شوفوا اللى حصل اليوم فى الاعتصام...انا لسه جاى حالا من قدام المشيخة انا والزملاء ....

[sherifkhattab]

بصراحة مش عارف ابدء منين....بصراحة حاجة تزعل انا خرجت من بيتى الساعة 8 ص وكنت قدام منطقة طنطا الساعة 8.45 انتظرنا حتى تجمع عدد لا باس به وظلنا نردد بعض الهتافات الى ان خرج وكيل الوزارة بسيارته ووقف ليكلمنا وقال انه لسه حالا باعت فاكس للمشيخة بالمظاهرات وقال لنا توجهوا الى مشيخة الازهر فانا ليس لدى اى سلطة.فقام الاستاذ محمد سعد البطل هو والاستاذ محمد رحاب بجمع ميكروباصات واوتوبيس للسفر للقاهرة.ظللنا عند منطقة الغربية حتى الساعة 12 ظهرا.انطلق الاستاذ محمد سعد هو والزملاء للقاهرة فى 5 ميكروباصات.وانتظر الباقين الاستاذ محمد رحاب الذى كان يحضر اوتوبيس.وصل الباص بعد الظهر 12.30 واختلفنا حول اخذ الباص او العربيات لان العدد بدا يقل والناس انصرفت بعد الظهر الا 35 شخص.المهم خدنا 2 ميكروباص وانطلقنا للقاهرة الساعة 1.00 واذ نوفاجاء فى الطريق ان الميكروباص رقم 2 لم ينطلق خلفنا والناس روحو.يعنى ذهبنا للقاهرة بفقط 1 ميكروباص لننضم الى ال 5 او 6.
قمت انا بالاتصال بالاستاذ محمد سعد وعرفته اننا فى الطريق.وبعد مرور حوالى ساعة وربع فى الطريق تلقينا خبر ان الجيش ضرب نار فى الهواء على المعتصمين ومسكوا منهم 6 افراد منهم محمد سعد منسق الغربية.المهم وصلنا امام المشيخة حوالى 3.10 وفعلا وجدنا الخبر صحيح ووجدنا الشرطة والامن المركزى والجيش موطوق المكان.انضممنا الى المعتصمين ورددنا الهتافات الى ان طلب الامن منا ان نختار 5 اشخاص منا لمقابلة شيخ الازهر
وكان ناتج اللقاء الاتى:
قال شيخ الازهر انه ليس المسئول عن تعطيل عملية التثبيت بل التنظيم والادارة والمالية...كما قال انه لن يتم التثبيت للكل مرة واحدة بل دفعات بالاقدمية يعنى 2005 ثم 2006 وهكذا
عندما سالناه عن موعد محدد للتثبيت قال لا استطيع ان اقول ميعاد محدد حتى لا افى به
وعندما اخبرناه بان التربية والتعليم خد كادر واحنا لا قال ان فى قانون الازهر مينفعش المدرس يصرف كادر الا بعد التثبيت على درجة مالية
وعندما قلنا له ان التربية والتعليم اتثبتوا اتصل فى الحال سكرتيره بصفوت النحاس بتاع التنظيم ثم رد على الشيخ ان هذا كلام كذب يامولانا وان مفيش حد اتثبت فى التربية والتعليم
على فكرة محمد سعد منسق الغربية لسه فى النيابة هو وزملائه ووعدونا انهم يطلعوا اليوم او غدا باكر
اللى يزعل واللى يغيظ الناس اللى نايمه فى البيت ومنتظرة التثبيت احنا كنا قدام المشيخة ميكملش 250 شخص من الغربية وكفر الشيخ وسوهاج وكذا محافظة وبتوع القاهرة والجيزة لم يخرج منهم الا القليل جدا
بالله عليكم لما نكون 250 من اجمالى 70000 متعاقد يبه حيعملولنا حساب ازاى
عموما مبروك عليكم القعدة فى البيت ومبروك عليكم عدم التثبيت واحنا اللى نتستاهل
والله العظيم انا طالع من بيتى الساعة صباحا8.05 وداخل الساعة 11.45 مساء

[أ/ هشام العيسوى]

والله معاك جق انا مصدوم من قلة العدد وهو دا اللى خلاهم يقدروا يفضوا الاعتصام بالطريقة المخزية هذه
لو عدد كبير مستحيل كانوا عملوا كدا

[m.medhat ramadan]

هذا ماحدث بالفعل أخي الفاضل وانا شاهد علي ذلك أتمني التكاتف أخواني الأفاضل ياجماعه لازم نكون بأعداد كبيرة اذا أردنا أن نحصل علي حقوقنا والله الموفق

[مستر مازن]

مش عارف اقول ايه لا حول ولا قوه الا بالله

[النسر المصرى]

الله معكم رجالة بجد والله

[ahmedaboda]

والله احنا نستاهل نايمين لو ايد وحده مكنش ده يبقا حلنا والله
الاتحاد فعرف
لازم نكون ايد وحده علشان ناخد حقنا ونتثبت

[السيد1]

اتمنى ان نعاود الكرة مرة ثانيه لإن فيه ناس كثيرة لم تعلم بذالك وياريت الصحافه نقدر نخليها تتواصل معانا لان لها دور ابجابى وفعال ........... والله العظيم حرام كده اللى بيعملوه فينا

[teacher120]

قمنا نحن منسقى المنصوره بمقابله الحاكم العسكرى بلدقهليه مساء الثلاثاءواخبرنا بالاتى 1-ان شيخ الازهر اتصل بالتنظيم ولادراه واخبروه ان الاعداد كبيره والامر لن يقل عن شهرين لتثبيتهم والجهاز يقترح تثبيتهم على دفعات اى محافظه محافظه2-انه سيتم عرض الامر على مجلس الوزراء الاربعاء اليوم-------وقد تقرر الاعتصام السلمى الاربعاء 6-7 بعد اتفاق الجميع على ذلك امام مشيخه الازهرثم الاضراب عن التصحيح الذى يبدأ يوم 9-7

[ابو زياد22]

المشاركة الأصلية كتبت بواسطة teacher120

قمنا نحن منسقى المنصوره بمقابله الحاكم العسكرى بلدقهليه مساء الثلاثاءواخبرنا بالاتى 1-ان شيخ الازهر اتصل بالتنظيم ولادراه واخبروه ان الاعداد كبيره والامر لن يقل عن شهرين لتثبيتهم والجهاز يقترح تثبيتهم على دفعات اى محافظه محافظه2-انه سيتم عرض الامر على مجلس الوزراء الاربعاء اليوم-------وقد تقرر الاعتصام السلمى الاربعاء 6-7 بعد اتفاق الجميع على ذلك امام مشيخه الازهرثم الاضراب عن التصحيح الذى يبدأ يوم 9-7

انت لسه بتثق في كلام الناس دي ياteatcher 120

[teacher120]

لم اثق اطلاقا وطلبت من اخوانى عندما جاء مندوب الحاكم العسكرى المنطقه وطلب عقد لقاء قلت لهم سيبكم من الكلام دا ودا عاوز يفرقنا الان باى طريقه محدش سمع الكلام والشباب يظهر اول مره يروح اعتصام ويلتقى بمسئول فا كانوا مبسوطين جد ومؤيدين ويعلم الله انى رحت لمقابله الحاكم العسكرى واتبهدلت فى المواصلات ومروح بيتنا الفجر وانا اصلا عارف ان مش هيضيف جديد لكن الى طلعنا بيه انه عرفنا ما تم بين شيخ الازهر والتنظيم والادره وان الموضوع محتاج شهور

[samiro]

لا للتثبيت على دفعات احنا مش رمية عشان ناخد فضلات التنظيم والادارة التثبيت للجميع زينا زى التربية والتعليم والسكة الحديد والبترول والاتصالات و.....و............و........... كلكم عارفين ان احنا اقل فئة ليها اهتمام دة اذا كان لينا اصلا ويسقط شيخ الازهر والمشيخة بتاعتة

[مستر / وائل الفايد]

يعني مافيش تثبيت طيب الحمد لله بس اي حد يفيدنا بموعد تجديد العقد والاوراق المطلوبه

[ابو سلمى غزالة]

والله حرام
رحنا منطقى الشرقية
ومفيش الا 50 بس من كام
لا اله الا الله حسبى الله ونعم الوكيل حاجة تكسف

[ابو زياد22]

سبحان الله

[sherifkhattab]

حسبنا الله ونعم الوكيل