نظام الثانوية العامة المصرى(الداخل مفقود والخارج مولود)

[IBN EL WALEED]

امتحانات السنة دى سهلة الحمدلله وان شاء الله تكمل على كده

هتناقش معاكم فى ده صح ولا غلط مفيد ولا مش مفيد

لكن هو بالتأكيد ليس الحل الأمثل

وعلى فكرة مش معنى انى بقول ان الامتحانات سهلة انى بتفزلك وكده بالعكس انا عندى غلطات بردو لكن خلينا نعترف ان بعد العربى والانجليزى احنا لحد دلوقتى بتجيلنا امتحانات على أسهل مستوى ممكن

طبعا المفروض من وجهة نظرى ان كل امتحان يبقى معقول مع حتة صعبة
يعنى بردو مش الحلو ان تبقى الامتحانات سهلة وييجى امتحان صعب جداا

لأ المفروض كل امتحان يبقى سهل فيه صعوبة ويبقى كل الامتحانات مستواها معقول علشان نحصل على تقييم شامل وجيد للطلبة

لكن حطوا نفسكوا مكان واضع الامتحان احنا بشر يعنى مش أجهزة

مع هذا الاهتمام الجاااااااارف بالثانوية العامة والخوف والحرص والتعب وتحديد المستقبل ومصاريف الأهالى وسهرهم وتعبهم وتعب الطلبة

مش هقدر احط امتحان معقول

انا مش هستحمل ان ييجى مليون واحد يدعوا عليا

لازم قبل ما نبص الامتحانات صعبة ولا سهلة نشوف ايه النظام الأهبل اللى احنا عملينه ده

لازم نهتم بكل الوظائف مش كل حاجة مهندسين ودكاترة وضباط وكام كلية كده والباقى يقعد فى البيت

ولازم قبل ما ييجوا طلبة يتفزلكوا علينا ويقولك انتوا امتحاناتكم سهلة يفتكر هو فى ثانوية عامة كان عامل ايه

نظام التعليم مينفعش معاه امتحانات صعبة

اذا كان الامتحان سهل وفيه ناس بتتنتحر

ارحموا الطلبة فعلا وياريت وزارة التربية والتعليم تبدأ من دلوقتى ومن بكرة

الدفعة الجاية دى متتبهدلش البهدلة اللى احنا بتهدلناها دى