إلحقوا فضيحة غش فى الثانوية العامة بالمنوفية

[nabhab]

قال لى أحد الزملاء أن الأهالى بمدرسة ثانوية بقويسنا دخلوا أول يوم امتحانات وقالوا لرئيس اللجنة إما نغشش الأولاد وإلا مش هاتروحوا . وطبعا رئيس اللجنة قاله كل يوم ييجى 10 أو 15 منكم ومدرس للمادة من خارج المدرسة يحل الورقة ويمشى والأشخاص دى تلف على اللجان تغشش العيال ومحدش يعمل وش حول المدرسة وحسبنا الله ونعم لوكيل فينك يا وزير؟؟!!
هل ده يرضى ربنا انتوا احكموا

[M.Ahmed Elsaid]

صدقنى يا اخى الطلاب مهما عملوا وحتى ان نجحوا وجابوا درجات عالية

هيفضلوا فاشلين طول عمرهم ..حتى لو دخلوا كلية طب كمان ..على الاقل هيقضى فيها 15 سنة

لان اصله فاشل وخايب وضايع



ومتنساش ان ربك يمهل ولا يهمل

[محمد حسين الشواربى]

و في مدرسة الشهيد غريب عبد التواب / الواسطى / بني سويف بتحصل مهازل بيحكيها الطلاب بعد اللجنة
منها
طالب أقسم أنه طلع الموبايل في امتحان الانجليزي و من القاموس المحمل على الموبايل ترجم كل الكلمات اللي مش عارفها
وطالب قال كان معاه ملزمة نقل منها الاسئلة و بعين المرقب خدها منه و اداها لصحبة عشان يحل على مبدأ المساواة في الغش عدل
و آخر طلع و رقة بيضاء و نقل كل اسئلة الامتحان و رماها من الشباك و اكيد كان معاه موبايل و اللي اخد الورقة أملاه الحل بالتليفون
و محدش يقنعني ان المراقب ما شافوش و هو بينقل دا نقل الاسئلة يستغرق على الاقل ربع ساعة


و سلم لي على مولدالثانوية العامة
و عمار يا مصر

[sanawyastudents]

حضرتك المفروض تدخل علي صفحة وزارةا لتربية والتعليم علي الفيس بوك وتكتبلهم الكلام ده لأن دي بجد مهزله .... وإحنا الطلبة اللي بنتظلم في الآخر

ده لينك الموضوعات اللتي تقدر تكتب منه موضوع الشكوى للوزارة

http://www.facebook.com/egypt.moe?sk=app_2373072738

وده لينك فيه شكاواى عن أكتر من 30 مدرسة

http://www.facebook.com/topic.php?ui...484&topic=3808

ودي حملة شباب ضد الغش بردو بنجمع فيها أسماء المدارس دي وهنوصلها لمسؤول في الوزارة

http://www.facebook.com/Againstcheating

ياريت حضرتك متتأخرش في تقديم الشكوى عشان نلحق ناخد موقف قبل باقي الإمتحانات ... ولك مني كل إحترام وتقدير

[(wanted)]

hالغش يملأ لجان الثانويه حرااااااااااااااااااااااااام

[شوقى محمد المصرى]

يا سيدى الفاضل انا من مدينة قويسنا/ محافظة المنوفية

و أقدر أكدلك أن كل دى اشاعات لا تمت للواقع بصلة

[Tam top]

والله الكلام ده مينفعش ما هو في الاخر على دماغنا في التنسيق حسبي الله ونعم الوكيل . بس انا من المنوفيه وبصراحه مفيش لا غش ولا غيروا ولا من الطالبات حتى اصل كل واحده خايفه على مجهودها طول السنه فمفيش حد حتى بيفكر في الموضوع الا طبعا البعض

[ningooooo]

http://www.facebook.com/egypt.moe?sk=app_2373072738#!/topic.php?uid=192739377423484&topic=3808

[msh835]

نصدق مين ولا مين . عموما الغش موجود كل سنة ومش جديد

[شعبان رجب]

لاحول ولا قوة الا بالله
من غشنا فليس منا