امتحان الجيولوجيا ^^ ألام & وأمال ^^

[psychology]

بسم الله الرحمن الرحيم
السلام عليكم
رغم أنى مدرس لمادة علم النفس الا أنى أحب داائما معرفة أحوال طلابنا الاعزاء فى كل المواد الدراسية وأتمنى لهم التوفيق والسداد فى كل المواد . ودخلت كعادتى الى المنتدى لأرى ردود الفعل بعدكل الامتحان ولكنى لم أجد ردود أفعال يعلوها الحزن والاسى واليأس والخوف مثل ما رأيت اليوم مما أزعجنى وضايقنى وحاولت أن أساعد بما أستطيع من خلال هذه الكلمات ................
أولاً أنا أيام الثانوية العامة أخذت مادة الجيولوجيا وعلوم البيئة وكان أيامها بيعطوا 25 درجة لعلوم البيئة و25 درجة للجيولوجيا وفاكر طبيعة المنهج اللى كان بيحتاج تركيز دقيق على معلومات المنهج يعنى حاسس بيكم
**طيب الامتحان خلص وانتهى وكل واحد كنب الى قدر عليه واللى ربنا ذكره بيه اكيد فى ناس من التوتر نسيت جزئيات من المنهج وطلبة مرت بأقات عصيبة أثناء الامتحان وده مأثر عليهم لحد الان لأنهم بيشعروا ان مجهودهم طول السنة ضاع طيب ايه اللى يعملوه دلوقت؟
1- (مابقى لك أكثر مما أخذ منك )دى قاعدة تكتبها قدامك وانت بتذاكر المادة القادمة (التاريخ)
2- تأنيب الضمير وجلد الذات لن يفيد بشئ لأن الامتحان انتهى ومعرفة نموذج الاجابة لن يفيد بشئ لأن اللى اكتب اكتب بل قد يزيد الحزن.
3- استمرار حالة الحزن والندم والاحساس بالضياع سوف يؤثر على صحتك وعلى المادة القادمة وانتم عارفين انها محتاجة مجهود وصحة . ممكن تقولى أنا مش قادر انسى أقول لك اللى بيفرق طالب عن طالب هو سرعة نسيان ماحدث والتفكير الايجابى فى القادم لأنه الاهم يعنى تقوموا تفتحوا كتاب التاريخ وتحاولوا تنسوا بأى شكل نتيجة الامتحان السابق بأى شكل لأن الكل محتاج درجة مادة التاريخ واطلب من ربنا أن يعوضكم بخير منها.
4- مش عايز حد ينسى (ان الله لايضيع أجر من أحسن عملا) كذلك (ومن يتوكل على الله فهو حسبه)
أتمنى أن أكون أفدتكم بشئ وعلى فكرة كان مجموعى فى الجيولوجياوعلوم البيئة (47.5 درجة )