاهية جداً. اسمحلي أقدم لك نموذجين

أ-البرادعي قبل الثورة ماذا يقول عن الاخوان؟
البرادعي: الإخوان أكبر حزب شرعي في مصر لأنهم يمثلون المعارضة القوية والحقيقية اللينك:http://www.masrawy.com/News/Egypt/Po...6/barad3i.aspx
بتاريخ:6/6/2010

ب-البرادعي بعد الثورة ماذا يقول عن الاخوان؟
البرادعى لـ "سى إن إن": أخشى على مصر من سيطرة الإخوان
أنا مش هحط اللينك بتاع الخبر ده علشان مصر كلها عارفاه وده مش جديد, واتنشر في كل حتة.
وعلى العموم آدي اللينك بتاع اليوم السابع:http://www.youm7.com/News.asp?NewsID=418525
بتاريخ:الأحد، 22 مايو 2011

مش عارف بقى؟ هل هو منافق؟ ولا كداب؟ ولا مش فاهم حاجة؟ الله أعلم


5-يا سيدي الفاضل غلط , بلاش الأسلوب ده.
مينفعش تقول كان بعيد عن مصر عشان كده لم يدَنَّس بخطايا النظام.
طيب معنى كده بقى أن الاخوان مدنسين, نجيب ساويرس مدنس, الغزالي حرب مدنس, شباب الثورة مدنس. أنا أعتقد أن دي سقطة منك يا هاني.


6- نفس الحوار, كل المرشحين حتى الآن مدنيين, باستثناء الفريق أركان حرب سابقاً مجدي حتاتة-رئيس هيئة أركان حرب القوات المسلحة سابقاً-, واللواء أركان حرب محمد بلال مع أنهم الآن لاينتمون إلى القوات المسلحة المصرية العظيمة, إلا أنني اعتبرتهم عسكريين وليسوا مدنيين.


7-الله أعلم متحكمش على النية


8-ده بقى كلام في منتهى الخطورة. هرد عليه في نقطتين
أ-يعني سياديك بتقول لا ينتقد النازية ولا اليهودية ولا الصهيونية ولا الشيوعية!!!!!!!!!
يعني ايه؟ مالوش توجه ولا رأي ولا أي حاجة

ب-حضرتك بتقول

وموقف إسرائيل و أمريكا منه لن يكون بالعنف الذي يمنع ترشحه ، لأنه في النهاية ليس صقرا من صقور التشدد ضدهم

طيب. هل هذا معقول؟ يا راجل دا احنا دقنا الذل بسبب مواقفنا الذليلة أمام أمريكا واسرائيل; استباحوا أرضنا وثرواتنا, وحضرتك جاي بتقولها بمنتهى الصراحة أنا أؤيد البرادعي عشان الكلام اللي أنت بتقوله ده. لا حول ولا قوة إلا بالله


9-نيجي بقى لموضوع نوبل.
مين يا هاني اللي بيدي جايزة نوبل-في حقيقة الأمر- حلفاء صهيون
يعني مش أي حد يا خذ جايزة نوبل يبقى من العشرة المبشرين بالجنة, والراجل ده مفيش زيه, ده كلام غير منطقي, وبعدين محمد البرادعي واخدها في السلام


10-فاصل ونواصل


أرجو تقبل الرأي بصدر رحب والرد المقنع على رأيي

[hatemT]

يا هاني أنا مؤمن بكلام الله سبحانه وتعالى"ولن ترضى عنك اليهود ولا النصارى حتى تتبع ملتهم....."
حضرتك بتقول يسايس أمريكا واسرائيل"معلش مع احترامي ليك حضرتك مش قريت في تاريخ هؤلاء المجرمين ولا عرفت أسلوبهم وحقدهم على العرب عامةً والمسلمين خاصةً" طيب ما حسني مبارك كان مدلدل-سوري في اللفظ- لأمريكا و اشرائيل كانت ايه النتيجة؟
أنا مش بقول أول ما يمسك الحكم تاني يوم الصبح يروح يحارب أمريكا واسرائيل أنا مش مجنون عشان أقول كده
أنا بقول أن يكون موقفه من هاتين الدولتين محدد وواضح.
وبعدين أنا هسألك سؤال؟
بس تجاوب اجابة واضحة ومحددة لو سمحت
هل تعتبر أمريكا واسرائيل أعداء لمصر أم أصدقاء لها. تجاوب ب(نعم/لا)

نقطة مهمة أوي كويس أنك ذكرتها حضرتك بتقول

عمل فى وزراة الخارجية المصرية كثير كثيرا حتى وصل لدرجة مساعد وزير الخارجية وتركها اعتراضا على اتفاقية كامب ديفيد

طيب معملش كده ليه ساعة حرب العراق؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!
مسبهاش ليه طالما هو كان معارض وبشده موضوع غزو أمريكا للعراق. ألا تستحق تضحية بالمنصب من أجل ذلك؟؟؟؟؟؟؟؟؟؟
معلش أنا مش هقدر أرد على كل اللي أنت كتبته علشان بمل من الكتابة الكتيرة
بالنسبة للنقطة بتاعة الجائزة كانت في السلام مش في حاجة تانية
أنا متعجب من ردك والله, المفروض أنك بتدرس في جامعة يعني أكيد مش أقصد أنه مأخدهاش في الفيزياء عشان كده هو وحش أنا أقصد أن جائزة نوبل في السلام دي من الآخر عاملة كده زي اللاعب اللي عنده روح رياضية, ودي مش محتاجه فكاكه أي حد ممكن ياخدها, واحنا كشعب مصري مرشحين جداً لجائزة نوبل في السلام على حد قول رئيس النمسا, يعني مش أسطورة خاااااااااااارقة أن الواحد ياخد نوبل في السلام
ياسر عرفات أخدها, والسادات أخدها,,,,,,,,,,,,,

[hatemT]

المشاركة الأصلية كتبت بواسطة هانى الشرقاوى

يعنى هو الرجل هسيب الإسلام ويتبع المسيحية أو اليهودية ؟؟!!
انا مقولتش بسايس أمريكا .. لان الرجل مش كده ..
الراجل يحافظ على العلاقات معهم .. لكنه مش طرطور ..
والراجل موقفه من إسرائيل ومعارضته للهيمنة الأمريكية معروف وواضح
والراجل فى برنامج واحد من الناس .. قالها ..إن مستعد يحارب إسرائيل من أجل غزة
وكمان قال إنه لو بقى رئيس أول قرار هيتخذه هو فتح المعابر مع قطاع غزة ..وقال كمان غنه سيبحث تفعيل إتفاقية الدفاع العربى المشترك .. وقال إن إسرائيل بتلعب بالعرب ..لانه مفيش قوة عربية واقفة فى وشهم .. يعنى الراجل حازم ومش طرطور
والراجل عارض أمريكا ووقف فى وشها .. رغم أنه كان مجرد شخصية عالمية .. مش رئيس دولة ؟؟!!

( يعنى موقف الراجل من الدولتين معروف )

تاريخ امريكا وإسرائيل .. عارفه كويس .. لكن من الذكاء السياسى إنك تكون على علاقات حتى مع عدوك

رأيى فى امريكا وإسرائيل

السياسية الأمريكية .. هى أكبر سياسة إرهابية فى العالم
والسياسة الإسرائيلية هى محور الشر العالمى


طيب انت شايف انه من الذكاء إنه كان يستقيل ؟؟!
ولا كان يقف فى وجها ويفقدها الشرعية الدولية ؟؟!!
الراجل إستقال من الحكومة المصرية لأنه كان شغال عندها وفيها
أما ليه يستقيل من الوكالة ؟؟!
هى الوكالة أمريكية .. ولا هو شغال عند أمريكا ؟؟!
لو كان استقال فعلا .. كان أثبت للعالم كله إنه موالى لأمريكا وكان اللى هيبقى بعد .. كان هيقول العراق اكبر قوة نووية فى العالم

لكن الراجل الشريف .. ووقف وفض كل الضغوطات الأمريكية .. ورفض الرضوخ لأمريكا

وبعدين يه الخلط .. الراجل شخصية دولية مأمور بالتفتيش عن الأسلحة .. وفتش ودور .. وقال مفيش .. وأصدر تقرير ..نزع عن امريكا الصبغة الدولية والشرعية ..
والراجل مش هو صاحب قرار الحرب يعنى

يعنى الراجل أدى شغله وعمله بأمانة وبضمير

نيجى احنا نحمله أخطاء أمريكا وإجرامها وتهاون العرب وضعفهم

لا إله إلا الله
[/center]

شوف يا هاني أنا بدأت بكلام الله, فا مش هسيبه وأسمع كلام بعض الساسة اللي يقولك اعمل علاقات مع عدوك, ده كلام هتلر وأظن أنت تعرف مين هو هتلر......................أنا هصلي وبعدين أكمل

[طلاب علم]

مشكووووووووووووووووووور

[hatemT]

المشاركة الأصلية كتبت بواسطة هانى الشرقاوى

وهو ربنا امرنا إننا نتصرف بتهور وجنون
تخيل انت لو الرئيس القادم لمصر جه وقال بغباء سياسى
أنا أقطع علاقاتى بأمريكا وبالغرب الكافر وبإسرائيل الإرهابية
هيبقى ايه العمل ساعتها ... بتهيألى هنبقى السودان 2

إنما لو راجل حكيم زى البرادعى
يقول لا للهيمنة الأمريكية .. ويرفض الرضوخ لأمريكا
ويقول لا لإسرائيل .. ويقول إنه مستعد للحرب من اجل غزة
ويقول إنه هيفتح المعابر كلها مع غزة .. ويقول إنه هيبحث تفعيل إتفاقية الدفاع المشترك
ويقول إن إسرائيل محتاجة قوة عربية متحدة تقف فى وشها .. وكمان يدعو لقيام كونفدرالية إسلامية .. وإتحاد عربى قوى

بعد دا كله نقول الرجل عميل وموالى لامريكا وإسرائيل

بصراحة موقف غير مفهوم بالمرة

أنا عندى امتحان بكرة .. ونقاشات البرادعى دى هتضيعنى .. هنا وعلى الفيس وفى منتديات تانية .. لما نشوف اخرتها

دعواتك

لا . ربنا يوفقك بكرة ان شاء الله, طيب خلاص يا بني روح ذاكر, وبكرة نبقى نكمل, ولا نكمل دلوقتي براحتك اللي أنت عايزه, بس الحوارات دي مش بتخلص أصلها.......

[hatemT]

المشاركة الأصلية كتبت بواسطة هانى الشرقاوى

وهو ربنا امرنا إننا نتصرف بتهور وجنون
تخيل انت لو الرئيس القادم لمصر جه وقال بغباء سياسى
أنا أقطع علاقاتى بأمريكا وبالغرب الكافر وبإسرائيل الإرهابية
هيبقى ايه العمل ساعتها ... بتهيألى هنبقى السودان 2

إنما لو راجل حكيم زى البرادعى
يقول لا للهيمنة الأمريكية .. ويرفض الرضوخ لأمريكا
ويقول لا لإسرائيل .. ويقول إنه مستعد للحرب من اجل غزة
ويقول إنه هيفتح المعابر كلها مع غزة .. ويقول إنه هيبحث تفعيل إتفاقية الدفاع المشترك
ويقول إن إسرائيل محتاجة قوة عربية متحدة تقف فى وشها .. وكمان يدعو لقيام كونفدرالية إسلامية .. وإتحاد عربى قوى

بعد دا كله نقول الرجل عميل وموالى لامريكا وإسرائيل

بصراحة موقف غير مفهوم بالمرة

أنا عندى امتحان بكرة .. ونقاشات البرادعى دى هتضيعنى .. هنا وعلى الفيس وفى منتديات تانية .. لما نشوف اخرتها

دعواتك

بص يا معلم في حكمة أو مقولة بتقول: من لايملك قوته لا يملك قراره....................
أنا عن نفسي أفضل ألا نتحالف ونطبع علاقاتنا مع اسرائيل أو أمريكا, ولكن أن يكون هناك تعامل مثلاً لو بيعملوا حاجة كويسة أو وصلوا لختراع معين مفيش مانع أن احنا نتعامل معهم في كده أو ندرس بره في جامعات أمريكا مفيش مشاكل طالما الواحد مش هيفرط في دينه, لكن أنا حاسس في كلامك بنبرة الهوان أو الاستضعاف.
يا سيدي أنت الأعظم من أوربا ومن أمريكا وأسأل التاريخ نحن لا نحتاج لأمريكا, وأقول وبكلامات واضحة-على رأيي واحد كلنا عارفينه- مصر أقوى من أمريكاو أقوى من الاتحاد الأوروبي ولن نحتاج لهم كطلقاً بل هم من سيحتاجون لنا, ولكن بشرط.!!!!
أن نطبق أحكام النجاح والتفوق والتوكل على الله
وهنروح بعيد ليه؟
مكمن حضرتك تجاوبني وتقولي. أين كانت أمريكا, والتحاد الأوربي, والصهاينة الملاعيييييييين أيام العظماء المسلمين أمثال "الجزري-محمد بن موسى الخوارزمي- ابو القاسم الزهراوي- مريم الاسطرلابية- جابر بن حيان الحسن بن الهيثم. يوووووووووووووووووه مش هخلص"
كل دول كانوا بيقودوا العالم وأوربا كانت وقتها في عصور الجهل والتخلف
اتسلى بالفيديو ده

بالنسبة للحتة بتاعة الوكالة الدولية...........
1-البرادعي عارف أن قرار توليه هذا المنصب جاء موافقاً لرغبة لأمريكان"هاني يا حبيبي, صح النوم, أمريكا الآن تسيطر على كل مراكز القوة اللي في العالم, واللي يقول غير كده يبقى..........."
2-أنا أرى أن هناك مراوغة -معلش متزعلش مني- في كلامك, أيام ما كان في الخارجية استقال عشان كان شغال عند مصر لكن في الهيئة مكنش شغال عند أمريكا .....................كلام لا يقنع أي شخص
3-لماذا لم يفتش البرادعي على النووي في اسرائيل؟؟؟؟؟؟عشان مجتلوش تعليمات زي ما حضرتك قلت, ويا ترى التعليمات دي جاية من مين؟؟؟؟؟؟؟
4- ولا كفاية كده
أقعدوا بالعافية على رأي أبو حفيظة