خبر فرقعة جرائد ومسئولين بتخبط وخلاص

[فتحى فارس محمد مرزوق]

اخوانى انا حاليا فى اسييوط دخلت فى سيبر اشوف اخر الاخبار بعدما ما اتصلوا بى اصدقائى عن الخبر فى جريدة المساء
فقمت على الفور بالاتصال بزملائنا اكدوا انة تصريح لا اساس لة من الصحة
لانة غير الممكن انة يساوى عامل درجة سادسة بواتحد مؤهل هالى اتعيين 1/3/2011
وبعدين المثل قال ( اذا اتكلم المجنون يكون المستمع عاقل )
كما اشكر كل زملائنا ومنهم الاستاذ محمد من بنى مزار للدفاع عنى
وجميع زملائى
ولو لاحظوا الجميع اننى قلت فى كل موضوع ان ممكن يتغلى ويتغير اى قرار فى لحظات وهى دى مصر
وقلت انة توقعات على الفرض انة غيرو القرارات يبقى بيكذبوا على ناس لما نزلو جدول اجور
ونسال اخواننا مين نزل جدول الاجور فى الجمهورية
ومين نزل حساب السن فى الجرائد
ومين قال على لسان وزير المالية انة سوف يتم حساب الدؤجة والفئة العمرية
عاوز واحد عاقل يرد وعفوا مش عاوز واحد مجنون يرد
اشكركم واشكر كل اخوانى الذين دافعوا عنى فى غيابى
واعلم الاخين ان العمل لوجة الله الكريم وبلدنا بلد قرارات وتراجعات
وما خفى كان اعظم
تحت امركم فى اى اتصال لمتابعة كل جديد
اخوكم فتحى فارس محمد
المنيا
0119265334

[طارق احمد عبد السلام]

والله انت رال اصيل مافيش منك
دا انا لسه مكلمك من1/2ساعة واهتميت
ياريت فى منك كتير
يس عاوز تشوف اخر نكته ؟؟؟قصدى خبر!!!!
حنى جريدة لاهرام منذلة الخبر الغريب الذى يقول ان الصعيد مرتباته ستقل عن وجه بحرى
لانمصاريفهم والاسعار اقل؟؟؟؟





أعلن الدكتور أحمد البرعي وزير القوي العاملة والهجرة أن المجلس القومي للأجور سوف يعقد أول اجتماع له خلال الأسبوع الأخير من الشهر الحالي بعد إعادة تشكيله لإقرار القواعد الخاصة بصرف وإعلان الحد الادني للاجور.





وقال الوزير في تصريحات صحفية له علي هامش رئاسته وفد مصر في مؤتمر العمل الدولي في دورته المائة إنه من المقرر اجراء استطلاع حول تطبيق نسب مختلفة من الحد الأدني علي مستوي المحافظات حيث تتم حاليا دراسة اتجاه بأن يكون حد مدن الصعيد بنسبة أقل من المقرر للعاصمة وشمال البلاد نظرا لأن مستويات المعيشة والاسعار في الصعيد تقل بشكل كبير عن باقي محافظات الجمهورية.
وأكد البرعي أن قيام الحكومة بتطبيق نظام البطاقة الذكية سيؤدي بشكل أو بآخر الي تخفيض الأسعار والتحكم في الأسواق, وقد عقد خوان سومافيا المدير العام لمنظمة العمل الدولية اجتماعا مع الدكتور البرعي تم خلاله اقرار الملامح العامة لبرنامج التعاون الفني المشترك بين مصر والمنظمة.

وده الرايط/
http://www.ahram.org.eg/Egypt/News/82863.aspx

[محمد حسين الشربينى]

يا رت تبقى تطمننا عليك
وشكراً أخى الفاضل

[أحمد علي]

ربنا يتولانا برحمته من تصريحات المسئولين في الدولة الغير مسئولين

[mfakhrdeen]

شكرا استاذ فتحى يا محترم

[الدميرى]

الاخ الفاضل والاستاذ المحترم
انت تعلم جيدا انا الحكومة بتلاعب الشعب لعبة ( السيجة )
ودائما تقدم المعلومة والاخر ينفيها حتى تستطلع الجو ومدى تقبل الناس للخبر ام لا
الزميل المحترم لك كل التقدير والاحترام من الجميع
تحياتى لك ربنا يبارك فيك ويصلح حالك

[ابراهيم فليفل]

جزاك الله خيرا
ولجميع الزملاء يجب علينا جميعا اعمال العقل و الصبر والتريث حتى تتضح كل الامور امامنا لكى يمكن الحكم عليها بدون تسرع
وبعدين احنا مستعجلين ليه كل الموضوع مش حيزيد عن 10 او 20 يوم او شهر على الاكثر لان الكلام على مرتب شهر 7 يعنى مش بعيد عننا
انتوا صبرتوا كتير استحملوا شهر وبلاش تسرع فى اتخاذ القرارات
والله الموفق

[إيهاب توفيق عبد اللطيف]

الوحيد فى المنتدى أ.فتحى اثق به
واطمئن من كلامه على التعليم فى مصر
والوحيد اللى جعل فى قلبى طمئنينة من جهة التعليم
بارك الله فيك

[gigirifeat2020]

المجلس سيجتنمع الاسبوع الاخير من الشهر طيب المرتب هيتعمل متى؟

[فيرو]

نشكرك استاذ فتحى على اهتمامك رغم ظروف سفرك لاسيوط

[سمامصر]

أين العدالة الاجتماعية إذا كان التصريح صواب

[أمل الحياه]

بارك الله فيك

ونشكرك على اهتمامك وهذا ماتعودنا عليه منك من كرم الأخلاق

[الدميرى]

ان شاء الله تعالى جميع المعلمين يدخلون ضمن الحد الادنى

[mmar1]

صدمة المالية.. للموظفين! من تجاوز مرتبه 700 جنيه.. لن يستفيد من مشروع الحد الأدني للأجور
كتبت ـ فتحية فوزي وسميرة الديب:
الجمعة 10 يونيو 2011



نفي مصدر مسئول بوزارة المالية ما تناولته وسائل الإعلاممن أن الزيادات المقررة لرفع الحد الأدني للأجور في موازنة الدولة للسنة المالية الجديدة ستتيح للموظفين الذين تزيد مرتباتهم علي 700 جنيه زيادة عامة مقدارها 278 جنيهاً . "المساء" استطلعت آراء عدد من العاملين في قطاعات الدولة الذين أجمعوا علي أن عدم استفادتهم من برنامج إصلاح الأجور الذي تقوم به وزارة المالية فيه ظلم كبير علي كثير من الشرائح المختلفة للعاملين بالمؤسسات والهيئات الحكومية لأن الذين سوف يستفيدون من هذا النظام هم الذين تم تعيينهم مؤخراً ومازالت رواتبهم لا تتعدي 300 جنيه ولم يعانوا مثلما عاني معظم الموظفين الذين مرت عليهم سنوات طويلة في انتظار العلاوة وراء العلاوة من أجل زيادة مرتباتهم. لذلك فإن العدالة الاجتماعية غائبة في هذا المشروع. فكيف تتم مساواة المعينين الجدد بمن أمضوا أكثر من 10 سنوات في العمل. * قال عماد عبدالله ـ موظف: هل يعقل بعد تعب كل هذه السنين أن يطبق الحد الأدني للأجور علي حديثي التخرج ويتركونا نحن الذين عانينا وأفنينا عمرنا كله من أجل الحصول علي علاوة ومرتباتنا ضعيفة؟. * رفعت صبحي "موظف": أنا لا أعارض زيادة الأجور ولكن علي أن يتم وضع خطة شاملة لزيادة أجور باقي الموظفين الذين تعدت رواتبهم الـ 700 جنيه. * محمد حسام علي "مدرس": رغم أننا نعلم جميعاً أن لكل قانون ضحايا ومتضررين منه إلا أننا نتمني أن يكون هناك عدالة اجتماعية تطبق علي الشرائح المختلفة من الموظفين. * انتصار إسماعيل ـ وروحية بيومي وبسيوني خليل "مهندس": من الأولي تطبيق الحد الأدني للأجور علي العاملين القدامي بالدولة الذين قضوا سنوات مريرة وهم يتقاضون مرتبات ضعيفة لم تكن تحقق لهم حياة كريمة. * سعاد محسن "موظفة" ونادية شوقي "عاملة": الذين تقل رواتبهم عن الـ 700 جنيه كثيرون وسوف يحملون الدولة أعباء كثيرة بزيادة مرتباتهم لذلك لابد وأن يتم تفعيل آلية معينة تناسب جميع الموظفين بالدولة.

رد فعل الموظفين

بواسطة lمحمد وجيه

الجمعة 10 يونيو 2011 12:37 م

من الان ايها الحكومة الفاشلة اقول لكم انتظروا رد فعل القدامى من الموظفين والاضراب عن العمل وخلى الاقتصاد يبقى ينتعش بقى طالما فيه حكومة فاسدة زيها زى اللى قبلها ، انتم عاوزين منا ايه لما اكون موظف بقالى 17 سنة ومرتبى 450 جنيه وبالحوافز 710 اعيش ازاى انا ومراتى وبنتين عاوزين يعيشوا ويتربوا احنا زهقنا وطهقنا حرام عليكم يا كفرة يا ظلمة لما اكون على الدرجة الثانية ومرتبى كده وغيرى على نفس الدرجة فى وزارة ثانية وياخد 2000 جنيه ليه يعنى ؟هو بيعمل اللى انا مبعملوش وذنبى ايه انى اتعينت فى وزارة بنت ستين كلب وغيرى اتعين فى وزارة بنت ناس احنا زهقنا وقرفنا من ام التفرقة فى البلد دى وانا عن نفسى وزمايلى مش هنسكت واعملوا الى انتم عاوزينه احنا اصلا ميتين بالحيا هتعملوا فينا ايه تانى


رفع الحد الادنى للاجور

بواسطة عطيه ابراهيم

الجمعة 10 يونيو 2011 12:53 م

ياناس ياهووووووووه اصحو افيقو نايمين طيب وانا موظف بقالى 34 سنه بالتربية والتعليم واجمالىمرتبى وحوافزى بالكاملبعد زيادة 15بالمية الاخيرة 900 جنيه وعندى 6 اولاد وساكن 450 يا ناس عدالة اجتماعيه ياهووووووووة عدالة اجتماعيه ياحكومه حسو بينا حسو بينا حرام عليكم اصحو افيقو عدالة اجتماعيه


بلدنا تجيب من اين كل هذه الميزانيه الحكومه غلطانه

بواسطة امام سمير الشافعى

الجمعة 10 يونيو 2011 01:06 م

خطأت الحكومه غند الاعلان عن الحد الادنى للاجور ليس موعدها الان هو فى فلوس فى البلد (ولا الصيت اجسن من الغنا )



مش فاهم حاجة

بواسطة المدرس المطحون

الجمعة 10 يونيو 2011 01:10 م

انا مش فاهم حاجة واللى فاهم يقولى انا دلوقتى مرتبى 610 اية اللى هيحصل معايااصل ممكن يريحوا نفسهم ويدونى ال90 جنيى الباقية ويدونا مقلب فى الحد الادنى للاجور ونفضل برضة شحاتين المشكلة انة حتى لو ادونا 1000 جنية برضة هنفضل شحاتين بعد الايجار والاقساط والكهرباء والمية برضة شحاتين بالمناسبة اساسى مرتبى 252 جنية والباقى فضيحة المعلم المسماة بالكادر ومش رايح الملاحظة بتاع الثانوية العامة بكرة واللى يحصل يحصل ضربوا الاعور على عينة قال خربانة خربانة بالمناسبة انا على الدرجة الثالثة من سنة 2000 يعنى من 11 سنة المهم الحمد لله الذى لا يحمد على مكروة سواة مش عارف والدى الله يرحمة استحمل فى التربية والتعليم 36 سنة ازاى الله يرحمة هو السبب.



جات الحزينة تفرح

بواسطة مصرى

الجمعة 10 يونيو 2011 01:17 م

اقترح على الحكومة ان تبيع الاهرامات وابو الهول عشان تدفع المرتبات المطلوبة لسد حاجة المصريين ومافيش مانع نؤجر نهر النيل لنجيب ساويرس وقناة السويس لعاطف عبيد والارض الزراعية ليوسف والى وطظ فى الغلابة لهم رب اسمه الكريم



مفيش فايدة

بواسطة عاشق ترابك يامصر

الجمعة 10 يونيو 2011 01:21 م

والله مفيش فايدة هو الفساد موجود موحود وشلاه ياثورة يعنى انا بقى لى 20 سنه وعندى اربع اولاد كلهم فى التعليم ومرتبى 1100 جنيه ييجى وزير المالية ويقسم المرتب علينا بعد الكهرباء والمية والتليفون اللى اترفعت خدمته لانى مدفعتش الفاتورة والعلاج ولبس الاولاد وووووووووووو خمسمية ووووووووووو ويبقى يسد وزير المالية



حكومة شرف

بواسطة السداوى

الجمعة 10 يونيو 2011 01:21 م

راح حرامى جه اربعين حرامى وده اللى كنا منتظرينه من حكومة عسكرية اتربت اساسا على السرقة دى حكومة عايزه تتزال من الاساس وضحكوا على شباب الثورة المغلوبين على امرهم ونزلوا شرف فى وسطهم علشان يكون رئيس الحكومة وزى الجيش ما خان مبارك مش غريبه ان يخون الشعب ويسحب كل الوعود 0



الحد الادنى للاجور

بواسطة محمد

الجمعة 10 يونيو 2011 01:32 م

انا موظف وبقالى 23سنه فى العمل واتقاضى اقل من 1000 جنيه هل هذا حلال فكيف اتساوى مع الجدد من الموظفين نرجو العداله الاجتماعيه




ياريتنى كنت لاعب كرة ولا حتى رقاصة

بواسطة ابو رحمة

الجمعة 10 يونيو 2011 01:40 م

ياريتنى كنت لاعب كرة ولا رقاصة عشان كنت اخد ملايين ومستناش الحد الادنى اصل احنا فى بلد لازم تذل ولادها وتعيشهم زى الكلاب انما تكرم الرقاصات والفنانات العاريات ولاعبى الكرة بس انما موظف زيى بيقبض بالحوافز بعد 17 سنة خدمة 700 جنيه يربى بيهم عياله ويصرف على بيته بيهم ييجى يتعشم حتى فى نفحة 278 جنيه من الحكومة يقوموا يسحبوهم تانى ويخلوا واحد لسه متعين او على الدرجة السادسة زيه زى الى بقاله 20 سنة فى الخدمة هو ده العدل يا وزير المالية ؟ فعلا هى دى العدالة الاجتماعية بس اعتقد ان الناس مش هتسكت على كده والايام بيننا

[mmar1]

[IMG]file:///C:/DOCUME%7E1/XPPRESP3/LOCALS%7E1/Temp/msohtml1/01/clip_image002.gif[/IMG]

ياجماعة انا نقلت تصريحات المساء ولكنني اتفق في الراي مع الاستاذ فتخي المحترم بس ركزوا الخبر مش منطقي لان من غيرالمعقول واحداشتغل 10و12و15و20و---------الخ يتساوي بواحد لسة متعين وياريتة نفس الدرجة الهدوء وان غدا لناظرة قريب