حينما تأملت في وصف الجنة علمت كم هي الحياة تافهة

[monno_madkour]

استمعت لوصف الجنة من الشيخ عمر عبدالكافي في حلقة يوم الأربعاء 22/6/2011 برنامج القاهرة اليوم

والله بعد انتهاء الحلقة قد ايه الواحد طلع مغيب والله والدنيا سارقاه ,

يا جماعة العيشة بصحيح في الجنة مش الدنيا , كل واحد فينا عمال بيعمر في مكانه وناسي انه سايبها في أي لحظة , يا أخواننا نسعى في الدنيا بس بحساب مش كل حاجة لازم نعملها ونحصل عليه الدنيا مجموعة أدوات ووسائل مش غاية..

لازم يا أخواننا كل واحد يسعى في عمل الخير ويجد ويبني قصوره في الجنه بإذن الله من دلوقتي , الموت في أي لحظة

الدنيا ممر مش مستقر , اقرأوا في وصف الجنة تلاقوا قد إيه ربنا بيحبنا وقد إيه الدنيا تافهة واحنا ناسيين الجنة وأن الواحد لما بيزيد في عمل الخير ده بإذن الله بيرفعه عند ربنا...

هيجي واحد يقول ( كل المسلمين إن شاء الله هيخلدوا في الجنة ) وده صحيح لأن الرسول صلى الله عليه وسلم قال كل من قال لا إله إلا الله دخل الجنة....

هنرد عليه ونقول ( لما تقرأ وتسمع عن وصف درجات ومنازل الجنة هتعرف أد إيه لهفة الواحد علشان يخلد في الأماكن الحلوة العالية اللي في أعلى الجنة مع الرسول صلى الله عليه وسلم )

افهموا معنى كلمة الخلــــــــــــــــــــــــــــــــود , الخلود في الجنة في الفردوس الأعلى اللهم آمين وصية الرسول صلى الله عليه وسلم لنا عندما ندعو و نسأل الله الجنة...