حاسة اني اخدت اكبر ألم في حياتي .. احساس سخيف !

[nado_nona]

عارفين لما تكون راسم طريق وتلاقي ان من اول خطوة فيه كل حاجة باظت .. انا واحدة كنت راسمة طريقي علي اعلام القاهرة ومنظمة حياتي ع هذا الاساس .. والسنة اللي فاتت جبت ٩٤.٥٪ ادبي .. وكلنا كنا متصورين سهولة .. لكن للاسف بصيت لامتحان العربي في اللجنة ع انه سهل وتمام وطبعا لما طلعت كانت صدمة عمري في تعدد الاجابات ... والصدمة الاكبر بعد نموذج الاجابة .. بعد معاني الكلمات بعد عدم تحقق الوحدة العضوية
والله شوفت الايام كلها اللي خدت فيها دروس اللي سمعت فيها اللي حفظت فيها .. تعبت بجد السنة دي اوي بس واضح ان ربنا مش كاتبلي نصيب ... وكذلك ف الانجليزي حسيت انه بسيط بس اكيد كان في جزئيات برده مختلفين عليها !!! .. طيب وبعدين ؟؟ رغم اني السنة اللي فاتت نقصت نص درجه بس في الانجليش ودرجه واحده في العربي !! ..

كده اقدر اقول الجامعة الخاصة بتناديني ؟؟؟؟ .. مش عارفة هما اخرتها عايزين مننا ايه ؟؟ .. مع اننا والله لو ادونا فرصه ندخل احنا بجد هنطلع حاجات حلوة .. لما يدوا فرصة بسيطة لكل واحد يدخل اللي عايزه هينجح فيه بجد .. بعكسسسسس لما تدونا مواااااد ولا لينا علاقة بيها الا باقل القليل اللي هنستفيد بيه

عموما كان نفسي بلدي تتغير للاحسن .. احلامي بعد الثورة ان بلدنا هتتغير للاحسن .. كنت فاكرة اني همشي في شوارع بلدي في وسط اخواتي
بس استمرت المعاكسات والمضايقات .. والسرقة ... واستمرت الرشوة والواسطة .. وتعقيد الطلاب .... ويبقي الامل !